နစ်မြုပ်တရုတ်သင်္ဘောမှ အလောင်း ၄၀၀ ကျော်စလုံးကို ဆယ်ယူနိုင်ခဲ့

ဇွန် ၁၅၊ ၂၀၁၅
M-Media

– ဇွန်လ ၁ ရက်နေ့က နိုင်ငံအလယ်ပိုင်း ယန်ဇီမြစ်တွင် နစ်မြုပ်ခဲ့သည့် Morning Star အပျော်စီးသင်္ဘောမှ အသက်ရှင်လျက် ၁၂ ဦးသာ ကယ်ဆယ်နိုင်ခဲ့ပြီး သေဆုံးသူအားလုံးကို ဆယ်ယူရရှိပြီးဖြစ်သည်ဟု တရုတ်နိုင်ငံက ကြေညာလိုက်သည်။

ယမန်နေ့က ကြေညာလိုက်ခြင်းဖြစ်ပြီး သင်္ဘောနစ်မြုပ်သည့်အချိန် ပျောက်ဆုံးခဲ့သည့် လူ ၄၄၂ ဦး၏ အလောင်းများအားလုံးကို တွေ့ရှိခဲ့ခြင်း ဖြစ်သည်။ အသက်ရှင်ကျန်ရစ်သူများ၏ အရေအတွက်မှာ စောစောပိုင်းက ၁၄ ဦးဟု ကြေညာခဲ့သော်လည်း တွက်ချက်မှုမှားယွင်းခဲ့ခြင်းဖြစ်ပြီး ၁၂ ဦးသာဖြစ်သည်ဟု ဆိုသည်။ အဆိုပါ သင်္ဘောတွင် လိုက်ပါသွားသူ အများစုမှာ
အပျော်ခရီးထွက်ကြသည့် အသက် ၆၀ ကျော် လူကြီးပိုင်းများ ဖြစ်သည်။

အဆိုပါသင်္ဘော တိမ်းမှောက်မှုအတွက် လူဦးရေ ၆၀ ပါဝင်သည့် အဖွဲ့တစ်ခုက စုံစမ်းစစ်ဆေးမှုများကို ပြုလုပ်နေပြီး အထောက်အထားများ စုဆောင်းနေကာ သင်္ဘောကပ္ပတိန်အပါအ၀င် အသက်ရှင်ကျန်ရစ်ခဲ့သူ အများစုကို မေးမြန်းမှုများ ပြုလုပ်ခဲ့သည်ဟု တရုတ်အစိုးရက ပြီးခဲ့သည့် သီတင်းပတ်တွင် ထုတ်ပြန်ခဲ့သည်။

ရဲတပ်ဖွဲ့ကမူ ကပ္ပတိန်နှင့် အင်ဂျင်နီယာချုပ်တို့ကို စုံစမ်းစစ်ဆေးမှု တစ်စိတ်တစ်ပိုင်းအဖြစ် မေးမြန်းမှုများပြုလုပ်ရန် ထိန်းသိမ်းထားပြီး ကနဦးတွေ့ရှိချက်များအရ သင်္ဘောမှာ ၀န်များ အလွန်အကျွံတင်ခြင်း မရှိဘဲ သက်ကယ်အင်္ကျီများမှာလည်း လုံလုံလောက်လောက်ပါဝင်သည်ကို တွေ့ခဲ့ရသည်။

အဆိုပါသင်္ဘောကို ပိုင်ဆိုင်သည့် ကုမ္ပဏီကလည်း အဆိုပါဖြစ်ရပ်ဆိုးအတွက် တောင်းပန်ခဲ့ပြီး စုံးစမ်းစစ်ဆေးမှုအတွင်း အပြည့်အ၀ ပူးပေါင်းသွားမည်ဟု ပြောကြားခဲ့သည်။ အစိုးရကလည်း အဆိုပါ ကိစ္စတွင် ထိန်ချိန်မှုမလုပ်ဟု ကတိပြုထားသည်။

Ref: Channelnewsasia