လက်စတာအသင်းမှ ကစားသမားများ ထိုင်းအမျိုးသမီးကို လူမျိုးရေးခွဲခြားစော်ကား

ဇွန် ၁၊ ၂၀၁၅
M-Media

– ထိုင်းနိုင်ငံ၏ ပျော်ပွဲရွှင်ပွဲတစ်ခုတွင် ထိုင်းအမျိုးသမီးတစ်ဦးအား လူမျိုးရေးအရ စော်ကားခဲ့သည့် ကစားသမား ၃ ဦး၏ ဗီဒီယို အင်တာနက်စာမျက်နှာတွင် ထွက်ပေါ်လာပြီးနောက် မိမိတို့အနေဖြင့် အသင်းတွင်း စုံစမ်းစစ်ဆေးမှုများ ပြုလုပ်နေသည်ဟု ပရီးမီးယားလိဂ်လကပ် လက်စတာအသင်းက ပြောကြားလိုက်သည်။

The Sunday Mirror က ရရှိကာ ဖော်ပြခဲ့သည့် အဆိုပါဗီဒီယိုမှာ ထိုင်းနိုင်ငံသို့ လက်စတာအသင်း သွားရောက်လည်ပတ်ခဲ့သည့် အချိန်တွင် ရိုက်ကူးထားခြင်းဖြစ်ပြီး သတင်းစာကမူ ထိုင်းအမျိုးသမီးအား လူမျိုးရေးအရ စော်ကားသူများမှာ အသင်းနည်းပြ နီဂျဲလ် ပီယာဆန်၏သား ဂျိမ်းစ် ပီယာဆန်၊ လူငယ်ကစားသမားများဖြစ်ကြသည့် တွမ်ဟော့ပါးနှင့် အဒမ်စမစ်တို့ ဖြစ်ကြသည်ဟု ဖော်ပြခဲ့သည်။

ထို့ပြင် ထိုင်းအမျိုးသမီးများထဲမှ တစ်ဦးအား လူမျိုးရေးခွဲခြားသည့် စကားဖြင့် တုန့်ပြန်ပြောဆိုခဲ့သည်ကိုလည်း အဆိုပါဗီဒီယိုတွင် ထင်ထင်ရှားရှား ကြားနိုင်သည်။

လက်စတာနည်းပြ နီဂျဲလ်ပီယာဆန်မှာ လူမျိုးရေးခွဲခြားသည့် ကစားသမားများကို တိုက်ရိုက်အနီကဒ်ဖြင့် ထုတ်ပယ်ရေး လှုပ်ရှားမှုဖြစ်သည့် Show Racism the Red Card ကို အားပေးထောက်ခံသူလည်းဖြစ်သည်။

လက်စတာအသင်းကို ထိုင်းဘီလျံနာ ဗီချိုင်း ဆရီဗဒ်ဒနာ ပရာဘ်ဟာက ပိုင်ဆိုင်ပြီး ၎င်း၏သားဖြစ်သူကလည်း ဒုဥက္ကဌတာဝန် ရယူထားသည်။

Sunday Mirror သတင်းစာ၏ အဆိုပါ ဖော်ပြမှုကို ဖြေရှင်းသည့်အနေဖြင့် ယမန်နေ့က အသင်း၏ ၀ဘ်ဆိုက်မှတစ်ဆင့် ထုတ်ပြန်သော ကြေညာချက်တွင် ထိုအဖြစ်အပျက်၌ ပါဝင်သူ ၃ ဦးစလုံးက တောင်းပန်ထားပြီး လက်စတာစီးတီးဘုတ်အဖွဲ့အနေဖြင့်လည်း ထိုင်းခရီးစဉ်တွင် မိမိတို့၏ လူငယ်ကစားသမားများ ပါဝင်ခဲ့သော အဆိုပါ အဖြစ်အပျက်အတွက် အလွန်အမင်း စိုးရိမ်မိသည်ဟု
ဖော်ပြခဲ့သည်။

“ကျွန်တော်တို့အသင်းရဲ့ ဘယ်အဆင့်က ကစားသမားမျိုးမဆို အသင်းတာဝန် ထမ်းဆောင်နေတဲ့အချိန်နဲ့ ကိုယ်ပိုင်အချိန် နှစ်ခုစလုံးမှာ ကျွန်တော်တို့အသင်းရဲ့ ကိုယ်စားလှယ်တွေ၊ သံတမန်တွေအဖြစ် ပြုမှုဆက်ဆံဖို့ပဲ မျှော်လင့်ပါတယ်။ ဒါ့ကြောင့် သူတို့ရဲ့ ဒီလုပ်ရပ်ဟာ
တော်တော်လေး ဆိုးရွားတယ်လို့ ကျွန်တော်တို့ မှတ်ယူပါတယ်” ဟု အဆိုပါ ကြေညာချက်တွင် ထည့်သွင်းဖော်ပြထားသည်။

ထို့ပြင် ကစားသမားများ၏ ကိုယ်စားလှယ်များနှင့် ဆက်သွယ်ကာ စုံစမ်းစစ်ဆေးမှုများကို လုပ်ဆောင်နေသည်ဟုလည်း ဖော်ပြခဲ့သည်။

Ref: Goal