ရုရှားနှင့် ကာတာကမ္ဘာ့ဖလားအတွက် ဖီဖာရုံးချုပ်မှ အချက်အလက်များကို ရဲတပ်ဖွဲ့ဝင်သိမ်း

ဇွန် ၁၁၊ ၂၀၁၅
M-Media

– ၂၀၁၈ နှင့် ၂၀၂၂ ကမ္ဘာဖလားပြိုင်ပွဲများအား အိမ်ရှင်အဖြစ် ကျင်းပခွင့်ရရေး လျှောက်ထားမှု၊ ရွေးချယ်မှုလုပ်ငန်းစဉ်များနှင့် ပတ်သက်၍ စုံစမ်းစစ်ဆေးခြင်းအတွက် အထောက်အထားများကို ဖီဖာရုံးချုပ်မှ ဆွစ်ဇာလန် အာဏာပိုင်များက ထပ်မံသိမ်းဆည်းသွားခဲ့သည်ဟု သိရသည်။

အဆိုပါ ကမ္ဘာဖလားပြိုင်ပွဲနှစ်ခုနှင့် ဆက်စပ်၍ ရာဇ၀တ်မှုဆိုင်ရာ စီမံခန့်ခွဲမှု အမှားများနှင့် ငွေကြေးခ၀ါချမှုများ ရှိနိုင်သည်ဟူသော သံသယဖြင့် ရဲတပ်ဖွဲ့ဝင်များမှာ ပြီးခဲ့သည့် သီတင်းပတ်များမှ စ၍ စုံစမ်းစစ်ဆေးမှုများ ပြုလုပ်ခဲ့သည်။ ဖီဖာကမူ ရဲတပ်ဖွဲ့ဝင်များမှာ နိုဝင်ဘာလက စတင်ခဲ့ခြင်းဖြစ်သည်ဟု ဆိုသည်။

အဆိုပါ စုံစမ်းစစ်ဆေးမှုအား ကူညီရန်အတွက် ဇူးရစ်ခ်ျမြို့ရှိ ဌာနချုပ်တွင် ဖီဖာမှာ ကွန်ပျူတာ အချက်အလက်များကို လိုလိုလာလားပင် လွှဲပြောင်းပေးအပ်ခဲ့သည်ဟု ရဲတပ်ဖွဲ့က ပြောကြားခဲ့သည်။

ဆွစ်ဇာလန် ရဲတပ်ဖွဲ့၏ စုံစမ်းစစ်ဆေးမှုမှာ အက်ဖ်ဘီအိုင်က မေလတွင် ဖီဖာတာဝန်ရှိသူများအား ဖမ်းဆီးကာ တရားစွဲဆိုခြင်းကိစ္စနှင့် သက်ဆိုင်မှုမရှိချေ။ ယခု ကမ္ဘာ့ဖလားဆိုင်ရာ ပြဿနာတွင် ဥက္ကဌ ဆပ်ဘလတ္တာနှင့် အထွေထွေအတွင်းရေးမှူး ဂျယ်ရိုမီ ဗာလက်တို့မှာ သံသယဖြစ်ဖွယ် စာရင်းတွင် မပါဝင်ဟု ဆွစ်ဇ်ရဲတပ်ဖွဲ့က ဆိုသည်။

Ref: Goal