နောက်ဆုံးမိနစ်အထိ ကြိုးစားခဲ့ပြီး အုပ်စု ပထမနဲ့ ဆီမီးဖိုင်နယ်တက်သွားတဲ့ မြန်မာ ယူ-၂၃

ဇွန် ၁၀၊ ၂၀၁၅
M-Media

ဆီးဂိမ်း ယူ-၂၃ အမျိုးသားဘောလုံးပြိုင်ပွဲ (အုပ်စုနောက်ဆုံးပွဲစဉ်)
ကမ္ဘောဒီးယား ၃-၃ မြန်မာ

၃ ပွဲကစား ရာနှုန်းပြည့်နိုင်ပွဲနဲ့ ဆီမီးဖိုနယ်ကိုတက်ပြီးသား ဖြစ်နေတဲ့  မြန်မာအသင်းဟာ ဒီနေ့မှာနောက်ဆုံးလက်ကျန်ပွဲအနေနဲ့  အုပ်စုအတွင်း ဒုတိယအားအနည်းဆုံးလို့ သတ်မှတ်ထားတဲ့ ကမ္ဘောဒီးယားကို အရန်ကစားသမား အများအပြားနဲ့ ရင်ဆိုင်ခဲ့ပါတယ်။

ဒါပေမယ့် ကမ္ဘောဒီးယားဟာ မထင်မှတ်ဘဲ ပိုကောင်းခဲ့ပြီး ပွဲအစ ၁ မိနစ်မှာပဲ မြန်မာအသင်း ကွင်းတစ်ဝက် သာသာက ပြစ်ဒဏ်ဘောရခဲ့ပြီး ဂိုးပေါက်ကို စခြိမ်းခြောက်နိုင်ခဲ့ပါတယ်။

မြန်မာအသင်းကတော့ ကွင်းလယ်မှာ အချိတ်အဆက် မမိခဲ့ဘဲ ကမ္ဘောဒီယားရဲ့ ကစားကွက်အောက် ရောက်ခဲ့ပါတယ်။ ၂၄ မိနစ်မှာ ကမ္ဘောဒီယားက နံပါတ် ၁၉ ဧရိယာထဲက ဘယ်ခြေနဲ့ကန်သွင်းချက် ဂိုးလွန်ဘောဖြစ်ခဲ့ပါတယ်။

တစ်မိနစ်အကြာမှာ ကမ္ဘောဒီးယားကပဲ အပိုင်ကန်သွင်းခွင့်ရခဲ့ပြီး မြန်မာဂိုးသမား ဝေဖြိုးအောင် အကောင်းဆုံး ပုတ်ထုတ် ကာကွယ်လိုက်တာကြောင့် ထောင့်ကန်ဘော ပေးလိုက်ရပါတယ်။

ဒီထောင့်ကန်ဘောက ကျလာတဲ့ဘောလုံးကို နံပါတ် ၉ ကီယို ဆိုဖန်က ပိတ်သွင်းနိုင်ခဲ့တာကြောင့် ကမ္ဘောဒီးယား ဦးဆောင်ဂိုး ရခဲ့ပါတယ်။

နောက်ပိုင်းမှာ မြန်မာအသင်း ဂိုးရဖို့ ကြိုးစားခဲ့ပေမယ့် ကမ္ဘောဒီးယားဂိုးပေါက်ကို သိသိသာသာ ခြိမ်းခြောက်နိုင်ခြင်းတော့ မရှိပါဘူး။

၃၄ မိနစ်မှာ ဇွန်မိုးအောင် ဧရိယာထဲက ကန်သွင်းချက် တော်တော်လေးကောင်းခဲ့ပြီး ကမ္ဘောဒီးယား ဂိုးသမား အမှားအယွင်းမရှိ ကာကွယ်သွားနိုင်ခဲ့ပါတယ်။

အဖွင့်ဂိုးသွင်းထားတဲ့ ဆိုဖန် ၃၇ မိနစ်မှာ အဝေးကန်ချက်နဲ့ ဂိုးရဖို့ ကြိုးစားပေမယ့် ဂိုးသမား ဝေဖြိုးအောင် ပုတ်ထုတ်ခဲ့ပါတယ်။

နာကျင်အချိန်ပိုမှာ မြန်မာအသင်း အပိုင်ဂိုးသွင်းခွင့်တစ်ကြိမ် ရခဲ့ပြီး ရှိုင်းသူရရဲ့ ဂိုးသမားကို ကျော်သွင်းမှု ဂိုးလွန်ဘောဖြစ်ခဲ့ပါတယ်။

ဒီအချိန်မှာပဲ ကမ္ဘောဒီးယားရဲ့ တိုက်စစ်ဆင်မှုကို မြန်မာနောက်ခံလူ ဖြိုးကိုကိုသိန်း ဖြတ်ထုတ်ရာမှာ ပြစ်ဒဏ်ဘောဖြစ်ခဲ့ပြီး ပင်နယ်တီပေးခဲ့ရပါတယ်။

ဒီပင်နယ်တီကို နံပါတ် ၁၁ ကန်သွင်းရာမှာ ဖြိုးဝေလင်းကာကွယ်နိုင်ခဲ့ပေမယ့် သူ့ကြောင့်ပဲ နောက်ထပ် ပင်နယ်တီထပ်ပေးခဲ့ရပြီး ၁၁ ကပဲ ကမ္ဘောဒီးယားအတွက် ဒုတိယဦးဆောင်ဂိုး သွင်းယူနိုင်ခဲ့ပါတယ်။

ဒုတိယပိုင်းမှာတော့ မြန်မာအသင်း တိုက်စစ်ဆင်လာခဲ့ပြီး ၅၂ မိနစ်မှာရတဲ့ထောင့်ကန်ဘောကို သီဟဇော်ပိတ်သွင်းက ပထမချေပဂိုး ရခဲ့ပါတယ်။

မြန်မာအသင်းရဲ့ ထိုးစစ်ဆင်မှုကနေ ကမ္ဘောဒီးယားအသင်း တန်ပြန်တိုက်စစ်ထွက်လာခဲ့ပြီး ၅၃ မိနစ်မှာ ဘယ်ခြမ်းက ကန်တင်ပေးတဲ့ဘောလုံးကို ဦးဆောင်ဂိုးသွင်းခဲ့တဲ့ ဆိုဖန်က ခေါင်းတိုက်ပြီး ကမ္ဘောဒီးယားအတွက် တတိယဦးဆောင်ဂိုး သွင်းပေးခဲ့ပါတယ်။

နောက်ပိုင်းမှာတော့ မြန်မာကပဲတောက်လျှောက်ဖိကစားခဲ့ပြီး ၇၄ မိနစ်မှာ စည်သူအောင် အဝေးကန်ချက် ကမ္ဘောဒီးယား ဂိုးသမား ပုတ်ထုတ်ခဲ့ပါတယ်။

တင်ကစားလာတဲ့ မြန်မာအသင်းဟာ ၈၉ မိနစ်မှာ လိုအပ်နေတဲ့ ချေပဂိုးတစ်ဂိုး ထပ်ရခဲ့ပြီး လှိုင်းဘိုဘို ချပေးတာကို ကောင်းဆက်နိုင် လှလှပပ ကန်သွင်းသွားခဲ့တာ ဖြစ်ပါတယ်။

နောက်တစ်မိနစ်အကြာမှာ မြန်မာတို့ ဂိုးထပ်ရခဲ့ပြီး ကောင်းဆက်နိုင်ရဲ့ ဧရိယာအတွင်းက ချပေးမှုကို စည်သူအောင်က ပိတ်သွင်းသွားခဲ့တာ ဖြစ်ပါတယ်။ ဒီဂိုးဟာ သူ့ရဲ့ ဆီးဂိမ်းပြိုင်ပွဲ ၄ ဂိုးမြောက်လည်း ဖြစ်ပါတယ်။

ဒီပွဲသရေကျတာကြောင့် အုပ်စုပွဲအားလုံးကစားပြီး ၁၀ မှတ်ရထားတဲ့ မြန်မာအသင်း အုပ်စုပထမနဲ့ ဆီမီးဖိုင်နယ်ကို တက်ရောက်သွားနိုင်ခဲ့ပြီ ဖြစ်ပါတယ်။