မက်ဆီ၊ နေးမာ၊ ဆွာရက်ဇ် တိုက်စစ်အတွဲကို တားဆီးရန် နည်းလမ်းကို နစ္စတယ်ရွိုင်းအကြံပြု

ဇွန် ၅၊ ၂၀၁၅
M-Media

– ဘာစီလိုနာအသင်း၏ မက်ဆီ၊ နေးမာ၊ ဆွာရက်ဇ်တို့၏ တိုက်စစ်အတွဲကို ဟန့်တားရန် နည်းလမ်းမှာ အခြားသော ကစားသမား ၈ ဦးအား ပိတ်ဆို့တားဆီးသွားခြင်းဖြစ်သည်ဟု မန်ယူအသင်း တိုက်စစ်မှူးဟောင်း နစ္စတယ်ရွိုင်းက ဂျူဗင်တပ်စ်အသင်းအား အကြံပြု ပြောကြားလိုက်သည်။

ဘာစီလိုနာနှင့် ဂျူဗင်တပ်စ်အသင်းတို့မှာ မနက်ဖြန်ညတွင် ဘာလင်မြို့၌ ချန်ပီယံလိဂ်ဗိုလ်လုပွဲကို ကစားမည်ဖြစ်ပြီး ယခုနှစ်ရာသီ ၃ ယောက်ပေါင်း စံချိန်တင် ဂိုးပေါင်း ၁၂၀ သွင်းယူထားနိုင်သော မက်ဆီ၊ နေးမာနှင့် ဆွာရက်ဇ်တို့ တိုက်စစ်အတွဲရှိနေသည့် ဘာစီလိုနာအသင်းက ဗိုလ်စွဲရန် ရေပန်းစားနေသည်။

ဘာစီလိုနာနှင့် ဂျူဗင်တပ်စ်အသင်းတို့မှာ ပြည်တွင်းအမှတ်ပေးဖလားနှင့် ရှုံးထွက်ဖလားတို့ကို ရရှိထားပြီး ချန်ပီယံလိဂ်ဖလားမှာ ၎င်းတို့ ၂ သင်းအတွက် ယခုနှစ်ရာသီ ဖလားသုံးလုံးအိပ်မက်ကို အကောင်အထည်ဖော်ရမည့် ဖလားလည်း ဖြစ်သည်။

နစ္စတယ်ရွိုင်းကမူ ဘာစီလိုနာ၏ တိုက်စစ်အတွဲကို တားဆီးရန် နည်းဗျူဟာကို ဂျူဗင်တပ်စ်အသင်းအား အကြံပြုခဲ့သည်။

“သူတို့ကိုတားဆီးဖို့ လျှို့ဝှက်ချက် ကျွန်တော့်မှာရှိပါတယ်။ ဘာကာရဲ့ပြိုင်ဘက်တွေအတွက်တော့ ကောင်းမွန်တဲ့အချက် ဖြစ်နိုင်မှာပါ။ မက်ဆီ၊ နေးမာနဲ့ ဆွာရက်ဇ်တို့ကို တားဆီးဖို့ တစ်ခုတည်းသော နည်းလမ်းက အသင်းက အခြား ၈ ယောက်ကို ပိတ်ဆို့ထားဖို့ပါပဲ။ သူတို့ ၃ ယောက်ဆီကို ဘောလုံး ပေးပို့မှုတွေကို မဖြစ်မနေ တားဆီးရပါမယ်။ တကယ်လို့ နေးမာ၊ ဆွာရက်ဇ်နဲ့ မက်ဆီတို့
အလုပ်ဖြစ်တဲ့အခါ ဘာစီလိုနာဟာ ကမ္ဘာမှာ အကောင်းဆုံး တိုက်စစ်ကို ရပါပြီ” ဟု နစ္စတယ်ရွိုင်းက Goal သို့ ပြောကြားခဲ့သည်။

နစ္စတယ်ရွိုင်းမှာ မန်ယူ၊ ရီးယဲလ်၊ ပီအက်စ်ဗီနှင့် နိုင်ငံအသင်းတို့အတွက် စုစုပေါင်း ဂိုးပေါင်း ၄၀၀ နီးပါး သွင်းယူပေးခဲ့သူ တိုက်စစ်မှူးဟောင်းဖြစ်သည်။ နစ္စတယ်ရွိုင်းကမူ မိမိ၏ ဘ၀တွင် အကြိုက်ဆုံး တိုက်စစ်တွဲဖက်မှာ ရီးယဲလ်တိုက်စစ်မှူးဟောင်း ရာအူးလ်၊ ပီအက်စ်ဗီ တိုက်စစ်မှူး လူးကပ်စ်နီးလ်စ်နှင့် မန်ယူမှ ပေါလ်စခိုးလ်တို့ဖြစ်ကာ အခက်အခဲဆုံး ပြိုင်ဘက်များမှာ အေစီမီလန်အသင်းမှ ကာဖူး၊ ဂျပ် စတမ်း၊ နက်စတာ၊ မာလ်ဒီနီနှင့် ဒီဒါတို့ဖြစ်သည်ဟု ထည့်သွင်းပြောကြားခဲ့သည်။

Ref: Goal