နိုင်ငံပြန်လည်ထူထောင်ရေးအတွက် နီပေါက နိုင်ငံတကာကို အကူအညီတောင်းခံ

ဇွန် ၁၄၊ ၂၀၁၅
M-Media

– ငလျင်ဒဏ်ကို ဆိုးရွားစွာ ခံစားခဲ့ရသည့် မိမိတို့နိုင်ငံ ပြန်လည်ထူထောင်ရေးလုပ်ငန်းအတွက် ကုန်ကျမည့် ကန်ဒေါ်လာ ၆.၆ ဘီလီယံကို နီပေါနိုင်ငံက နိုင်ငံတကာ အလှူရှင်များထံ ယမန်နေ့တွင် တောင်းခံလိုက်သည်။

ဧပြီလ ၂၅ ရက်နှင့် မေလ ၁၂ ရက်တို့တွင် လှုပ်ခတ်ခဲ့သည့် ငလျင်များကြောင့် နီပေါနိုင်ငံတွင် သေဆုံးသူဦးရေမှာ ၈၇၈၇ ဦး ရှိခဲ့ပြီး အိမ်ပေါင်း ၅ သိန်းကျော် ပျက်ဆီးခဲ့ရကာ လူပေါင်း ၂.၈ သန်းခန့်မှာ ငလျင်ဒဏ်ကို ခံစားခဲ့ရသည်။

ထို့ပြင် ခရီးသွားလုပ်ငန်းအပါအ၀င် စီးပွားရေးတွင်လည်း နီပေါနိုင်ငံမှာ ကန်ဒေါ်လာ ၇ ဘီလီယံ ဆုံးရှုံးခဲ့သည်ဟု သဘာဝဘေးအန္တရာယ်အလွန် လိုအပ်ချက်များ ဆန်းစစ်ခြင်း PDNA အစီရင်ခံစာတွင် အစိုးရက ဖော်ပြထားသည်။

ဘဏ္ဍာရေးဝန်ကြီးဌာနမှ အကြီးတန်းအရာရှိဖြစ်သူ ဆူမန် ပရာဆက်ဒ် ရှရ်မာက နိုင်ငံ ပြန်လည်တည်ဆောက်ရေးနှင့်ပတ်သက်၍ ဇွန်လ ၂၅ ရက်နေ့တွင် အစည်းအဝေးတစ်ခု ကျင်းပမည်ဖြစ်ပြီး နိုင်ငံပေါင်း ၃၆ နိုင်ငံနှင့် အကူအညီပေးရေး အေဂျင်စီ ၂၄ ဖွဲ့တို့အား
ဖိတ်ကြားထားသည်ဟု ပြောကြားခဲ့သည်။

“အစည်းအဝေးအတွင်း အလှူရှင်တွေဆီကနေ လောက်လောက်လားလား အကူအညီကို ကျွန်မတို့ မျှော်လင့်ပါတယ်” ဟု ရှရ်မာက ပြောကြားခဲ့သည်။ လက်ရှိအချိန်တွင် စီပွားရေး ဖွံ့ဖြိုးတိုးတက်မှု ကုန်ကျစားရိတ် ၃ ပုံ ၂ ပုံကို နိုင်ငံတကာအကူအညီပေးရေးအဖွဲ့များမှ ရရှိထားသည်။

အစိုးရတာဝန်ရှိသူများကမူ နိုင်ငံတကာအလှူရှင်များက အကူအညီပေးရန် ကတိမပြုခြင်းက နီးပေါနိုင်ငံ အကြွေးနွံနစ်ခြင်း သို့မဟုတ် အကြွေးပေးရမည့် အချိန် ကြန့်ကြာခြင်းတို့ကို ဖြစ်စေမည်ဟု ပြောကြားခဲ့သည်။ နီပေါနိုင်ငံမှာ နိုင်ငံတကာ ငွေချေးသည့် အေဂျင်စီများမှ စီပွားရေးဆိုင်ရာအတွက် ချေးငှားထားခြင်း မရှိချေ။

နိုင်ငံအတွင်း ဆင်းရဲမွဲတေမှုကို တိုက်ဖျက်ရန် ကြိုးပမ်းမှုမျာအား အဆိုပါငလျင်များက ထိခိုက်စေခဲ့ပြီး ဆင်းရဲမွဲတေသူ ၇ သိန်းမှ ၇.၇၈ သန်း တိုးလာခဲ့သည်ဟု အမျိုးသားစီမံကိန်းကော်မရှင်မှ ဒုတိယဥက္ကဌဖြစ်သူ ဂိုဗင်ဒ် ရဂ်ျ ပေါ့က်ဟာရဲလ်က ပြောကြားခဲ့သည်။

Ref: Reuters