အသင်းကို အားဖြည့်မည်ဖြစ်သော်လည်း ငွေကြေး အလွန်အကျွံ မသုံးဟု ၀င်းဂါးပြော

ဇွန် ၁၊ ၂၀၁၅
M-Media

– လာမည့်နှစ်တွင် ပရီးမီးယားလိဂ်အား စိန်ခေါ်နိုင်ရန်အတွက် ယခုနှစ်နွေရာသီတွင် အသင်းအား တောင့်တင်းအောင် ပြုလုပ်သွားမည် ဖြစ်သော်လည်း ငွေကြေး အလွန်အကျွံ သုံးစွဲသွားမည်မဟုတ်ဟု အာဆင်နယ်နည်းပြ အာဆင်ဝင်းဂါက ပြောကြားလိုက်သည်။

စနေနေ့က အက်စတွန်ဗီလာအသင်းအား ၄ ဂိုးပြတ်ဖြင့် အနိုင်ရခဲ့ပြီး FA ဖလားကို ၂ နှစ်ဆက်တိုက် ရရှိခဲ့သည့် အာဆင်နယ်အသင်းမှာ နွေရာသီအပြောင်းအရွှေ့တွင် သွက်သွက်လက်လက် လှုပ်ရှားလာမည်ဟု မျှော်လင့်ထားကြသည်။

ဝင်းဂါးကမူ မိမိအနေဖြင့် အပြောင်းအရွှေ့ဈေးကွက်တွင် လှုပ်ရှားရန် စိတ်ဆန္ဒမရှိဟု ပြောကြားထားသော်လည်း ရီးယဲလ်တိုက်စစ်မှူး ဘန်ဇီမာမှာ အာဆင်နယ်၏ အဓိကပစ်မှတ် ဖြစ်နေသည်ဟု သတင်းထွက်နေသည်။

အာဆင်နယ်မှာ ဂိုးသမားနှင့် နောက်ခံအလယ်လူ နေရာများအတွက် ပစ်မှတ်ထားရှာဖွေမှုများ ပြုလုပ်နေသော်လည်း ၀င်းဂါးက ငွေကြေးအမြောက်အများ သုံးစွဲရမည့် ပေါ့ဘာနှင့် ဘေးလ်တို့ကဲ့သို့ ကစားသမားများကိုမူ ဆက်သွယ်မည်မဟုတ်ဟု ဆိုသည်။

“ဒီလောက်ငွေများများတော့ ကျွန်တော်တို့ သုံးစွဲမှာ မဟုတ်ပါဘူး။ နှစ်တော်တော်များများမှာ ကျွန်တော်တို့ရဲ့ အကောင်းဆုံး ကစားသမားတွေကို ရောင်းထုတ်ခဲ့တာကို လူတွေကမေ့နေကြပါတယ်။ ပြီးတော့ အဲဒီတုန်းက တော်တော်လေးခက်ခဲတဲ့ အချိန်ကာလတွေ ဖြစ်ခဲ့ပါတယ်။ ဒါဟာ တကယ့်အဖြစ်မှန်ပါ။ ကျွန်တော်တို့ ကစားသမား ပြန်ဝယ်တဲ့အချိန်ကစလို့
ပခုံးချင်းယှဉ်နိုင်တဲ့အဆင့်ကို တစ်ဖြည်းဖြည်း ပြန်ရောက်လာပါတယ်။ ဒါပေမယ့် ခင်ဗျားတို့ပြောသလိုမျိုး အုံနဲ့ကျင်းနဲ့ ခေါ်ဖို့တော့ မလုပ်ပါဘူး” ဟု ၀င်းဂါးက ပြောကြားခဲ့သည်။

ထို့ပြင် ငွေကြေးကို ချွေတာသုံးစွဲရသည့် အချိန်များမှာ နောက်တွင်ကျန်ခဲ့ပြီး ဈေးနှုန်းနှင့် အရည်အသွေး ကိုက်ညီသည့် ကစားသမားများကိုသာ လိုချင်ကြောင်း၊ မိမိအနေဖြင့် ငွေသုံးရမည်ကို ဆန့်ကျင်သူမဟုတ်ဘဲ မကြာသေးမီကပင် ထိုအချက်ကို သက်သေပြခဲ့ကြောင်း ၀င်းဂါးက ထပ်လောင်းပြောကြားခဲ့သည်။

Ref: Goal