ယီမင်တွင် ပြည်သူများ၏ အခြေအနေများ ဆိုးဝါးလာနေ

ဇွန် ၁၄၊ ၂၀၁၅
M-Media

– တိုက်ခိုက်မှုများ ဖြစ်ပွားနေသည့် ယီမင်နိုင်ငံတွင် ပြည်သူများ၏ လူသားချင်းစာနာထောက်ထားမှုဆိုင်ရာ အခြေအနေများမှာ ဆိုးရွားနေကာ ငြိမ်းချမ်းရေး ဆွေးနွေးမှုများမှာလည်း မသေမချာဖြစ်နေသည်။

ဟူသီသူပုန်များ သိမ်းပိုက်ထားသည့် နိုင်ငံတောင်ပိုင်း တာအစ်ဇ်မြို့တွင် ပြည်သူများအတွက် အခြေခံလိုအပ်ချက်များမှာ အလွန်အမင်း ဆိုးရွားနေကာ မြို့တစ်ဝိုက် တိုက်ပွဲများကြောင့် အစိုးရ ၀န်ဆောင်မှုလုပ်ငန်းများမှာလည်း ပြတ်တောက်နေသည်။ စာသင်ကျောင်းများလည်း ပိတ်ထားကာ၊ လျှပ်စစ်ဓာတ်အားလည်း ပြတ်တောက်နေပြီး အခြေခံ စားသောက်ကုန်များမှာလည်း
ပြတ်လတ်နေသည်။

အကူအညီပေးရေးအဖွဲ့များကမူ လေကြောင်းမှ ဗုံးကြဲတိုက်ခိုက်မှုများကို ပြုလုပ်နေသာ ဆော်ဒီဦးဆောင်သည့် မဟာမိတ်တပ်များ၏ လေကြောင်းနှင့် ရေကြောင်းမှ ပိတ်ဆို့ထားမှုများကို ဖယ်ရှားပေးရန် တောင်းဆိုထားသည်။

ပြည်သူများအား အကူအညီပေးအပ်ရန်အတွက် ပြီးခဲ့သည့်လက ၅ ရက်ကြာ အပစ်ရပ်ရေးကို အကောင်အထည်ဖော်ခဲ့သော်လည်း ထပ်မံသက်တမ်းတိုးရန် ကုလ၏ ဆောင်ရွက်မှုမှာ အောင်မြင်ခဲ့ခြင်းမရှိပေ။

စစ်ပွဲအဆုံးသတ်ရေးအတွက် ကုလမှ ဦးဆောင်ကာ ဂျီနီဗာတွင် ဆွေးနွေးမှုများပြုလုပ်ရန် စီစဉ်ခဲ့သော်လည်း ဟူသီနှင့် ၎င်းတို့ မဟာမိတ်ကိုယ်စားလှယ်များအား ယမန်နေ့က ခေါ်ယူရန် သွားရောက်ခဲ့သည့် လေယာဉ်တွင် အဆိုပါ ကိုယ်စားလှယ်များ လိုက်ပါခဲ့ခြင်း မရှိချေ။

ဆွေးနွေးမှုကို မနက်ဖြန်တွင် စတင်မည်ဖြစ်သော်လည်း ဟူသီ ကိုယ်စားလှယ်တစ်ဦးကမူ မိမိတို့မှာ ဆွေးနွေးပွဲတွင် အစိုးရအားဆန့်ကျင်သည့်အဖွဲ့ ကိုယ်စားလှယ်နှင့် အာဏာသိမ်းသည့်အဖွဲ့ ကိုယ်စားလှယ်အဖြစ် ကိုယ်စားလှယ်နှစ်ဖွဲ့ခွဲ၍ တက်ရမည့် အယူအဆကို လက်မခံဟု ပြောကြားခဲ့သည်။

ထို့ပြင် အဆိုပါဆွေးနွေးပွဲမှာ အဖွဲ့စုံပါဝင်ပြီး ကျယ်ပြန့်သည့် ဆွေးနွေးပွဲထက် မိမိတို့အဖွဲ့အား မြို့တော်ဆန်နာမှ ထွက်သွားရေး ဖြားယောင်းရန်အတွက်သာဖြစ်သည်ဟု ထည့်သွင်းပြောကြားခဲ့သည်။

Ref: Aljazeera