ပင်လယ်နက်တွင် အမေရိကန်နှင့် ရုရှားစစ်တပ်တို့ ထိပ်တိုက်တွေ့ခဲ့

မေ ၃၁၊ ၂၀၁၅
M-Media

– ပင်လယ်နက်အတွင်းရှိ အမေရိကန်စစ်သင်္ဘော၏ ရန်လိုသောအပြုအမူကို တုန့်ပြန်ထားဆီးရန်အတွက် စစ်ဘက်ဆိုင်ရာလေယာဉ်ကို ရုရှားက စေလွှတ်ခဲ့သည်ဟု ရုရှားနိုင်ငံပိုင် သတင်းအေဂျင်စီ RIA က ဖော်ပြခဲ့သည်။

ခရိုင်းမီးယားရှိ ရုရှားစစ်တပ်၏ လျှို့ဝှက်ရင်းမြစ်မှ ယနေ့တွင်ပြောကြားမှုကို ဖော်ပြခဲ့ခြင်းဖြစ်ပြီး အမေရိကန် ပဲ့ထိန်းဒုံးကျည်ဖျက်ဆီးရေးသင်္ဘော USS Ross မှာ ရုရှား ရေပိုင်နက်အစွန်းတစ်လျှောက် လှုပ်ရှားနေခြင်းကြောင့် သွားရောက် ရင်ဆိုင်ခဲ့ခြင်းဖြစ်သည်ဟု ဆိုသည်။

“သင်္ဘောက သင်္ဘောသားတွေဟာ ဆွပေးတဲ့ ရန်လိုတဲ့လုပ်ရပ်တွေကို လုပ်ဆောင်ခဲ့ပြီး ဒီလိုလုပ်ဆောင်မှုက စောင့်ကြည့်ရေးစခန်းတွေက အော်ပရေတာတွေနဲ့ ပင်လယ်နက်ရေတပ်က သင်္ဘောတွေကို စိုးရိမ်စရာ ဖြစ်လာစေပါတယ်။ Su-24 တိုက်ခိုက်ရေး လေယာဉ်ဟာ နယ်စပ်ချိုးဖောက်မှုကို ပြင်းပြင်းထန်ထန် တားဆီးဖို့နဲ့ နိုင်ငံရဲ့ အကျိုးစီးပွားကို ကာကွယ်ဖို့အတွက်
အဆင်သင့်ဖြစ်နေတယ်ဆိုတာ အမေရိကန်သင်္ဘောသားတွေကို သွားပြခဲ့ပါတယ်” ဟု RIA သတင်းဌာနက ထည့်သွင်းဖော်ပြခဲ့သည်။

ပင်တဂွန်ပြောရေးဆိုခွင့်ရှိသူ အီလင်း လိုင်နက်ဇ်ကမူ USS Ross မှာ နိုင်ငံတကာရေပိုင်နက်အတွင်း တစ်ချိန်လုံး ကောင်းမွန်စွာရှိနေပြီး နေ့စဉ်လုပ်ငန်းများကို ဆောင်ရွက်နေသည်ဟု ပြောကြားခဲ့ကာ အဆိုပါသင်္ဘောအား လူသိရှင်ကြား ချထားခြင်းဖြစ်သည်ဟု ဆိုသည်။

ရုရှားကာကွယ်ရေးဝန်ကြီးဌာနကမူ ထိုသတင်းအတွက် မည်သည့်မှတ်ချက်မှ မပေးသေးပေ။ ရုရှား၏ ပင်လယ်နက်ရေတပ် တည်ရှိသော ခရိုင်းမီးယား ကျွန်းဆွယ်ကို ပြီးခဲ့သည့်နှစ်က ရုရှားမှ သိမ်းပိုက်ထားခြင်းနှင့် ယူကရိန်းပြဿနာ ဆက်လက်ဖြစ်ပွားနေသည့် အချိန်တွင် ရုရှားနှင့် အနောက်နိုင်ငံများမှ စစ်တပ်တို့အကြား ထိပ်တိုက်တွေ့ဆုံမှုမှာ ယခုအကြိမ်သည့် နောက်ဆုံး အကြိမ်ဖြစ်သည်။

ယခုလအစောပိုင်းကလည်း ဗြိတိန်နှင့် ဆွီဒင်တို့က ၎င်းတို့မှာ ၎င်းတို့၏ နယ်စပ်အနီးသို့ ရောက်လာသော ရုရှား ဗုံးကြဲလေယာဉ်များကို ကြားဖြတ်ဟန့်တားရန် တိုက်လေယာဉ်များ စေလွှတ်ခဲ့ရသည်ဟု ပြောကြားခဲ့သည်။

Ref: Aljazeera