MERS ရောဂါပိုးကြောင့် တောင်ကိုရီးယားတွင် ၂ ဦးသေဆုံး

ဇွန် ၂၊ ၂၀၁၅
M-Media

– အသက်ရှုလမ်းကြောင်းဆိုင်ရာ ရောဂါကို ဖြစ်စေပြီး အရှေ့အလယ်ပိုင်းတွင် ကူးစက်ပြန့်နှံ့သည့် MERS ဗိုင်းရပ်ကြောင့် ၂ ဦး သေဆုံးခဲ့သည်ဟု တောင်ကိုရီးယား ကျန်းမာရေးဝန်ကြီးဌာနက ယနေ့တွင် ကြေညာလိုက်ပြီး ထိုဗိုင်းရပ်စ်ကြောင့် တောင်ကိုရီးယားတွင် ပထမဆုံး သေဆုံးမှုလည်း ဖြစ်သည်။

MERS ဗိုင်းရပ်စ် ကူးစက်နေသည်ဟူသော သံသယဖြင့် ဆေးကုသမှုခံယူနေရသော အသက် ၅၈ နှစ်အရွယ် အမျိုးသမီးတစ်ဦးမှာ ယမန်နေ့က သေဆုံးခဲ့ပြီး နောက်ပိုင်းတွင် ၎င်း၌ ဗိုင်းရပ်စ်ပိုး ကူးစက်နေကြာင်း စမ်းသပ်တွေ့ရှိခဲ့ရသည်။

လွန်ခဲ့သည့် ရက်အနည်းငယ်က ဗိုင်းရပ်စ်ပိုး ကူးစက်နေသည်ဟု စမ်းသပ်တွေ့ရှိခဲ့ရသူ အသက် ၇၁ နှစ်အရွယ်ရှိ အမျိုးသားတစ်ဦးမှာ ယနေ့တွင်သေဆုံးခဲ့သည်ဟု ကျန်းမာရေးဝန်ကြီးဌာနမှ ထုတ်ပြန်သော ကြေညာချက်တွင် ဖော်ပြထားသည်။

တနင်္လာနေ့ညတွင် ရောဂါပိုးကူးစက်သူ ၆ ဦးကို ထပ်မံတွေ့ရှိခဲ့ရပြီး သေဆုံးသူ ၂ ဦးအပါအ၀င် နိုင်ငံတစ်ဝှမ်း MERS ဗိုင်းရပ်စ်ပိုး ကူးစက်နေသူမှာ စုစုပေါင်း ၂၅ ဦး ရှိနေပြီဖြစ်သည်။

တောင်ကိုရီးယားတွင် ဖြစ်ပွားမှုမှာ ဗိုင်းရပ်စ်ပိုးအခြေတည်သော အရှေ့အလယ်ပိုင်းအပြင်ဘက်တွင် အကြီးမားဆုံးလည်းဖြစ်ကာ စိုးရိမ်မှုများလည်း ကျယ်ကျယ်ပြန့်ပြန့် ဖြစ်လာခဲ့သည်။ တောင်ကိုရီးယား၌ MERS ဗိုင်းရပ်စ်ပိုး ကူးစက်မှုကို မေ ၂၀ ရက်နေ့က စတင် သိရှိခဲ့ရခြင်းဖြစ်ပြီး ကျန်းမာရေးဝန်ကြီးဌာနကမူ ဗိုင်းရပ်စ်နှင့် တိုက်ရိုက် သို့မဟုတ် သွယ်ဝိုက်၍ ထိတွေ့ခဲ့သူ ၆၈၂ ဦးကို
ထိန်းသိမ်းထားခြင်း၊ အထူးစောင့်ကြည့်ခြင်းတို့ ပြုလုပ်နေသည်ဟု ပြောကြားခဲ့သည်။

MERS ဗိုင်းရပ်စ်ပိုးမှာ ဆားစ်ရောဂါပိုးနှင့် ဆင်တူပြီး ကုသ၍မရသေးသည့် ရောဂါပိုးဖြစ်သော်လည်း ဆားစ်ရောဂါပိုးထက် ကူးစက်မှုနှုန်း နည်းပါးသည်။ ၂၀၀၃ ခုနှစ်က အာရှနိုင်ငံတစ်ဝှမ်းတွင် ကူးစက်ပြန့်နှံ့ခဲ့သော ဆားစ်ရောဂါပိုးကြောင့် လူပေါင်း ရာနှင့်ချီ၍ သေဆုံးခဲ့ရသည်။

Ref: Channelnewsasia