ဖီဖာဥက္ကဌ ဘလတ္တာကို အမွှမ်းတင်ထားသည့်ရုပ်ရှင် ဒေါ်လာ ၆၀၀ သာ ၀င်ငွေရ

ဇွန် ၈၊ ၂၀၁၅
M-Media

ပုံ – ဘလတ္တာအဖြစ် သရုပ်ဆောင်သည့် တင်မ်ရော့သ်၏ ဇာတ်ဝင်ခန်းတစ်ခု

– ဖီဖာဥက္ကဌ ဆပ်ဘလတ္တာအား ကိုယ်ကျင့်တရားရေးရာ တိုက်ပွဲဝင်သူအဖြစ် သရုပ်ဖော်ထားသည့် ဒေါ်လာ ၁၆ သန်းကျော်တန် United Passions ရုပ်ရှင်ဇာတ်ကားကို အမေရိကန်၌ ပြီးခဲ့သည့် တစ်ပတ်က ရုံတင်ခဲ့ရာတွင် ပထမ ၂ ရက်၌ ၀င်ငွေ ၆၀၇ ဒေါ်လာသာ ရရှိသည်ဟု သိရသည်။

အဆိုပါ ရုံတင်မှုမှာ မေလ ၂၈ ရက်နေ့က ကျင်းပခဲ့သော ဖီဖာဥက္ကဌ ရွေးကောက်ပွဲမတိုင်ခင် အက်ဖ်ဘီအိုင်က ဖီဖာအကြီးတန်းအရာရှိ ၁၄ ဦးကို တရားစွဲဆိုပြီးနောက် ချစားမှုနှင့် လာဘ်ယူမှု ပြဿနာ တစ်သီတစ်တန်းကြီးနှင့် ဖီဖာက ရင်ဆိုင်နေရချိန်တွင် တိုက်တိုက်ဆိုင်ဆိုင် ထွက်ပေါ်လာခြင်းလည်း ဖြစ်သည်။

ကမ္ဘာ့ဘောလုံးအဖွဲ့ချုပ် ဖီဖာ၏သမိုင်းကို မော်ကွန်းတင်စေခဲ့သည့် ဥက္ကဌ ဆပ်ဘလတ္တာကို အဆိုပါ ရုပ်ရှင်ဇာတ်လမ်းတွင် ကိုယ်ကျင့်တရားအပေါ် ရပ်တည်သည့် ခေါင်းဆောင်အဖြစ် ဖော်ကျူးထားပြီး ဂျာမန်ဒါရိုက်တာ ဖက်ဒရစ် အူဘာတင်က ရိုက်ကူးခဲ့ခြင်းဖြစ်သည်။ ယခုအချိန်တွင် ရုံတင်ပြသခြင်းမှာ ရူးနှမ်ခြင်းဖြစ်သည်ဟု ဝေဖန်မှုများ ရှိနေသည်။

United Passions ရုပ်ရှင် ရိုက်ကူးမှုအတွက် ကန်ဒေါ်ဘာ ၁၆.၄ သန်း ကုန်ကျခဲ့ပြီး တင်မ်ရော့သ် (ဘလတ္တာအဖြစ် သရုပ်ဆောင်သည်)၊ ဆမ်နီးလ် (ဖီဖာဥက္ကဌဟောင်း ဂျိုအာအို ဟာဗီလန့်ဂ်ျအဖြစ် သရုပ်ဆောင်သည်)၊ ဂျာရတ် ဒီပါဒီယူ (ကမ္ဘာ့ဖလားကို အစပျိုးခဲ့သူ ဂျူလက်စ် ရီမက်အဖြစ် သရုပ်ဆောင်သည်) စသည်တို့ အပါအ၀င် နာမည်ကျော် သရုပ်ဆောင်အများအပြား ပါဝင်သရုပ်ဆောင်ထားသည်။

သို့သော်လည်း အဆိုပါ ဟောလီးဝုဒ်သရုပ်ဆောင်များက ရုပ်ရှင်ဇာတ်ကားအား ပြည်သူများ လက်ခံမှုကို အကူအညီ မဖြစ်စေခဲ့ဘဲ The Guardian သတင်းကမူ အဆိုပါ ရုပ်ရှင်ကို “စုပေါင်း ရူးနှမ်းခြင်း၏ သက်သေပြချက်” ဖြစ်သည်ဟု ဖော်ပြခဲ့သည်။

လော့စ်အိန်ဂျလိစ်သတင်းစာကမူ “အရှက်ပြေ ၀ါဒဖြန့်မှု” ဟု သမုတ်ခဲ့ကာ “မကြာသေးသည့် ကာလအတွင်း ကြည့်၍မရဆုံးသော ရုပ်ရှင်များထဲမှ တစ်ခု” ဟု နယူးယောက်တိုင်မ်းစ်က ဝေဖန်ခဲ့သည်။

အဆိုပါ ရုပ်ရှင်ကို ပြီးခဲ့သည့်နှစ်က ကိန်းရုပ်ရှင်ပွဲတော်တွင် ပြသခဲ့ပြီး ထိုစဉ်ကလည်း ဝေဖန်မှုများကို ခံခဲ့ရသည်။ ယခုအမေရိကန်တွင်မူ ရုပ်ရှင်ရုံ ၁၀ ရုံကသာ ထိုရုပ်ရှင်ဇာတ်ကားကို ရုံတင်ပြသခဲ့သည်။

Ref: Goal