အရီဇိုးနားလူ့အဖွဲ့အစည်း မွတ်စလင်များနှင့် တစ်သားတည်းရှိကြောင်း ပြသ

ဇွန် ၅၊ ၂၀၁၅
M-Media

– အမုန်းတရားအား ပြင်းပြင်းထန်ထန် ဆန့်ကျင်သည့်အနေဖြင့် အဇီဇိုးနားရှိ ပြည်သူရာပေါင်းများစွာမှာ ပြီးခဲ့သည့် ရက်အနည်းငယ်က ဆိုင်ကယ်သမားများ အစ္စလာမ်ဆန့်ကျင်ရေးချီတက်မှု ပြုလုပ်ခဲ့သော ဖီးနစ်မြို့ရှိ ဗလီဝတ်ကျောင်းတော်၌ စုရုံးကာ မွတ်စလင်များနှင့် တစ်သားတည်းရှိကြောင်း ပြသခဲ့ကြသည်။

“ကျွန်တော်တို့ရဲ့လူ့အဖွဲ့အစည်းကို ရည်ရွယ်ချက်ရှိရှိ ဖျက်ဆီးဖြိုခွဲဖို့ လှုပ်ရှားမှုတွေ ရှိနေပါပြီ။ ဒါပေမယ့် ကျွန်တော်တို့ အတူတကွ ခိုင်ခိုင်မာမာရှိနေတယ်ဆိုတာ ကျွန်တော့်အနေနဲ့ ပြည်သူတွေကို သိစေချင်ပါတယ်။ ခြားနားမှုတွေရှိနေပေမယ့် ကျွန်တော်အားလုံးဟာ တစ်စုတစ်စည်းထဲပါပဲ” ဟု အဆိုပါလှုပ်ရှားမှုကို စီစဉ်သူများထဲမှ တစ်ဖွဲ့ဖြစ်သည့် အရီဇိုးနား ဘာသာပေါင်းစုံကွန်ယက်မှ အမှုဆောင်ဒါရိုက်တာဖြစ်သူ ခရစ်ယာန်ဘုန်းတော်ကြီး အီရင် တာမာယိုက Huffington Post သို့ ဇွန်လ ၂ ရက်နေ့တွင် ပြောကြားခဲ့သည်။

“မေတ္တာဟာ အမုန်းထက် ပိုခိုင်မာတယ်” ဟု အမည်ပေးထားသည့် အမုန်းဆန့်ကျင်ရေး အဆိုပါ ချီတက်မှုကို ဇွန်လ ၁ ရက် တနင်္လာနေ့က ပြုလုပ်ခဲ့ခြင်းဖြစ်ပြီး အရီဇိုးနား ဘာသာပေါင်းစုံကွန်ယက်၊ ဂျူးအမျိုးသမီးများ သင်ကြားရေးစင်တာ၊ အရီဇိုးနား အစ္စလာမ့်ပညာရှင်များဗျူရိုကဲ့သို့ ဘာသာပေါင်းစုံမှ အဖွဲ့ပေါင်း ၂၀ ခန့် တက်ရောက်ခဲ့ကြသည်။

၎င်းတို့မှာ ပြီးခဲ့သည့်တစ်တပတ်က ဆိုင်ကယ်စီးလူအုပ်စုများ အစ္စလာမ်ဆန့်ကျင်ရေး ဆန္ဒပြခဲ့သော ဖီးနစ် ဗလီဝတ်ကျောင်းတော်တွင်လည်း ဆုတောင်းမှုများ ပြုလုပ်ခဲ့ကြသည်။

ပွဲစီစဉ်သူများကမူ ၎င်းတို့၏ အဆိုပါလှုပ်ရှားမှုမှာ မိမိတို့အထဲမှ တစ်ဦးဦးက ခွဲခြားဆက်ဆံခံရသည့်အခါ မိမိတို့ လူ့အဖွဲ့အစည်းတစ်ခုလုံးမှာ အမုန်းတရားမပါဘဲ မေတ္တာရှေ့ထား၍ တုန့်ပြန်သည်ဆိုသည်ကို ပြသရန်ဖြစ်သည်ဟု
ပြောကြားခဲ့သည်။ ထို့ပြင် ထိုပွဲကို တက်ရောက်မည့်သူများအား ငြိမ်းချမ်းရေးသင်္ကေတအဖြစ် ပန်းများ ယူဆောင်လာရန်လည်း ၎င်းတို့က တိုက်တွန်းခဲ့ကြသည်။

ဖီးနစ်မြို့ရှိ မွတ်စလင်ခေါင်းဆောင်များကမူ အစ္စလာမ်ဆန့်ကျင်ရေး ချီတက်မှုပြီးနောက် ယခုကဲ့သို့ ရရှိသည့် လူ့အဖွဲ့အစည်း၏ အားပေးမှုကို ကြိုဆိုပြီး၊ မိမိတို့အနေဖြင့် ကြည်နူးခံစားရသည်ဟု ပြောကြားခဲ့သည်။

“ဒီလှုပ်ရှားမှုက တစ်ယူသန်မှုတွေဟာ ခြွင်းချက်ရှိတယ်ဆိုတာကို ပြသနေပါတယ်။ ဒီအမုန်းတရားက ခြွင်းချက်ရှိပါတယ်။ လူတော်တော်များများဟာ ယုံကြည်ချက်တွေ မတူကြပါဘူး။ ဒါပေမယ့် လွတ်လပ်စွာကိုးကွယ်ခွင့်ဆိုတာကို ရောက်လာတဲ့အခါ ဘာသာပေါင်းစုံရှိတဲ့ လူ့အဖွဲ့အစည်းတစ်ခုလုံးဟာ ပုခုံးချင်းယှဉ် ရပ်လာခဲ့ကြပါတယ်” ဟု ဖီးနစ်မြို့ အစ္စလာမ့်လူမှုစင်တာမှ ဥက္ကဌဖြစ်သူ အူစာမာ ရှာမီက ပြောကြားခဲ့သည်။

ဖီးနစ်ဗလီဝတ်ကျောင်းတော်မှ ရှေ့ဆောင်အီမာမ်ဖြစ်သူ မဟ်မူးဒ် ဆူလိုင်မန်ကလည်း ထိုလှုပ်ရှားမှုကို ချီးကျူးခဲ့ပြီး ၎င်း၏ မိန့်ခွန်းတွင် အယူဝါဒများ၏ ကျမ်းစာများမှ ကျမ်းချက်များကို ကောက်နှုတ်ဖော်ပြခဲ့သည်။

“အကောင်းဆုံးသော အောင်မြင်မှုကို သင်တို့ဆောင်ရွက်နိုင်ခဲ့ပါတယ်။ ကျေးဇူးပါပဲ” ဟု ဘာသာပေါင်းစုံ လူအုပ်ကြီးအား ဆူလိုင်မန်က ပြောကြားခဲ့သည်။

အရီဇိုးနားလူ့အဖွဲ့အစည်း၏ ထိုကဲ့သို့ အားပေးနှစ်သိမ့်မှုကို အခြားသော မွတ်စလင်ခေါင်းဆောင်များကလည်း ချီးကျူးခဲ့သည်။

“ကျွန်တော် ဒါမျိုး စိတ်တောင် မကူးဖူးပါဘူး။ ဒီရက်အနည်းအတွင်း ဒလဟောကျလာတဲ့ ချစ်ခြင်းမေတ္တာတွေက ကျွန်တော့်ကို လေးစားအားကျမိစေပါတယ်” ဟု မွတ်စလင်ခေါင်းဆောင်တစ်ဦးဖြစ်သူ ဟူစိန်က လူအုပ်ကြီးအား ပြောကြားခဲ့သည်။

အဆိုပါ အခမ်းအနားတွင် မိန့်ခွန်းပြောကြားခဲ့သည့် ဘာသာပေါင်းစုံမှ ခေါင်းဆောင်များကလည်း သောကြာနေ့က ပြုလုပ်ခဲ့သော အစ္စလာမ်ဆန့်ကျင်ရေးလှုပ်ရှားမှုကို ဆန့်ကျင်ရှုတ်ချခဲ့ကြသည်။

“ကျွန်တော်မြင်ဖူးသမျှ၊ ကြုံဖူးသမျှတွေထဲမှာ ဒါဟာ ကြောက်စရာအကောင်းဆုံးပါပဲ။ ဒါပေမယ့် အဲဒီ သောကြာနေ့ကလုပ်ရပ်ဟာ လူ့အဖွဲ့အစည်းတစ်ခုလုံးကို ကိုယ်စားမပြုပါဘူး” ဟု သောကြာနေ့ အဆိုပါ ဆန့်ကျင်ရေးလှုပ်ရှားမှုတွင် ဆန္ဒပြသူများနှင့် ဗလီဝတ်ကျောင်းတော်အကြား လူတံတိုင်းဖန်တီးရန် ကူညီပေးခဲ့သည့် ခရစ်ယာန်တရားဟောဆရာ ဘော့ဘ်ဟေကီက
ပြောကြားခဲ့သည်။

အခြားသော ခေါင်းဆောင်များကလည်း ယခုကဲ့သို့ အမုန်းတရားဆန့်ကျင်ရေး လှုပ်ရှားမှုမှာ အရီဇိုးနားရှိ လူ့အဖွဲ့အစည်းအတွင်း နားလည်မှုတိုးမြှင့်ရေးအတွက် အခွင့်အရေးဖြစ်သည်ဟု ပြောကြားခဲ့သည်။

“ကျွန်တော်တို့ဟာ နားလည်မှု၊ အားပေးမှုနဲ့ လူတိုင်းအတွက် မေတ္တာတံတားတွေ ထိုးပေးဖို့ ဒီကိုရောက်နေကြတာပါ” ဟု ဘာသာပေါင်းစုံလှုပ်ရှားရေးအဖွဲ့မှ အမှုဆောင် ဒါရိုက်တာဖြစ်သူ ပေါလ် အက်ပင်ဂါက ပြောကြားခဲ့သည်။

တနင်္လာနေ့က ပြုလုပ်ခဲ့သည့် အဆိုပါလှုပ်ရှားမှုမှာ ဖီးနစ်လူ့အဖွဲ့အစည်းက မွတ်စလင်များနှင့် တစ်သားတည်းရှိကြောင်း ပြသသည့် ပထမဆုံး လှုပ်ရှားမှုမဟုတ်ချေ။

ပြီးခဲ့သည့် သီတင်းပတ်ကလည်း Take On Hate အဖွဲ့က အမေရိကန်မွတ်စလင်များအပေါ် နားလည်မှုလွဲမှားခြင်းများကို ဖယ်ရှားသည့် အွန်လိုင်းလှုပ်ရှားမှုတစ်ခုကိုလည်း ပြုလုပ်ခဲ့ကြသည်။

Ref: Onislam