သူပုန်များအား အိန္ဒိယက နိုင်ငံအတွင်းဝင်ကာ ချေမှုန်းမှုကို မြန်မာငြင်းဆို

ဇွန် ၁၁၊ ၂၀၁၅
M-Media

– သူပုန်များအား နှိမ်နင်းရန်အတွက် အိန္ဒိယမှာ မြန်မာနိုင်ငံအတွင်းအထိ ၀င်ရောက်ကာ စစ်ဆင်ရေး လုပ်ခဲ့သည်ဆိုခြင်းကို မြန်မာအစိုးရက ငြင်းဆိုလိုက်ပြီး နိုင်ငံခြားတိုက်ခိုက်ရေးသမားများ တိုက်ခိုက်မှုပြုလုပ်ရန် မိမိတို့၏ ပိုင်နက်ကို မည်သည့်အခါမှ အသုံးပြုခွင့် မပေးဟု ပြောကြားလိုက်သည်။

ပြီးခဲ့သည့်တစ်ပတ်က မဏိပူရပြည်နယ်တွင် အိန္ဒိယစစ်ယာဉ်တန်း ချုံခိုတိုက်ခိုက်ခံရပြီး စစ်သား ၂၀ သေဆုံးမှုကို တုံ့ပြန်သည့်အနေဖြင့် အိန္ဒိယစစ်တပ်မှာ သူပုန်များကို အင်္ဂါနေ့က မြန်မာနိုင်ငံ၏ နယ်နမိတ်အထိဝင်၍ ချေမှုန်းခဲ့သည်ဟု အိန္ဒိယ ပြန်ကြားရေးဌာနမှ အငယ်တန်း အရာရှိဖြစ်သူ ရာသိုရီက ပြောကြားခဲ့သည်။ အဆိုပါတိုက်ခိုက်မှုကို ပြုလုပ်ခဲ့သည့် သူပုန်များမှာ မြန်မာနိုင်ငံအတွင်းမှ ၀င်ရောက်လာခြင်းဖြစ်သည်ဟု ဆိုသည်။

သို့သော်လည်း မြန်မာနိုင်ငံသမ္မတရုံးမှ ထုတ်ပြန်သည့် ကြေညာချက်တွင် အဆိုပါ တိုက်ခိုက်မှုများမှာ အိန္ဒိယဘက်တွင်သာ ဖြစ်ပွားခဲ့ခြင်းဖြစ်သည်ဟု နိုင်ငံအနောက်မြောက်ပိုင်း နယ်စပ်ဒေသမှ စစ်တပ်၏ သတင်းအချက်အလက်ကို ကိုးကား၍ ဖော်ပြခဲ့သည်။

အိန္ဒိယစစ်တပ်မှ ထုတ်ပြန်သော ကြေညာချက်တွင် သူပုန်များမှာ တိုက်ခိုက်မှုများ ထပ်မံပြုလုပ်ရန် စီစဉ်နေကြောင်း ထောက်လှမ်းရေးသတင်း ရရှိသည်ဟု ဖော်ပြခဲ့သည်။ သို့သော် မြန်မာနိုင်ငံကမူ မိမိတို့နယ်နမိတ်အား နိုင်ငံခြားတပ်ဖွဲ့များက အသုံးပြုကာ တိုက်ခိုက်မှု ပြုလုပ်ခြင်းမရှိဟု ငြင်းဆိုခဲ့သည်။

“မိမိတို့နိုင်ငံ၏ နယ်နမိတ်နှင့် နယ်စပ်ဒေသကို အခြေစိုက်စခန်းအဖြစ် အသုံးပြုသည့် မည်သည့် နိုင်ငံခြားသူပုန်ကိုမှ မြန်မာနိုင်ငံက လက်ခံမည်မဟုတ်ပါ။ မြန်မာနိုင်ငံအနေဖြင့် ပြဿနာအား ဖြေရှင်းရန်အတွက် အိန္ဒိယအစိုးရနှင့် ညှိနှိုင်းပူးပေါင်းဆောင်ရွက်ရန် ဆန္ဒရှိပါသည်” ဟု အဆိုပါ ကြေညာချက်တွင် ထည့်သွင်းဖော်ပြထားသည်။

ထို့ပြင် အခြေအနေအား ရှင်းပြရန် အိန္ဒိယသံအမတ်ကြီးမှာ မြန်မာနိုင်ငံ နိုင်ငံခြားရေးဝန်ကြီးဌာနမှ ဒုတိယ၀န်ကြီးနှင့် တွေ့ဆုံခဲ့သည်ဟု ကြေညာချက်တွင် ဖော်ပြထားသော်လည်း အသေးစိတ်အချက်အလက်များ ပါဝင်ခြင်းမရှိချေ။

Ref: Reuters