အင်ဒိုနီးရှားတွင် ကမ္ဘာ့အကြီးဆုံး အစ္စလာမ်လေ့လာရေးစင်တာကို တည်ဆောက်သွားမည်

ဇွန် ၁၀၊ ၂၀၁၅
M-Media

– စစ်မှန်သည့် အစ္စလာမ့်သွန်သင်ချက်များ ကမ္ဘာတစ်ဝှမ်းသို့ ပြန့်နှံ့ရန် ဆောင်ရွက်မှုအဖြစ် ကမ္ဘာ့အကြီးဆုံး နိုင်ငံတကာ အစ္စလာမ့်သင်ကြားရေးစင်တာကို တည်ဆောက်သွားမည်ဟု ကမ္ဘာပေါ်တွင် အစ္စလာမ်ဘာသာဝင်အများဆုံး နိုင်ငံဖြစ်သော အင်ဒိုနီးရှားနိုင်ငံက ကြေညာလိုက်သည်။

“အစ္စလာမ့်ရေးရာ လေ့လာမှုအတွက် နိုင်ငံတကာစင်တာတစ်ခု တည်ဆောက်ဖို့ ကျွန်တော်တို့ဟာ မြေဧရိယာ ၂၀၀ ဟက်တာကို စီစဉ်သွားမှာပါ” ဟု ဒုတိယသမ္မတ ဂျူဆက်ဖ် ကာလ်လာက Antara သတင်းအေဂျင်စီသို့ တနင်္လာနေ့တွင် ပြောကြားခဲ့သည်။

ထို့ပြင် ကမ္ဘာပေါ်တွင် အစ္စလာမ်ဘာသာဝင်အများဆုံးရှိရာ မိမိတို့နိုင်ငံအနေဖြင့် အစ္စလာမ်သာသနာ ပြန့်နှံရေးဆောင်ရွက်ရာတွင် ပိုမိုကြီးမားသည့် အခန်းကဏ္ဍမှ ပါဝင်သွားရမည်ဟုလည်း ၎င်းက ထပ်လောင်းပြောကြားခဲ့သည်။

“ဒီအတွက် ကျွန်တော် ကျေးဇူးတင်မိပါတယ်။ ကမ္ဘာပေါ်မှာ အစ္စလာမ်သာသနာ တိုးတက်ရာမှာ အင်ဒိုနီးရှားဟာ အဓိကအခန်းကဏ္ဍကနေ ပါဝင်ရပါမယ်”

မွတ်စလင်ကမ္ဘာတွင် ဖြစ်ပေါ်နေသော ပြဿနာများကို ဖြေရှင်းရာ၌ အင်ဒိုနီးရှားနိုင်ငံအနေဖြင့် ပိုမိုကြီးမားသော အခန်းကဏ္ဍမှ ပါဝင်ရန်အတွက် မကြာသေးမီက ဘန်ဒေါင်တွင် ကျင်းပပြုလုပ်ခဲ့သော အိုအိုင်စီ၏ ၂၀၁၅ အာရှ-အာဖရိက ညီလာခံတွင် အစိုးရများက
တိုက်တွန်းပြီးနောက် အင်ဒိုနီးရှားက ယခုအစီအစဉ်ကို ဆောင်ရွက်ခဲ့ခြင်းဖြစ်သည်။

အဆိုပါ အစ္စလာမ်လေ့လာရေးစင်တာမှာ အီဂျစ်နိုင်ငံမှ နာမည်ကျော် အလ်-အဇ်ဟာရ်တက္ကသိုလ်ကဲ့သို့ အစ္စလာမ် သာသနာ့ရေးရာများကို သင်ကြားပို့ချသွားမည်ဖြစ်သည်။

“တကယ်လို့ လူတွေဟာ အစ္စလာမ်နဲ့ပတ်သက်လို့ ပိုပြီး နက်နက်ရှိုင်းရှိုင်း သိချင်ရင် သူတို့ အင်ဒိုနီးရှားကို လာရုံပါပဲ” ဟု ဒုတိယသမ္မတက ထပ်လောင်းပြောကြားခဲ့သည်။

အင်ဒိုနီးရှားနိုင်ငံမှာ ကမ္ဘာပေါ်တွင် အစ္စလာမ်ဘာသာဝင်အများဆုံးရှိရာ နိုင်ငံဖြစ်ပြီး လူဦးရေ ၂၃၇ သန်းတွင် ၈၅ ရာခိုင်နှုန်းမှာ အစ္စလာမ်ဘာာသာဝင်များ ဖြစ်ကြသည်။ ခရစ်ယာန်ဘာသာဝင်များမှာ နိုင်ငံလူဦးရေ၏ ၁၂ ရာခိုင်နှုန်း ရှိလေသည်။

Ref: Onislam