ကျန်းမာရေး အထောက်အကူဖြစ်စေသည့် ၀တ်ပြုဖျာကို ကနေဒါမွတ်စလင်တစ်ဦး ပထမဆုံး တီထွင်

ဇွန် ၄၊ ၂၀၁၅
M-Media

– သက်ကြီးရွယ်အို မွတ်စလင်များ ၀တ်ပြုဆောက်တည်ရာတွင် သက်တောင့်သက်သာရှိစေရေးအတွက် မွတ်စလင် အာကာသပညာရှင် စွန့်စားတီထွင်သူတစ်ဦးက ကျန်းမာရေးကို အထောက်အကူပြုသည့် ၀တ်ပြုဖျာတစ်ခုကို တီထွင်ခဲ့ပြီး အဆိုပါအခင်းတွင် အာကာသနည်းပညာကို အသုံးပြုထားသည်ဟု သိရသည်။

“ဒူးခေါင်းနဲ့ အဆစ်အမြစ်နာကျင်သူတွေ၊ ပင်ပန်းနွမ်းလျသူတွေ၊ အကြောအချင်တောင့်တင်းသူတွေ၊ အားနည်းတဲ့သူတွေအတွက် ဒီဖျာက ထိထိရောက်ရောက် အကူအညီဖြစ်စေပြီး ခန္ဓာကိုယ်ရဲ့ အရိုးတည်ဆောက်ပုံကိုလည်း အထောက်အကူဖြစ်စေပါတယ်” ဟု အဆိုပါဖျာကို တီတွင်ခဲ့သူ နဒါရ် ဆဘ်ရီက အလ်-အာရေဗျ သတင်းစာသို့ မေလ ၃၁ ရက်နေ့တွင် ပြောကြားခဲ့သည်။

အာရပ်နွယ်ဖွား ကနေဒါမွတ်စလင်တစ်ဦးဖြစ်သော ဆဘ်ရီမှာ  Get2space.com ၀ဘ်ဆိုက်ကို တည်ထောင်ထားသူဖြစ်ပြီး အမေရိကန် အာကာသဖောင်ဒေးရှင်းနှင့် မိတ်ဖက်ဖြစ်သည့် အဆိုပါ ၀ဘ်ဆိုက်မှတစ်ဆင့် မွတ်စလင်လူငယ်များ စွန့်စားလိုစိတ် ဖြစ်ပေါ်လာအောင်
အသိပညာပေးနေသူဖြစ်သည်။

TIMEZ5 ဟု အမည်ရသည့် အဆိုပါဝတ်ပြုဖျာကို တီထွင်ခြင်းအားဖြင့် ဆဘ်ရီမှာ အစ္စလာ့မ်မစ်စီးပွားရေးကဏ္ဍအတွင်း ၂ ထရီလီယံရှိသော လူမှုဘ၀ဈေးကွက်၌ တစ်ဦးတည်းသော တီထွင်ဖန်တီးသူအဖြစ် မှတ်ယူရမည်ဖြစ်သည်။

“TIMEZ5 ၀တ်ပြုဖျာကို မွတ်စလင်ဈေးကွက်အတွင်း နှစ်ပေါင်းများစွာ အသေးစိတ် သုတေသန ပြုလုပ်ပြီးနောက်ပိုင်းမှာ တီထွင်ခဲ့တာဖြစ်ပါတယ်။ အသက်ကြီးကြီး အဘိုးအိုတစ်ယောက် ကိုက်ခဲမှုတွေကြားက ၀တ်ပြုဖို့ ကြိုးစားနေတာကို တွေ့ပြီးနောက်ပိုင်းမှာ စိတ်ကူးရလာတာပါ။ ၀တ်ပြုမှုမှာ ခန္ဓာကိုယ်တစ်ခုလုံးရဲ့ လှုပ်ရှားမှု ပါဝင်တာကြောင့် ဒီအဘိုးအိုရဲ့ ဘာသာရေးဆိုင်ရာ ကျင့်မှုဆောက်တည်တဲ့အချိန်ဟာ ခက်ခဲခဲ့ပါတယ်။ နှစ်ပေါင်းများစွာ သူတေသနလုပ်ပြီးတဲ့နောက်ပိုင်း
မွတ်စလင်တွေအများစုဟာ ဒူးခေါင်းနာကျင်တာ၊ အဆစ်အမြစ်ပြဿနာတွေကို ခံစားရပြီး အဲဒီရောဂါတွေက သူတို့ရဲ့ ၀တ်ပြုဆောက်တည်မှုကို အတားအဆီး ဖြစ်စေတယ်ဆိုတာကို တွေ့ရှိခဲ့ရပါတယ်” ဟု ဆဘ်ရီက ပြောကြားခဲ့သည်။

အဆိုပါဖျာကို တီထွင်မှုမှာ ၅ နှစ် ကြာမြင့်ခဲ့ပြီး မွတ်စလင် သက်ကြီးရွယ်အိုများ ၀တ်ပြုဆောက်တည်ရာတွင် အကူအညီဖြစ်စေသလို ထိုင်၍ အလုပ်လုပ်ရသောသူများ၊ ဒဏ်ရာမှ သက်သာရန် ကြိုးစားနေသော အားကစားသမားအထိ အထောက်အကူဖြစ်စေမည်ဟု ၎င်းက
ထည့်သွင်းပြောကြားခဲ့သည်။

လက်ရှိအချိန်တွင် ဆဘ်ရီ၏ TIMEZ5 ကုမ္ပဏီမှာ မွတ်စလင်များ၏ လူမှုဘ၀ကဏ္ဍအတွက် တီထွင်ဖန်တီးမှုများ ပြုလုပ်ပေးနေသည့် အနည်းငယ်သော ကုမ္ပဏီများထဲမှ တစ်ခု ဖြစ်လာခဲ့သည်။

“ကျွန်တော်တို့ဟာ မျိုးဆက်သစ် မွတ်စလင်တီထွင်သူတွေကို ဦးဆောင် ပုံဖော်ပေးနေတာပါ”

ဆဘ်ရီ၏ ကုမ္ပဏီမှာ နာဆာသမိုင်းတွင် အာကာသနည်းပညာဆိုင်ရာ အသိအမှတ်ပြုသည့် ၄၃ ခုမြောက် ကုမ္ပဏီလည်း ဖြစ်သည်။

“နာဆာက အသိအမှတ်ပြုပြီး ကျွန်တော်တို့ဟာ နာဆာနဲ့ အလုပ်လုပ်တဲ့ တီထွင်ကြံဆတဲ့ကုမ္ပဏီတစ်ခု ပထမဆုံး ဖြစ်လာပါတယ်” ဟု ဆဘ်ရီက ထပ်လောင်းပြောကြားခဲ့သည်။

အိပ်မက်များ

အာကာသနည်းပညာကို အသုံးပြု၍ ၎င်း၏ ပထမဆုံးစီမံကိန်း အောင်မြင်ခဲ့သည့် ဆဘ်ရီမှာ တီထွင်မှုများ ထပ်မံဆောက်ရွက်သွားရန် စိတ်ကူးရှိနေသည်။

နောက်ထပ် တီထွင်မှုအစီအစဉ်နှင့်ပတ်သက်၍ မေးမြန်းရာ “အခုလတ်တလောမှာတော့ ကျွန်တော်တို့ဟာ တော်တော်လေး အလုပ်ဖြစ်နေပါတယ်။ မွတ်စလင်တွေရဲ့ လူမှုဘ၀ စိန်ခေါ်မှုကို တိုးမြှင့် အကူအညီပေးဖို့ ကျွန်တော်တို့ဟာ တီထွင်ဆန်းသစ်မှု တော်တော်များများကိုလည်း လုပ်ဆောင်နေပါတယ်။ နိုင်ငံအများအပြားက တောင်းဆိုမှုတွေရှိလာတာကြောင့် လာမယ့်နှစ်မှာ
ကျွန်တော်တို့ဟာ ဇီဝကမ္မဗေဒနဲ့ပတ်သက်တဲ့ အလုပ်ရုံဆွေေးနွးပွဲတွေကို အကောင်အထည်ဖော် ဆောင်ရွက်သွားမှာပါ” ဟု ဆဘ်ရီက ပြောကြားခဲ့သည်။

ထို့ပြင် အဆိုပါအလုပ်ရုံဆွေးနွေးပွဲကို မိမိတို့၏ ဆေးအဖွဲ့မှ ဆောင်ရွက်သွားမည်ဖြစ်ပြီး ဇီဝကမ္မဗေဒ အကြောင်းအရာ၏ ထူးခြားမှုနှင့် ထိုပြဿနာအား ၀တ်ပြုခြင်းဖြင့် မည်ကဲ့သို့ ကျော်ဖြတ်ရမည်ဆိုသည်တို့ကိုလည်း မွတ်စလင်များအား အသိပညာပေးသွားမည်ဟု ၎င်းက
ဆိုသည်။

“ကျွန်တော်တို့ဟာ နာဆာအသိအမှတ်ပြုဖြစ်ပြီး၊ အာကာသနည်းပညာကို အသုံးပြုကာ နာဆာရဲ့ နည်းပညာဆိုင်ရာ လွှဲပြောင်းပေးအပ်မှု အစီအစဉ်နဲ့အတူ အလုပ်လုပ်နေတာပါ။ ကျွန်တော်တို့ အောင်မြင်ခဲ့ပြီးတဲ့ ဒီနေ့မှာတော့ နာဆာဟာ အနာဂတ် အာကာသ ကိစ္စရပ်တွေမှာ အသုံးပြုဖို့ ကျွန်တော်တို့ရဲ့ နည်းပညာတွေကို စမ်းသပ်နေပါတယ်” ဟု ဆဘ်ရီက ပြောကြားခဲ့သည်။

ကနေဒါမှ တီထွင်ကြံဆမှုများ ဆောင်ရွက်နေသည့် ဆဘ်ရီအနေဖြင့် ကမ္ဘာတစ်ဝှမ်း ဖြန့်ကျက်မှုများ လုပ်ရန်လည်း စိတ်ကူးရှိနေသည်။

“ဒီနေ့ ကျွန်တော်တို့ဟာ ကမ္ဘာတစ်ဝှမ်း နိုင်ငံပေါင်း ၃၅ နိုင်ငံကို ရောင်းချနေပြီး ဖောက်သည် ထောင်နဲ့ချီ ရှိနေပါတယ်။ အဓိကဈေးကွက်တွေအထိ ပြန့်နှံ့ပြီး အမေရိကန်၊ ကနေဒါ၊ ပြင်သစ်နဲ့ ယူကေတို့လို နိုင်ငံတွေမှာလည်း တော်တော် အောင်မြင်မှုရပါတယ်။ ကျွန်တော်တို့ရဲ့ ထုတ်လုပ်ရေးလုပ်ငန်းက အခုအချိန် ကနေဒါမှာဖြစ်ပေမယ့် အရှေ့အလယ်ပိုင်းမှာ ထုတ်မယ့်အစီအစဉ်တော့ မရှိသေးပါဘူး”

Ref: Onislam