ဘေဂျင်းဆေးလိပ်ဆန့်ကျင်ရေးအစီအစဉ် တရုတ်အစိုးရက ပိုမိုတင်းကျပ်

ဇွန် ၁၊ ၂၀၁၅
M-Media

– လက်ရှိတွင် ဘေဂျင်းရှိ စားသောက်ဆိုင်များ၊ ရုံးများနှင့် အများပြည်သူသုံး ယာဉ်များတွင် ဆေးလိပ်သောက်သုံးခြင်းမပြုရန် တားမြစ်ထားသည့် တရုတ်နိုင်ငံမှာ ဆေးလိပ်သောက်သုံးမှု မပြုရသည့် နေရာများကို ပိုမိုတင်းကျပ်လိုက်သည့် ဥပဒေသစ်ကို ပြဌာန်းလိုက်သည်ဟု သိရသည်။

ယနေ့တွင်စတင်လိုက်သည့် ဥပဒေအောက်တွင် စာသင်ကျောင်းများနှင့် ဆေးရုံးများအနီး ဆေးလိပ်သောက်ခြင်းကိုပါ ပိတ်ပင်ခဲ့ပြီး အဆိုပါဥပဒေကို ချိုးဖောက်သည့် မည်သူမဆို ဒဏ်ငွေ ကန်ဒေါ်လာ ၃၂.၂၅ ဒေါ်လာနှင့် ညီမျှသည့် ယွမ်ငွေကို ပေးဆောင်ရမည်ဖြစ်သည်။ လက်ရှိ ဒဏ်ငွေမှာ ၁.၆၀ ဒေါ်လာသာ ရှိသည်။

အသစ်ပြဌာန်းလိုက်သည့် ဥပဒေအား သုံးကြိမ်တိုင်တိုင်ချိုးဖောက်ပါက အမည်မှတ်သားခြင်းခံရကာ အစိုးရ၏ ၀ဘ်ဆိုက်တွင် လူသိရှင်ကြား ဖော်ပြခြင်းခံရမည်ဖြစ်သည်။ စီးပွားရေးလုပ်ငန်းရှင်များကမူ ၎င်းတို့၏ လုပ်ငန်းအဆောက်အဦးများတွင် ဆေးလိပ်သောက်ခြင်းကို တားမြစ်ခြင်းမရှိပါက ဒေါ်လာ ၁၆၀၀ အထိ ဒဏ်ရိုက်ခံရမည်ဖြစ်သည်။

ထို့ပြင် အခြေခံပညာ မူလတန်းကျောင်းများနှင့် မူကြိုများမှ မီတာ ၁၀၀ အကွာတွင်ရှိသည့် ဆိုင်များတွင် စီးကရက်ရောင်းချခြင်းကိုလည်း အဆိုပါဥပဒေသစ်က တားမြစ်ပိတ်ပင်ထားသည်။

တရုတ်နိုင်ငံတွင် ဆေးလိပ်သောက်သုံးသူမှာ သန်း ၃၀၀ ကျော်ရှိပြီး ဆေးလိပ်နှင့် ဆက်စပ်သည့် ရောဂါများကြောင့် သေဆုံးသူမှာ နှစ်စဉ် ၁ သန်းခန့်ရှိနေသည်ဟု အမျိုးသားကျန်းမာရေးနှင့် မိသားစုစီမံကိန်းကော်မရှင်၏ မှတ်တမ်းအများအရ သိရသည်။

၂၀၁၁ ခုနှစ်ကစတင်ခဲ့သည့် ဆေးလိပ်သောက်သုံးမှု တားမြစ်ရေး အစီအစဉ်မှာ အောင်မြင်မှုမရှိခဲ့ပေ။ သို့သော်လည်း ယခုထုတ်ပြန်လိုက်သည့် ဥပဒေသစ်အား လိုက်နာခြင်း ရှိ၊ မရှိ စစ်ဆေးရန်အတွက် စစ်ဆေးရေးမှူး ၁၃၀၀ ကျော်ကိုလည်း ခန့်အပ်သွားမည်ဖြစ်သည်။

ပါလီမန်မှာ ဆေးလိပ်နှင့်ပတ်သက်သည့် ကြော်ငြာများကို မီဒီယာများ၊ အများပြည်သူနှင့် သက်ဆိုင်သည့်နေရာများတွင် ကြော်ငြာခြင်းကို ပိတ်ပင်သည့် ဥပဒေတစ်ခုကိုလည်း ပြီးခဲ့သည့်လက ပြဌာန်းခဲ့သည်။

ဘေဂျင်းတွင် ဆေးလိပ်သောက်သုံးသူဦးရေမှာ ၄.၂ သန်းရှိပြီး ထိုပမာဏမှာ အသက် ၁၅ နှစ်နှင့်အထက် ပြည်သူများတွင် ဆေးလိပ်သောက်သုံးသူ ၂၃.၄ ရာခိုင်နှုန်းလည်း ဖြစ်သည်။ ၎င်းတို့မှာ တစ်နေ့လျှင် စီးကရက် ပျမ်းမျှ ၁၄.၆ လိပ် သောက်သုံးကြသည်ဟု ဘေဂျင်း ရောဂါဘယထိန်းချုပ်ရေးစင်တာက ပြုလုပ်ခဲ့သည့် စစ်တမ်းကောက်ယူမှုအရ သိရသည်။

တရုတ်နိုင်ငံရှိ မြို့တော်တော်များများတွင် အများပြည်သူနှင့်သက်ဆိုင်သော နေရာများ၌ ဆေးလိပ်သောက်သုံးခြင်းကို တားမြစ်ပိတ်ပင်ထားသော်လည်း တင်းတင်းကျပ်ကျပ်မရှိချေ။

Ref: Aljazeera