နိုင်ငံတကာ သတင်းတို (ဇွန် ၉၊ ၂၀၁၅)

ဇွန် ၉၊ ၂၀၁၅
M-Media

ယူကရိန်းမငြိမ်သက်မှု သေဆုံးသူ ၆၅၀၀ နီးပါး ရှိနေပြီ
……………………………
၂၀၁၄ ဧပြီလက စတင်ခဲ့သည့် ယူကရိန်းအရှေ့ပိုင်း တိုက်ခိုက်မှုများအတွင်း သေဆုံးသူများမှာ ၆၄၅၄ ဦးရှိပြီး ဒဏ်ရာရသူအရေအတွက်မှာ ၁၆၁၄၆ ဦးရှိနေသည်ဟု ကုလသမဂ္ဂ လူသားချင်း စာနာထောက်ထားမှုဆိုင်ရာရုံးက ယနေ့တွင် ပြောကြားလိုက်သည်။ စစ်ပွဲကြောင့် ပြည်သူ ၅ သန်းကျော်မှာ အကူအညီများ လိုအပ်နေဟုလည်း ဆိုသည်။

အိန္ဒိယတွင် ရဲတပ်ဖွဲ့နှင့် သူပုန်များ တိုက်ပွဲဖြစ်
………………………………
အိန္ဒိယအရှေ့ပိုင်း ဝေးလံခေါင်သီသည့် တောအုပ်အတွင်း Maoist သူပုန်များနှင့် အိန္ဒိယရဲများ ယနေ့တွင် တိုက်ပွဲများဖြစ်ခဲ့ကြပြီး သူပုန် ၁၂ ဦးကို သုတ်သင်နိုင်ခဲ့သည်ဟု ရဲတပ်ဖွဲ့က ပြောကြားခဲ့သည်။ သူပုန်အဖွဲ့များကို ရဲတပ်ဖွဲ့က ကြားဖြတ်ဖမ်းဆီးရာမှ ထိုကဲ့သို့ တိုက်ပွဲများ ဖြစ်ခဲ့ခြင်းဖြစ်သည်။

ဂျပန်-ဖိလစ်ပိုင် ရေတပ်စစ်ရေးလေ့ကျင့်မှု ထပ်လုပ်မည်
………………………..
ယခုလ ၂၂ ရက်နေ့မှ ၂၆ ရက်နေ့အတွင်း ဂျပန်နှင့် ဖိလစ်ပိုင်တို့မှာ ရေတပ်စစ်ရေးလေ့ကျင့်မှုများကို ပြုလုပ်သွားမည်ဟု ဖိလစ်ပိုင်ရေတပ်မှ ပြောရေးဆိုခွင့်ရှိသူ ဗိုလ်မှူးကြီး အဒ်ဂါ့ဒ် အရီဗာလိုက ယနေ့တွင် ပြောကြားလိုက်သည်။ ၎င်းတို့နှစ်နိုင်ငံမှာ ပြီးခဲ့သည့်လကလည်း နယ်မြေပိုင်ဆိုင်မှု အငြင်းပွားမှုများရှိနေသော တောင်တရုတ်ပင်လယ်တွင် ရေတပ်စစ်ရေးလေ့ကျင်မှုများ ပြုလုပ်ခဲ့ပြီး ယခုလေ့ကျင့်မှုမှာ မည်သည့်နေရာတွင် ပြုလုပ်မည်ကို ဖော်ပြခဲ့ခြင်း မရှိချေ။

ဖီဖာချစားမှုပြဿနာအတွက် အာဂျင်တိုင်း စီးပွားရေးလုပ်ငန်းရှင် အဖမ်းခံ
……………………………..
ဖီဖာ၏ ချစားမှုပြဿနာနှင့်ပတ်သက်၍ အမေရိကန်အာဏာပိုင်များ၏ တရားစွဲဆိုခြင်း ခံထားရသည့် အာဂျင်တီးနား စီးပွားရေးလုပ်ငန်းရှင် အလက်ဂျန်ဒရို ဘာရ်ဇာကိုမှာ အီတလီမြောက်ပိုင်းတွင် ယနေ့မနက်ပိုင်းက သွားရောက်အဖမ်းခံခဲ့သည်။ ဘာရ်ဇာတိုမှာ အားကစား ဈေးကွက်ရှာဖွေရေး ကုမ္ပဏီ Torneos y Competencias ၏ ဥက္ကဌလည်းဖြစ်ပြီး ဖီဖာအတွင်း ချစားမှုနှင့် ဆက်စပ်၍
တရားစွဲခံထားရသော အာဂျင်တိုင်း စီးပွားရေးလုပ်ငန်းရှင် ၃ ဦးထဲမှ တစ်ဦဖြစ်သည်။

Ref: News Agencies