နိုင်ငံတကာသတင်းတို (ဇွန် ၁၃၊ ၂၀၁၅)

ဇွန် ၁၃၊ ၂၀၁၅
M-Media

မလေးရှားနိုင်ငံ ဆာဘားတွင် ငလျင်ထပ်လှုပ်
…………………………..
ယနေ့မနက် စောစောပိုင်းက မလေးရှားနိုင်ငံ ဆာဘားပြည်နယ်တွင် ပြင်းအား ၅.၁ ရစ်ခ်ျတာစကေးရှိ ငလျင်တစ်ခု ထပ်မံလှုပ်ခတ်ခဲ့ပြီး အစိုးရအေဂျင်စီ အားလုံးအနေဖြင့် လိုအပ်သော ကိစ္စရပ်များကို ဆောင်ရွက်ရန် မလေးရှားဝန်ကြီးချုပ်က အမိန့်ပေးခဲ့သည်။ ငလျင်ကြောင့် ထိခိုက်ဒဏ်ရာရသူများ မရှိခဲ့ဘဲ ဆာဘားဝန်ကြီးချုပ် မူဆာအေမန်ကမူ ပြည်သူများ ဘေးအန္တရာယ်ကင်းရေးအတွက် ကြိုတင်စီမံမှုများ ပြုလုပ်နေသည်ဟု ပြောကြားခဲ့သည်။ ဆာဘားတွင် ပြီးခဲ့သည့် တစ်ပတ်ကလည်း ငလျင်လှုပ်ခဲ့ပြီး လူ ၁၃ ဦး သေဆုံးခဲ့သည်။

တောင်ကိုရီးယား မားစ်ရောဂါ ခက်ခဲရှုပ်ထွေး
………………………..
တောင်ကိုရီးယားနိုင်ငံတွင် ကူးစက်ပြန့်နှံ့နေသော မားစ်ရောဂါမှာ ကြီးမားရှုပ်ထွေးသည်ဟု ကမ္ဘာ့ကျန်းမာရေးအဖွဲ့ WHO ၏ ကျွမ်းကျင်သူများအဖွဲ့မှ ယနေ့တွင် ပြောကြားလိုက်သည်။ မေလ ၂၀ ရက်နေ့က စတင်တွေ့ရှိခဲ့သည့် အဆိုပါကူးစက်မှုကြောင့် လက်ရှိအချိန်တွင် လူ ၁၄ ဦး သေဆုံးခဲ့ပြီး ၁၃၈ ဦးမှာ ရောဂါပိုး ကူးစက်ခံနေရသည်။ WHO ကမူ တောင်ကိုရီးယား
အာဏာပိုင်များ၊ မားစ်ရောဂါတိုက်ဖျက်ရေး ဆောင်ရွက်နေကြသည့် ကျွမ်းကျင်သူများနှင့်အတူ သုံးသပ်မှုများ ပြုလုပ်နေသည်။

အမေရိကန်၏ စစ်ဘက်ဆိုင်ရာ အရေးပါသည်ဖိုင်များ ခိုးယူခံရ
…………………….
အမေရိကန် ဖက်ဒရယ်အစိုးရ ၀န်ထမ်းများ၏ အချက်အလက်များကို သိမ်းဆည်းထာသည့် OPM ရုံးမှ ကွန်ပျူတာစနစ်ကို ဟက်ကာများက ပြုလုပ်ခဲ့သည့် သီးခြားတိုက်ခိုက်မှုအတွင်း စစ်ဘက်ဆိုင်ရာ အရေးပါသည့် အချက်အလက်များကို ရယူသွားခဲ့ကြောင်း အမေရိကန်အစိုးရ စုံစမ်းစစ်ဆေးရေးမှူးများက တွေ့ရှိခဲ့ကြသည်။ OPM မှာ ဟက်ကာများ၏ တိုက်ခိုက်မှုများကို ခံခဲ့ရသည်ဟု ပြီးခဲ့သည့် တစ်ပတ်က ထုတ်ဖော်ပြောကြားခဲ့ပြီး ထိုတိုက်ခိုက်မှုများတွင် အဓိကအချက်အလက်များ ထိခိုက်မှုမရှိခဲ့ဟု ဆိုသည်။ သို့သော်လည်း ယခု ခိုးယူခံရမှုမှာ သီးခြားတိုက်ခိုက်မှု ဖြစ်သည်။ ထိုတိုက်ခိုက်မှုများမှာ တရုတ်နိုင်ငံမှ လာသည်ဟု အမေရိကန်က သံသယဖြစ်နေသည်။

အာဆင်နယ်က အလိုရှိသမျှ ၀ီလ်ရှိုင်းယား ဆက်နေမည်
……………………..
ပြိုင်ဘက်အသင်းများက စိတ်ဝင်စားနေသော်လည်း မိမိအနေဖြင့် အာဆင်နယ်အသင်း လိုချင်သမျှ အသင်းတွင် ဆက်ရှိနေမည်ဟု အလယ်တန်းလူ ၀ီလ်ရှိုင်းယားက ပြောကြားခဲ့သည်။ ၀ီလ်ရှိုင်းယားမှာ ယခုရာသီတွင် ခြေစွမ်းကောင်းများ မပြနိုင်ခဲ့ဘဲ ၎င်းကလည်း ဒဏ်ရာကြောင့် စိတ်ပျက်ရသည့် ရာသီဖြစ်ခဲ့ကြောင်း လာမည့်နှစ်တွင် အပြည့်အ၀ ကြံ့ခိုင်မည်ဟု မျှော်လင့်ကြောင်း
ထည့်သွင်းပြောကြားခဲ့သည်။

Ref: News Agencies