ဖီဖာဥက္ကဌ ဆပ်ဘလတ္တာ ရာထူးမှနှုတ်ထွက်ပြီ

ဇွန် ၃၊ ၂၀၁၅
M-Media

– ချစားမှုပြဿနာများနှင့် ရင်ဆိုင်နေရပြီး ဝေဖန်မှုများကို ခံနေရသည့် ဖီဖာ၏ ဥက္ကဌ ဆပ်ဘလတ္တာက မိမိအနေဖြင့် ရာထူးမှ နှုတ်ထွက်ရန် ဆုံးဖြတ်လိုက်ပြီဟု ယမန်နေ့က ကြေညာခဲ့သည်။

၅ ကြိမ်မြောက် ဥက္ကဌအဖြစ် ပြီးခဲ့သည့် ၄ ရက်က ရွေးကောက်တင်မြှောက်ခံခဲ့ရသည့် ဘလတ္တာမှာ ဇူးရစ်ခ်ျတွင် ပြုလုပ်ခဲ့သော သတင်းစာရှင်းလင်းပွဲတွင် ယခုကဲ့သို့ ကြေညာခဲ့ခြင်းဖြစ်သည်။

“ကျွန်တော်ဟာ ဖီဖာကို ဘယ်လိုအရာမျိုးထက်မဆို ချစ်ခင်မြတ်နိုးပါတယ်။ ကျွန်တော်ဟာ ဖီဖာနဲ့ ဘောလုံးလောကအတွက် အကောင်းဆုံးကိုသာ လုပ်ချင်ခဲ့တာပါ။ ဖီဖာဟာ အလုံးစုံ ပြုပြင်မွမ်းမံဖို့ လိုနေပါပြီ။ ကျွန်တော်ဟာ ဒီညီလာခံကြီးမှာ တာဝန်ကနေရပ်နားဖို့ ဆုံးဖြတ်ခဲ့ပါတယ်။ နောက်ထပ် ဥက္ကဌ ရွေးကောက်ပွဲ အထိတော့ ဖီဖာရဲ့ ဥက္ကဌအဖြစ် ဆက်လက်ဆောင်ရွက်သွားမှာပါ” ဟု ဘလတ္တာက ပြောကြားခဲ့သည်။

ဖီဖာ၏ လွတ်လပ်သော စာရင်းအင်းနှင့် လုပ်ငန်းပိုင်ဆိုင်ရာကော်မတီ အကြီးအကဲ ဒိုမီနီကို စကာလာကမူ ရွေးကောက်ပွဲတွင် ဥက္ကဌအဖြစ် ရွေးကောက်ယှဉ်ပြိုင်မည့် မည်သူမဆို ၄ လ ကြိုတင်၍ အကြောင်းကြားရမည်ဟု ပြောကြားခဲ့သည်။

“နောက်ထပ် ဥက္ကဌရွေးကောက်ပွဲရဲ့ အချိန်ကာလအတွက် ဆုံးဖြတ်ချက်ဟာ အမှုဆောင်ကော်မတီပေါ်မှာပဲ မူတည်ပါတယ်။ ပြီးတော့ ဒီဇင်ဘာကနေ မတ်လအတွင်းမှာ ဖြစ်သွားမှာပါ” ဟု စကာလာက ဆိုသည်။

ဘလတ္တာ၏ ထိုသို့နှုတ်ထွက်မှုမှာ မှန်ကန်သော ဆုံးဖြတ်ချက်ဖြစ်သည်ဟု ယူအီးအက်ဖ်အေဥက္ကဌ ပလာတီနီက ပြောကြားခဲ့သည်။ ပလာတီနီမှာ ဘလတ္တာကို နှုတ်ထွက်ရန် တောင်းဆိုထားသူဖြစ်သည်။

ပြီးခဲ့သည့်သီတင်းပတ်အတွင်းက ချစားမှုဖြင့် ဖီဖာ၏ အကြီးတန်းတာဝန်ရှိသူများ အဖမ်းခံရပြီးနောက် ဘလတ္တာမှာ ဝေဖန်မှုများကို အပြင်းအထန် ခံစားနေရပြီး ရာထူးမှ နှုတ်ထွက်ပေးရန်လည်း ကျယ်ကျယ်ပြန့်ပြန့် တောင်းဆိုခြင်း ခံခဲ့ရသည်။

ထို့ပြင် ယခုကဲ့သို့ နှုတ်ထွက်မှုကြောင့် ဘလတ္တာမှာ ချစားမှုတွင် ပါဝင်နေလားဟု သံသယများ ထွက်ပေါ်နေသော်လည်း ဆွစ်ဇာလန် တရားသူကြီးချုပ်ကမူ ချစားမှုနှင့်ပတ်သက်သည့် စုံစမ်းစစ်ဆေးမှုတွင် ဘလတ္တာ ပါဝင်ခြင်းမရှိဟု ပြောကြားခဲ့သည်။

သို့သော်လည်း အမေရိကန် အာဏာပိုင်များက ဘလတ္တာအား ချစားမှုနှင့် ပတ်သက်ခြင်း ရှိ၊ မရှိကို စုံးစမ်းစစ်ဆေးနေသည်ဟု နယူးယောက်တိုမ်းစ်သတင်းစာ၌ ယနေ့တွင် ပြောကြားခဲ့သည်။

Ref: Goal