၉ ကြိမ်မြောက်ဗိုလ်လုပွဲမှာ ငွေတံဆိပ်နဲ့သာ ကျေနပ်ခဲ့ရတဲ့ မြန်မာ

ဇွန် ၁၅၊ ၂၀၁၅
M-Media

ဆီးဂိမ်း ယူ-၂၄ အမျိုးသားဘောလုံးပြိုင်ပွဲ (နောက်ဆုံးဗိုလ်လုပွဲ)
မြန်မာ – ထိုင်း

၂၀၁၅ ဆီးဂိမ်း ယူ ၂၃ အမျိုးသားဘောလုံးပြိုင်ပွဲ နောက်ဆုံးဗိုလ်လုပွဲအဖြစ် မြန်မာအသင်းနဲ့ ထိုင်းအသင်းတို့ ယှဉ်ပြိုင်ကစားတဲ့ပွဲမှာတော့ မြန်မာအသင်းဟာ ဆီးမီးဖိုင်နယ် ဗီယက်နမ်နဲ့ပွဲက လူစာရင်းကို အနည်းငယ်အပြောင်းအလဲလုပ်ခဲ့ပြီး ထိုင်းကတော့ အင်ဒိုနဲ့ပွဲကအတိုင်း
ပွဲထွက်လာခဲ့ပါတယ်။

ပွဲစတယ်ဆိုတာနဲ့ ထိုင်းအသင်းက ဘောလုံးကို ကိုင်ကစားခဲ့ပြီး မြန်မာအသင်းကို ထိုးဖောက်ဖို့ ကြိုးစားလာကာ မြန်မာအသင်းကတော့ တန်ပြန်တိုက်စစ်ကနေသာ ထိုးဖောက်ခဲ့ရပါတယ်။

အပေးအယူအချိတ်အဆက်မိမိနဲ့ ကစားနိုင်တဲ့ ထိုင်းအသင်း ဂိုးဧရိယာထဲအထိဆွဲမ၀င်လာဘဲ အပြင်ဘက်နေကန်သွင်းဖို့ ကြိုးစားတာကြောင့် ကန်သွင်းချက် တော်တော်များများရခဲ့ပေမယ့် ဂိုးပေါက်တည့်ခြင်းတော့ မရှိပါဘူး။

မြန်မာအသင်းကလည်း တန်ပြန်တိုက်စစ်ကထွက်ပြီး တွဲလုံးနဲ့ ကစားမယ့် ကစားသမားတွေက နောက်ကျတာကြောင့် ရှိုင်းသူရ၊ ကောင်းဆက်နိုင်နဲ့ စည်သူအောင်ကို အဝေးကနေပဲ ဂိုးရဖို့ ကြိုးစားခဲ့ရပါတယ်။

အလွတ်တည်ကန်ဘောတွေကနေ ဂိုးရလေ့ရှိတဲ့ မြန်မာအသင်း ၂၄ မိနစ်မှာ ထောင့်ကန်ဘော ၂ လုံးလောက်ရခဲ့ပေမယ့် အသုံးမချနိုင်ခဲ့ပါဘူး။

ထိုင်းကစားသမားတွေက နည်းစနစ်ပိုင်းဆိုင်ရာမှာ တော်တော်ကောင်းခဲ့ပြီး နောက်ပိုင်းမှာ ပထမပိုင်း ပွဲပြီးကာနီးအပါအ၀င် ဂိုးဧရိယာအတွင်းထဲကနေ အပိုင်ဂိုးသွင်းခွင့် ၃ လုံးလောက် ရခဲ့ပေမယ့် မြန်မာဂိုးသမား ကျော်ဇင်ဖြိုး အကောင်းဆုံး ကာကွယ်နိုင်ခဲ့တာကြောင့် ပထမပိုင်းမှာတော့ ဂိုးမရှိ သရေနဲ့အဆုံးသတ်ခဲ့ပါတယ်။

ဒုတိယပိုင်းမှာလည်း ထိုင်းအသင်းကပဲ ပိုမိုထိုးဖောက်တိုက်စစ်ဆင်နိုင်ခဲ့ပြီး ၅၃ မိနစ်မှာ ထိုင်းတို့ ဦးဆောင်ဂိုးရခဲ့ပါတယ်။

ထောင့်ကန်ဘောကနေ ပြန်ထွက်လာတဲ့ဘောလုံးကို ထိုင်းဘက်က နံပါတ် ၁၇ က ပိတ်သွင်းနိုင်ခဲ့တာဖြစ်ပါတယ်။ ၆၁ မိနစ်နဲ့ ၆၃ မိနစ်မှာတော့ ထိုင်းက လူကျွံထောင်ချောက်ကို ဖောက်ထွက်ပြီး ဒုတိယဂိုးနဲ့ တတိယဂိုးတွေကို သွင်းယူနိုင်ခဲ့ပါတယ်။

ဦးဆောင်ဂိုးပေးလိုက်ရပြီးနောက် ချေပဂိုးရဖို့ ကြိုးစားလာတဲ့ မြန်မာဘောလုံးအသင်းရဲ့ တိုက်စစ်ဆင်မှုကြောင့် အားနည်းသွားတဲ့ ခံစစ်ဟာကွက်ကို ထိုင်းတို့ အကောင်းဆုံး အသုံးချနိုင်ခဲ့တာလည်း ဖြစ်ပါတယ်။

နောက်ပိုင်းမှာတော့ ထိုင်းက အနိုင်ဂိုးထိန်းခဲ့ပြီး မြန်မာအသင်းက တိုက်စစ်ဆင်မှုတစ်ချို့ ပြုလုပ်နိုင်ခဲ့ပေမယ့် အသင်းခေါင်းဆောင် နေလင်းထွန်း ကန်သွင်းတဲ့ ပြစ်ဒဏ်ဘောလောက်ပဲ ဂိုးရဖို့ နီးစပ်ခဲ့ပါတယ်။

ဂိုးသမားကျော်ဇင်ဖြိုးကတော့ ဒုတိယပိုင်းမှာလည်း ထိုင်းရဲ့ အပိုင်ဂိုးသွင်းခွင့်အချို့ကို အကောင်းဆုံး ကာကွယ်သွားနိုင်ခဲ့ပါတယ်။

ဆီးဂိမ်း (ယခင်ကျွန်းဆွယ်) သမိုင်းတစ်လျှောက် ၉ ကြိမ်မြောက်ဗိုလ်လုပွဲ တက်နိုင်ခဲ့တဲ့ မြန်မာအသင်းကတော့ ငွေတံဆိပ်နဲ့သာ ကျေနပ်ခဲ့ရပါတယ်။