ခေတ်မီနေအိမ်များက ငှက်ဖျားရောဂါ ကူးစက်မှုကို ထက်ဝက် နီးပါး လျှော့ချနိုင်

ဇွန် ၉၊ ၂၀၁၅
M-Media

– ရွှံ့ဖြင့်ပြုလုပ်ထားသည့် အိမ်များနှင့် အခြားသော ရိုးရာအိမ်များကို ခေတ်မီအိမ်ရာများဖြင့် အဆင့်မြှင့်ခြင်းက ငှက်ဖျားရောဂါအန္တရာယ် အမြင့်ဆုံးဒေသများဖြစ်သော အာဖရိက၊ အာရှနှင့် တောင်အမေရိကနိုင်ငံများရှိ ပြည်သူများအတွက် ငှက်ဖျားရောဂါအန္တရာယ်ကို သိသိသာသာ လျော့ကျစေနိုင်သည်ဟု လေ့လာဆန်းစစ်မှု အသစ်အရ သိရသည်။

ခြင်မှဖြစ်ပွားသော ငှက်ဖျားရောဂါ ပြည်သူများထံသို့ ကူးစက်မှု အန္တရာယ်နှင့်ပတ်သက်၍ နေအိမ်ပုံစံများ၏ သက်ရောက်မှုကို လေ့လာသော သိပ္ပံပညာရှင်များမှာ ခေတ်မီအိမ်တွင် နေထိုင်ကြသောသူများအနေဖြင့် သာမန် သမရိုးကျအိမ်များတွင် နေထိုင်သူများထက် ငှက်ဖျားရောဂါ ကူးစက်မှု ၄၇ ရာခိုင်နှုန်း လျော့ကျသည်ကို တွေ့ရှိခဲ့ရသည်။

ထို့ပြင် တံစက်မြိတ်နှင့် မျက်နှာကျက်တို့အား အသေပိတ်ထားသော၊ ပြင်တင်းပေါက်များနှင့် တံခါးများတွင် လိုက်ကာ ကာထားသော အိမ်များတွင် နေထိုင်သူများမှာလည်း ငှက်ဖျားရောဂါ ကူးစက်မှု ၄၆ မှ ၆၅ ရာခိုင်နှုန်းမှ လျော့ကျသည်ကို တွေ့ခဲ့ရသည်။

“အိမ်ရာတွေကို အဆင့်မြှင့်တင်တာက ကမ္ဘာတစ်ဝှမ်း ငှက်ဖျားရောဂါပြန့်နှံ့မှုကို လျှော့ချဖို့ ကြီးမားတဲ့ အလားအလာဖြစ်ပါတယ်” ဟု သုတေသနပြုမှုကို ပူးတွဲဦးဆောင်ခဲ့သော အင်္ဂလန်မြောက်ပိုင်း ဒူရ်ဟမ် တက္ကသိုလ်မှ ပါမောက္ခ စတီဗ် လင်ဆေးက ပြောကြားခဲ့သည်။

ထို့ပြင် ငှက်ဖျားရောဂါအပါအ၀င် အင်းဆက်များမှ သယ်ဆောင်၍ ဖြစ်တတ်သည့် ကူးစက်ရောဂါကြီးများအား ကာကွယ်ရာတွင်လည်း အဆင့်မြင်အိမ်ရာများက အရေးပါသည်ဟု လင်းဆေးက ထည့်သွင်းပြောကြားခဲ့သည်။

ငှက်ဖျားရောဂါကြောင့် ကမ္ဘာတစ်ဝှမ်း နှစ်စဉ် လူ ၆ သိန်းခန့် သေဆုံးနေရသည်ဟု ကမ္ဘာ့ကျန်းမာရေးအဖွဲ့ WHO က ဆိုသည်။ သေဆုံးသူအများစုမှာ ဆာဟာရဒေသ အာဖရိကနိုင်ငံများမှ ရင်ခွင်ပိုက်များနှင့် ကလေးငယ်များ ဖြစ်ကြသည်။

အဆိုပါ သုတေသနပြုမှုကို လင်ဆေး၊ လန်ဒန်ရှိ တစ်ကိုယ်ရေသန့်ရှင်ရေးနှင့် အပူပိုင်းဆေးဝါး တက္ကသိုလ်မှ သုတေသနပညာရှင် လူစီ တက်စ်တင်းတို့က ပူးပေါင်းပြုလုပ်ခဲ့ခြင်းဖြစ်ပြီး ယနေ့တွင်ထုတ်ဝေသော ငှက်ဖျားဂျာနယ်၌ ဖော်ပြထားသည်။

၎င်းတို့၏ သုတေသနတွင် ခေတ်မီ အိမ်ရာများ၌ ငှက်ဖျားဖြစ်ပွားမှုနှင့် ရွှံ့၊ ကျောက်တုံး၊ ၀ါး သို့မဟုတ် သစ်သားနံရံများပါဝင်ပြီး သက်ကယ်မိုးထားသောအိမ်များ၊ ရွှံ့ သို့မဟုတ် သစ်သား အမိုးရှိပြီး မြေစိုက် သို့မဟုတ် သစ်သားခင်းထားသော အိမ်တို့များတွင် ငှက်ဖျားဖြစ်ပွားမှုတို့ကို နှိုင်းယှဉ်ထားသော လေ့လာမှု ၉၀ ကျော်ကို ဆန်းစစ်ခဲ့ကြခြင်းဖြစ်သည်။

တက်စ်တင်းကမူ အိမ်ရာများ ခေတ်မီတိုးတက်အောင် ဆောင်ရွက်ခြင်းမှာ ပြည်သူ့ကျန်းမာရေး၏ အရေးကြီးသော မဏ္ဍိုင်တစ်ရပ်ဖြစ်သည်ဟု ထည့်သွင်းပြောကြားခဲ့သည်။

Ref: Channelnewsasia