ဟာလာလ်အသား ထုတ်လုပ်တင်ပို့ရေး စံသတ်မှတ်ချက်ကို ဒိန်းမတ် ပြဌာန်းမည်

ဇွန် ၁၊ ၂၀၁၅
M-Media

– ဟာလာလ်အသားများအား နိုင်ငံရပ်ခြားသို့ တိုးမြှင့်တင်ပို့နိုင်ရေး ဆောင်ရွက်မှုအဖြစ် ဒိန်းမတ်နိုငံက ဟာလာလ်အသား ထုတ်လုပ်သူများ၊ ကုန်သည်များနှင့် ဈေးကွက်ရှာဖွေရေးအဖွဲ့များ ပူးပေါင်းဆောင်ရွက်ခြင်းမှတစ်ဆင့် စံနှုန်းသတ်မှတ်ချက်တစ်ခုကို ချမှတ်ရန် ရည်ရွယ်နေသည်ဟု သိရသည်။

“နိုင်ငံတော်တော်များများမှာ ဟာလာလ်ဥပဒေနဲ့ပတ်သက်ပြီး တင်းတင်းကျပ်ကျပ် သတ်မှတ်မှုတွေ ပြောင်းလဲပြုလုပ်လာကြပါတယ်။ မလေးရှားကတော့ အတင်းကြပ်ဆုံး ဥပဒေတွေ သတ်မှတ်ထားတဲ့ တိုင်းပြည်ဖြစ်ပြီး အင်ဒိုနီးရှား၊ ဆော်ဒီအာရေဗျနဲ့ စင်ကာပူတို့မှာ ဟာလာလ်အတွက် တင်းကျပ်တဲ့ လိုအပ်ချက်တွေ ရှိနေပါတယ်။ အာဖရိကနိုင်ငံတွေမှာလည်း တင်းကျပ်တဲ့ စည်းမျဉ်းတွေ
ရှိနိုင်ပါတယ်” ဟု ဒိန်းမတ် စိုက်ပျိုးရေးနှင့် အစားအသောက်ကောင်စီ၏ ကုန်သွယ်ရေး၊ ဈေးကွက်ဌာနမှ အကြီးတန်းအကြံပေး စတစ်ဂ် မန့်ခ်ျ လာဆင်က Global Meat News သို့ မေလ ၂၉ ရက်နေ့တွင် ပြောကြားခဲ့သည်။

သားကောင်းများအား လှီးဖြတ်ခြင်း၊ အသားထုတ်ယူခြင်းနှင့် တင်ပို့ရောင်းချခြင်းတို့ အပါအ၀င် နိုင်ငံ၏ ဟာလာလ်အသား ထုတ်လုပ်ရေးနယ်ပယ်မှ ကဏ္ဍများအား ရင်ဆိုင်ဆောင်ရွက်ရေးတို့ကို ညှိနှိုင်းဆွေးနွေးရန်အတွက် စီစဉ်ထားသည့် အစည်းအဝေးနှင့် ပတ်သက်၍ လာဆင်က ထိုကဲ့သို့ ပြောကြားခဲ့ခြင်းဖြစ်သည်။

အဆိုပါ အစည်းအဝေးကို မြို့တော် ကိုပင်ဟေဂင်၌ ဇွန်လ ၃ ရက်နှင့် ၄ ရက်နေ့များတွင် ပြုလုပ်သွားမည်ဖြစ်ပြီး နိုင်ငံအတွင်း ဟာလာလ်ဥပဒေများ စံသတ်မှတ်ရေး အားထုတ်မှုအစိတ်အပိုင်းအဖြစ် မလေးရှားနိုင်ငံတွင် အသုံးပြုနေသည့် ဟာလာလ်
စည်းမျဉ်းစည်းကမ်းများကို အဓိကထား ဆွေးနွေးသွားမည်ဖြစ်သည်။

ဒိန်းမတ် လယ်ယာစိုက်ပျိုးရေးနှင့် အစားအသောက်ကောင်စီ DAFC၊ ဟာလာလ်အစားအသောက် ထုတ်လုပ်သူများ၊ ကုန်သည်များနှင့် ဈေးကွက်ရှာဖွေရေးအဖွဲ့များ တွေ့ဆုံဆွေးနွေးမှုအတွင်း ထိုအစည်းအဝေးလုပ်ရန် ကြေညာခဲ့ခြင်းဖြစ်သည်။

ချိတ်ဆက်ဆောင်ရွက်ခြင်း

တူညီသော အခြေအနေတစ်ခုကို ရှာဖွေလျက် နိုင်ငံအတွင်းရှိ ဟာလာလ်အသားများ ထုတ်လုပ်တင်ပို့မှုလုပ်ငန်းတွင် လုပ်ကိုင်နေကြသော ကုမ္ပဏီများအကြား ကျယ်ပြန့်သည့် ချိတ်ဆက်ဆောင်ရွက်မှုများ ပြုလုပ်သွားရန် DAFC က တိုက်တွန်းခဲ့သည်။

ထိုကဲ့သို့ ဟာလာလ်စံနှုန်းများ သတ်မှတ်ပြီးပါက နိုင်ငံအတွင်းရှိ ဥစား၊ အသားစားကြက် ထုတ်လုပ်မှုလုပ်ငန်း၊ အသားထုတ်လုပ်သည့် လုပ်ငန်းများတွင် ချမှတ်ကျင့်သုံးသွားမည်ဖြစ်သည်။

ဘုံစံနှုန်းများတွင် မွေးမြူခြင်းမှ လှီးဖြတ်ခြင်းအထိ၊ ပို့ဆောင်ရေး၊ သိမ်းဆည်းရေးနှင့် တင်ပို့မှုဆိုင်ရာ စီမံခန့်ခွဲခြင်းတို့ ပါဝင်သွားမည်ဖြစ်ဟု DAFC ၏ ဖော်ပြမှုအရ သိရသည်။

၂၀၁၄ ခုနှစ် ဖေဖော်ဝါရီလက စိုက်ပျိုးရေးနှင့် အစားအသောက်ဝန်ကြီး ဒန်ဂျော်ဂန်ဆန်က ဒိန်းမတ်တွင် မွတ်စလင်နှင့် ဂျူးတို့၏ ဘာသာရေးဆိုင်ရာ နည်းလမ်းများဖြင့် အသားထုတ်လုပ်မှုမှာ တရားမ၀င်ဖြစ်တော့မည်ဟု ပြောကြားခဲ့သောကြောင့် ကမ္ဘာတစ်ဝှမ်းမှ ဝေဖန်မှုများကို ခံခဲ့ရသည်။ ဒိန်းမတ်အစိုးရကမူ ထိုပြောကြားမှုမှာ အစိုးရ၏ ပေါ်လစီ မဟုတ်ဟု ပြန်လည်ဖြေရှင်းခဲ့ရသည်။

Ref: Onislam