ဖီဖာ၏ ဒုဥက္ကဌ နေရာအား မာရာဒိုနာ ရယူချင်

ဇွန် ၉၊ ၂၀၁၅
M-Media

– ဖီဖာဥက္ကဌ ဘလတ္တာ၏နေရာကို ဆက်ခံမည့် ဥက္ကဌရွေးကောက်ပွဲတွင် ဂျော်ဒန်အိမ်ရှေ့မင်းသား အလီဘင် အလ်-ဟူစိန် ရွေးချယ်ခြင်းခံရပါက မိမိမှာ ဖီဖာဒုဥက္ကဌဖြစ်လာရန် အခွင့်အရေးရှိသည်ဟု အာဂျင်တိုင်း တိုက်စစ်မှူးဟောင်း မာရာဒိုနာက ပြောကြားလိုက်သည်။

အလ်-ဟူစိန်မှာ မကြာသေးမီက ပြုလုပ်ခဲ့သော ဥက္ကဌရွေးကောက်ပွဲတွင် ဘလတ္တာအား ရှုံးနိမ့်ခဲ့သူ ဖြစ်သည်။ သို့သော်လည်း ချစားမှု အရှုပ်အထွေးများဖြင့် ရင်ဆိုင်နေရသည့် ဖီဖာဥက္ကဌရာထူးမှ နှုတ်ထွက်တော့မည်ဟု ပြန်လည်ရွေးကောက်ခံရပြီး လေးရက်အကြာတွင် ဘလတ္တာက ကြေညာခဲ့သည်။

ထို့ကြောင့် ယခုနှစ်အတွင်း ကျင်းပပြုလုပ်ဖွယ်ရှိနေသည့် ဥက္ကဌရွေးကောက်ပွဲတွင် အလ်-ဟူစိန်မှာ ဥက္ကဌဖြစ်ရန် အခွင့်အရေးရှိနေပြီး မာရာဒိုနာကလည်း ဖီဖာတွင် ပါဝင်ခွင့်ရနိုင်မည်ဟု ယုံကြည်နေကာ အခွင့်အရေးရခဲ့ပါက မိမိအနေဖြင့် ချစားမှုကို ဖယ်ရှားပစ်မည်ဟု ဆိုသည်။

“တကယ်လို့ မင်းသားအလီ ဥက္ကဌဖြစ်ရင် ကျွန်တော်က ဖီဖာ ဒုတိယဥက္ကဌ ဖြစ်နိုင်မှာပါ။ ဖြစ်လာရင်လည်း ကျွန်တော်ဟာ လူတိုင်းကို သန့်ရှင်းသွားမှာပါ။ မင်းသားအလီနဲ့ ကျွန်တော်ဟာ မဲအရေအတွက် ၇၃ မဲ ရပါတယ်။ ဒါဟာ နှစ်တော်တော်ကြာ ဖီဖာမှာ မဖြစ်ခဲ့တဲ့ ကိစ္စပါ” ဟု မာရာဒိုနာက Show Del Futbol သို့ ပြောကြားခဲ့သည်။

အသက် ၅၄ နှစ်အရွယ် ရှိပြီဖြစ်သည့် မာရာဒိုနာက ဘလတ္တာမှာ ချစားမှုတွင် နာမည်တပ်ခံရမည်ကို ကြောက်သောကြောင့် ဥက္ကဌရာထူးမှ အလျင်အမြန်ထွက်ရန် ဆုံးဖြတ်ခဲ့ခြင်းဖြစ်သည်ဟု ထည့်သွင်းပြောကြားခဲ့သည်။

“အက်ဖ်ဘီအိုင်နဲ့ ဆွစ်ဇာလန်ရဲတွေ သူ့ကို ဖီဖာဌာနချုပ်မှာ လာဖမ်းမှာကို ဘလတ္တာက ကြောက်ခဲ့တယ်လို့ ကျွန်တော်ထင်ပါတယ်”

Ref: Goal