မဟာဗျူဟာကျသည့်မြို့တစ်မြို့ကို IS ထံမှ ဆီးရီးယားကာ့ဒ်များ သိမ်းပိုက်

ဇွန် ၁၆၊ ၂၀၁၅
M-Media

– ဆီးရီးယားရှိ IS တပ်ဖွဲ့များ ခြေကုပ်ယူထားရာ အလ်-ရက်ကာပြည်နယ်၏ အဓိက ထောက်ပံ့ရေးလမ်းကြောင်းဖြစ်ပြီး မဟာဗျူဟာကျသည့် တဲလ်အဘ်ယဒ်မြို့ကို မိမိတို့က သိမ်းပိုက်လိုက်သည်ဟု ဆီးရီးယားရှိ ကာ့ဒ်တပ်ဖွဲ့က ပြောကြားလိုက်သည်။

“အခုဆိုရင် လုံးဝ ထိန်းချုပ်နိုင်ခဲ့ပါပြီ” ဟု ကာ့ဒ်ပြည်သူကာကွယ်ရေးတပ်ဖွဲ့ YPG မှ ပြောရေးဆိုခွင့်ရှိသူ ရီဒါရ် ဇီလီလ်က ယမန်နေ့တွင် ပြောကြားခဲ့သည်။ ကာ့ဒ်တပ်ဖွဲ့များမှာ တဲလ်အဘ်ယဒ်မြို့ကို သိမ်းပိုက်ရန်အတွက် အလျင်အမြန် ထိုးစစ်ဆင်မှုများ ပြုလုပ်ခဲ့ပြီး အမေရိကန်ဦးဆောင်သည့် မဟာမိတ်များကလည်း လေကြောင်းမှ ကူညီပစ်ခတ်ပေးခဲ့သည်။

တိုက်ပွဲများကြောင့် တဲလ်အဘ်ယဒ်မြို့မှ ပြည်သူ ၁၆၀၀၀ ကျော်မှာ တူရကီနိုင်ငံအတွင်းသို့ လွန်ခဲ့သည့် ၂ ပတ်အတွင်း ထွက်ပြေးတိမ်းရှောင်သွားခဲ့ရသည်။

“ကျွန်တော်တို့ဟာ IS အဖွဲ့ရဲ့ အကြမ်းဖက်ခြင်းကို ခံခဲ့ရပါတယ်။ အားလုံးက ဗုံးကြဲနေတာကြောင့် ကျွန်တော်တို့ ထွက်ပြေးခဲ့တာပါ။ ဘယ်တော့မှ ပြန်မသွားတော့ပါဘူး။ အဲဒီမှာ ခင်ဗျားဟာ သေသွားဖို့ တစ်နေ့ကို အကြိမ် ၁၀၀ လောက် နီးစပ်ပါတယ်” ဟု ဒုက္ခသည်တစ်ဦးက ပြောကြားခဲ့သည်။

တဲလ်အဘ်ယဒ်တွင် တိုက်ခိုက်မှုများ မြင့်တက်လာပြီး အန္တရာယ်များ များလာခြင်းကြောင့် ဆီးရီးယားဒုက္ခသည်များအတွက် နယ်စပ်ဂိတ်ကို ဖွင့်ပေးရန် တူရကီအာဏာပိုင်များက သဘောတူညီခဲ့သည်။ အဆိုပါမြို့အား သိမ်းပိုက်နိုက်ခြင်းက တူရကီနယ်စပ်မှ IS ၏ အဓိက ထောက်ပံ့ရေးလမ်းကြောင်းကို ဖြတ်တောက်နိုင်ခဲ့ခြင်းလည်း ဖြစ်သည်။

Ref: Aljazeera