အကောင်းဆုံး ခံစစ်နဲ့ နောက်ဆုံး ဗိုလ်လုပွဲတက်သွားတဲ့ မြန်မာ ယူ-၂၃

ဇွန် ၁၃၊ ၂၀၁၅
M-Media

၂၀၁၅ ဆီးဂိမ်း ယူ-၂၃ ဘောလုံးပြိုင်ပွဲ (ဆီမီးဖိုင်နယ်ပွဲစဉ်)
မြန်မာ ၂-၁ ဗီယက်နမ်

အုပ်စုပွဲမှာ အကောင်းဆုံးခြေစွမ်းပြပြီး အုပ်စုပထမနဲ့ ဆီမီးဖိုင်နယ်တက်ခဲ့တဲ့ မြန်မာအသင်းဟာ ပွဲအစ ၁ မိနစ်မှာပဲ ဘယ်ခြမ်းကနေ ဖရီးကစ်ရခဲ့ပြီး ဗီယက်နမ်ဂိုးပေါက်ကို ခြိမ်းခြောက်နိုင်ခဲ့ပါတယ်။

ဒါပေမယ့် နောက်ပိုင်းမှာတော့ ဗီယက်နက်အသင်းကပဲ တစ်ချက်ထိအမြန်အပေးစနစ်နဲ့ ပွဲကို စိုးမိုးခဲ့ပြီး မြန်မာအသင်းရဲ့ဂိုးပေါက်ကို တောက်လျှောက် ခြိမ်းခြောက်နိုင်ခဲ့ပါတယ်။

၎ မိနစ်မှာ ဗီယက်နမ်အသင်း အလယ်တန်းလူ နံပါ ၁၇ ကန်ချက် အပါအ၀င် ၁၂ မိနစ်အတွင်းမှာ ဗီယက်နမ်က ဂိုးကန်သွင်းခွင့် ၃ ကြိမ်လောက် ရခဲ့ပါတယ်။

ကစားကွက်မိမိနဲ့ ဖိအားပေးလာတဲ့ ဗီယက်နမ်တိုက်စစ်ကို မြန်မာအသင်း ခပ်ကြမ်းကြမ်း ဖြတ်ထုတ်ခဲ့ရပါတယ်။

၂၂ မိနစ်မှာ ဗီယက်နမ်က နံပါတ် ၁၇ ကပဲ ဧရိယာအတွင်း ဆွဲဝင်လာပြီး အပိုင်ကန်သွင်းချက် မြန်မာဂိုးသမားကျော်ဇင်ဖြိုး ၂ ဆင့်ဖမ်းခဲ့ရပါတယ်။

တန်ပြန်တိုက်စစ်ကနေတစ်ဆင့် ဂိုးရဖို့ ကြိုးစားတဲ့ မြန်မာအသင်း ၃၈ မိနစ်မှာ ဗီယက်နမ် ဂိုးဧရိယာထိပ်က ပြစ်ဒဏ်ဘောရခဲ့ပြီး အသင်းခေါင်းဆောင် နေလင်းထွန်းကန်ရာမှာ ဗီယက်နမ်လူတံတိုင်းက ကစားသမားတစ်ယောက် တံတောင်နဲ့ ပုတ်လိုက်တဲ့အတွက် ဒိုင်လူကြီးက ပင်နယ်တီပေးခဲ့ပါတယ်။

ဒီပင်နယ်တီကို စည်သူအောင်က တည်တည်ငြိမ်ငြိမ်ပဲ ကန်သွင်းယူခဲ့ပြီး မြန်မာအသင်းအတွက် ဦးဆောင်ဂိုး ရယူပေးနိုင်ခဲ့ပါတယ်။ ဒီဂိုးဟာ စည်သူအောင်ရဲ့ ဆီးဂိမ်းပြိုင်ပွဲအတွင်း ၅ လုံးမြောက်ဂိုးလည်းဖြစ်ပြီး ဂိုးအများဆုံးသွင်းတဲ့စာရင်းမှာ ထိပ်ဆုံးက ဦးဆောင်နေပါတယ်။

ချက်ချင်းဆိုသလိုပဲ ဗီယက်နမ်ရဲ့ ထိုးဖောက်တိုက်စစ်ဆင်မှုကနေ နံပါတ် ၁၇ ရဲ့ ခေါင်းတိုက်ချက် ဂိုးလွန်ဘောဖြစ်သွားခဲ့လို့ မြန်မာအသင်း သက်သာရာရခဲ့ပါတယ်။

ဗီယက်နမ်အသင်းရဲ့ ကစားသမားတွေဟာ နည်းစနစ်ပိုင်းဆိုင်ရာမှာ အတော်လေး ညက်ညောခဲ့ပြီး ပထမပိုင်းတစ်ပိုင်းလုံးမှာ အပေးအယူ အချိတ်အဆက်မှန်မှန်နဲ့ ပွဲကို စိုးမိုးခဲ့ပြီး မြန်မာအသင်းကတော့ ကစားကွက် တည်မရခဲ့ပါဘူး။

ဒုတိယပိုင်းမှာလည်း ဗီယက်နမ်အသင်းက တိုက်စစ်သက်သက်ဖြစ်ခဲ့ပြီး မြန်မာက ခံစစ်နဲ့သာ ရင်ဆိုင်ခဲ့ရပါတယ်။

မြန်မာဂိုးပေါက်ကို တောင်လျှောက်ခြိမ်းခြောက်နိုင်ခဲ့တဲ့ ဗီယက်နမ် ၇၁ မိနစ်မှာတော့ ချေပဂိုး ရခဲ့ပါတယ်။ ဒီဂိုးကို နံပါတ် ၂၅ က ကန်သွင်းယူသွားတာ ဖြစ်ပါတယ်။ ၇၉ မိနစ်မှာတော့ မြန်မာအသင်း ဦးဆောင်ဂိုးရခဲ့ပါတယ်။

တန်ပြန်တိုက်စစ်က ထွက်လာတဲ့ဘောလုံးကို အသင်းခေါင်းဆောင် နေလင်းထွန်း ဂိုးဧရိယာ ညာဘက်ထိပ်ကနေ အပြင်းကန်သွင်းယူခဲ့ရာမှာ ဗီယက်နမ်နောက်ခံလူနဲ့ ထိပြီး ဂိုးဝင်သွားခဲ့တာ ဖြစ်ပါတယ်။

နောက်ပိုင်းမှာ မြန်မာနောက်တန်း စနစ်ကျနဲ့ အကောင်းဆုံးကစားသွားပြီး အနိုင်ဂိုးကို ထိန်းကစားသွားနိုင်ခဲ့ပါတယ်။

မြန်မာအသင်းရဲ့ အနိုင်ရရှိမှုမှာ ဂိုးသမားကျော်ဇင်ဖြိုးကလည်း အရေးပါခဲ့ပြီး ဗီယက်နမ်ရဲ့ အပိုင်ဂိုးသွင်းခွင့် ၅ လုံးလောက်ကို လက်စွမ်းပြ ကာကွယ်သွားနိုင်ခဲ့ပါတယ်။

ဒီပွဲအနိုင်ကြောင့် ဆီးဂိမ်း (ယခင် ကျွန်းဆွယ်) ပြိုင်ပွဲတစ်လျှောက် ၉ ကြိမ်မြောက် ဗိုလ်လုပွဲတက်သွားတဲ့ မြန်မာအသင်း ယနေ့ညမှာကစားမယ့် ထိုင်းနဲ့ အင်ဒိုနီးရှားတို့ပွဲ နိုင်တဲ့အသင်းနဲ့ ကစားရမှာဖြစ်ပါတယ်။