နိုင်ငံတကာသတင်းတို (မေ ၃၁၊ ၂၀၁၅)

မေ ၃၁၊ ၂၀၁၅
M-Media

စင်ကာပူရဲ ကားတစ်စီးကို ပစ်ခတ် တားဆီးရာမှ လူတစ်ဦး သေဆုံး
…………………………
ယမန်နေ့နံနက်ပိုင်းက အမေရိကန် ကာကွယ်ရေး ၀န်ကြီး အက်ရ်ှကာတာ နေထိုင်သည့် ရှန်ဂရီလာဟိုတယ်အနီး ရဲတပ်ဖွဲ့အတားအဆီးကို ဖြတ်ကျော်မောင်းနှင်ခဲ့သည့် ကားတစ်စီးကို စင်ကာပူရဲတပ်ဖွဲ့က ပစ်ခတ်တားဆီးမှုအတွင်း လူတစ်ဦးသေဆုံး ခဲ့သည်ဟု တာဝန်ရှိသူများက ပြောကြားခဲ့သည်။ အတားအဆီးအနားသို့ ရောက်လာသည့် အဆိုပါကားကို ရဲတပ်ဖွဲ့က စစ်ဆေးရန် နောက်ဖုံးဖွင့်ခိုင်းရာ မလိုက်နာဘဲ အတင်းမောင်းပြေးခဲ့ခြင်းဖြစ်သည်။ မည်သည့်အတွက်ကြောင့်
ထိုကဲ့သို့ မောင်းပြေးခဲ့ခြင်းကို ရှင်းရှင်းလင်းလင်း မသိရသေးဘဲ ကာကွယ်ရေးဆိုင်ရာ အစည်းအဝေးကို တက်ရောက်ရန် ရောက်ရှိနေသည့် အမေရိကန်ကာကွယ်ရေးဝန်ကြီးအပါအ၀င် မည်သူမှ ထိခိုက်ခဲ့ခြင်း ရှိချေ။ ကားထဲမှ ဖမ်းဆီးရမိသူတစ်ဦးတွင် မူးယစ်ဆေးဝါးများကို တွေ့ရှိခဲ့ရသည်။

မော်စကိုလိင်တူချစ်သူ ချီတက်ပွဲ လူ ၂၀ အဖမ်းခံရ
……………………………..
ရုရှားနိုင်ငံ မော်စကိုမြို့၌ ယမန်နေ့တွင် ပြုလုပ်ခဲ့သော လိင်တူချစ်သူများ အခွင့်အရေးအတွက် ချီတက်ဆန္ဒပြမှုကို ရဲတပ်ဖွဲ့က ဖြိုခွဲခဲ့ပြီး အဓိက တက်ကြွက်လှုပ်ရှားသူများ အပါအ၀င် လူ ၂၀ အထိ ဖမ်းဆီးခဲ့သည်။ အဆိုပါ ချီတက်ပွဲပြုလုပ်ရန် ခွင့်ပြုချက်တောင်းခံရာတွင် ရုရှားအာဏာပိုင်များက ခွင့်ပြုချက်မပေးခဲ့ဘဲ ယခုအကြိမ်မှာ လိင်တူချစ်သူအရေး တက်ကြွလှုပ်ရှားသူများ၏ ၁၀ ကြိမ်မြောက် ချီတက်မှုလည်းဖြစ်သည်။ ရုရှား၏ ဥပဒေတွင် သဘာဝမဟုတ်သည့် လိင်ဆက်ဆံမှုအတွက် ၀ါဒဖြန့်ခြင်းကို တားမြစ်ထားသည်။

နျူသဘောတူညီချက် မလိုက်နာပါက အီရန်အပေါ် ပိတ်ဆို့မည်
………………………
မကြာမီဖြစ်လာတော့မည့် နျူကလီးယား သဘောတူညီချက်မှ စည်းကမ်းချက်များကို ချိုးဖောက်ပါက အီရန်နိုင်ငံအပေါ် ကုလ၏ ပိတ်ဆို့မှုများကို ပြန်လည်ပြုလုပ်သွားရန်အတွက် အင်အားကြီး ၆ နိုင်ငံက ယမန်နေ့တွင် သဘောတူခဲ့ကြသည်။ အီရန်နှင့် ထို ၆ နိုင်ငံမှာ ဧပြီ ၂ ရက်နေ့က နျူအရေး ကနဦး သဘောတူညီချက်ကို ရရှိခဲ့ပြီး နောက်ဆုံးသဘောတူညီချက်ရရေး နောက်ဆုံးရက်ကို ဇွန်လ ၃၀
ရက်နေ့ သတ်မှတ်ထားသည်။

ဖီဖာချစားမှု နာမည်ကြီးဘဏ်အကောင့်များကို အသုံးပြုထား
………………………………
ဖီဖာ၏ ချစားမှုပြဿနာတွင် ဗြိတိန်ဘဏ်တစ်ခုဖြစ်သော ဘာကလေဘဏ်၊ HSBC ဘဏ်နှင့် Standard Chartered ဘဏ် တို့၏ အကောင့်များကို အသုံးပြု၍ ငွေများလွှဲခဲ့သည်ဟူသော သတင်းများ ထွက်ပေါ်လာပြီးနော် ဘာကလေဘဏ်က မိမိတို့မှာ ငွေလွှဲမှု လုပ်ငန်းစဉ်များကို ဆန်းစစ်မှုများ ပြုလုပ်နေသည်ဟု ပြောကြားလိုက်သည်။

Ref: News Agencies