မြန်မာအစိုးရ မီဒီယာများကို ခြိမ်းခြောက်နေသည်ဟု လူ့အခွင့်အရေးအဖွဲ့ပြော

ဇွန် ၁၇၊ ၂၀၁၅
M-Media

– ယခုနှစ်နှောင်းပိုင်းတွင် ပြုလုပ်ရန်ရှိနေသည့် ရွေးကောက်ပွဲမတိုင်ခင် မြန်မာအစိုးရမှာ ခြိမ်းခြောက်ခြင်း၊ အရှက်တကွဲဖြစ်စေခြင်းနှင့် ထောင်သွင်းအကျဉ်းချခြင်းတို့ကို အသုံးပြု၍ မီဒီယာများအား ခြိမ်းခြောက်နေသည်ဟု နိုင်ငံတကာလူ့အခွင့်အရေးအဖွဲ့တစ်ခုဖြစ်သော Amnesty International က ယနေ့တွင် ပြောကြားလိုက်သည်။

လန်ဒန်အခြေစိုက် အဆိုပါအဖွဲ့က မြန်မာအစိုးရမှာ လွတ်လပ်စွာဖော်ပြမှုကို ကန့်သတ်သည့် ဆောင်ရွက်မှုများအား ပြီးခဲ့သည့်နှစ်အတွင်း တိုးမြှင့်ပြုလုပ်လာခဲ့ပြီး လက်ရှိအချိန်တွင် ထောင်ထဲ၌ မီဒီယာသမား အနည်းဆုံး ၁၀ ဦးခန့်ရှိနေကာ ၎င်းတို့အားလုံးမှာ လွန်ခဲ့သည့် ၁၂ လအတွင်းတွင် ဖမ်ဆီးခံခဲ့ရခြင်းဖြစ်သည်ဟု ဆိုသည်။

ထိုကဲ့သို့ အရေးယူမှုများက စစ်အာဏာရှင်စနစ်မှ ဒီမိုကရေစီ ပြုပြင်ပြောင်းလဲမှုများကို ပြုလုပ်မည်ဟု ကတိပြုခဲ့သော အရပ်သားအစိုးရအား ရွေးကောက်တင်မြှောက်ခဲ့သည့် ၂၀၁၁ ခုနှစ် ဒီမိုကရက်တစ် အသွင်ပြောင်းမှု စတင်ကတည်းက လစ်ဘရယ်ကျမှုကို သွေဖီသည့် ဆောင်ရွက်ချက်များ ဖြစ်သည်ဟုလည်း ၂၂ မျက်နှာရှိသော ၎င်းတို့၏ အစီရင်ခံစာတွင် ထည့်သွင်းဖော်ပြထားသည်။

နိုင်ငံအား လွတ်လပ်သော ဈေးကွက်စီးပွားရေးစနစ်သို့ သွားရာတွင် မြန်မာနိုင်ငံမှာ အရေးပါသည့် ပြောင်းလဲမှုများကို ဆောင်ရွက်ခဲ့ပြီး နှစ်ပေါင်း ၂၀ ကျော်အတွင်း ပထမဆုံး ပါလီမန်လည်း ပေါ်ထွက်လာခဲ့သည်။ ထို့ပြင် ဆင်ဆာဖြတ်မှုကိုလည်း ဖျက်သိမ်းခဲ့ကာ အီလက်ထရောနစ်နှင့် ပုံနှိပ်မီဒီယာများကိုလည်း ယှဉ်ပြိုင်ခွင့်ပေးခဲ့သည်။ သို့သော်လည်း အစိုးရနေဖြင့် စော်ကားသည်ဟုတွေ့ရသော သတင်းဖော်ပြချက်များအတွက် ထုတ်လုပ်သူများနှင့် ဂျာနယ်လစ်များကို ရန်လိုစွာ တရားစွဲဆိုမှုများလည်း ရှိခဲ့သည်။

“ဂျာနယ်လစ်တွေကို နှုတ်ပိတ်ဖို့ အာဏာပိုင်တွေဟာ အရင်နည်းလမ်းဟောင်းတွေဖြစ်တဲ့ ဖမ်းဆီးတာ၊ ထောက်လှမ်းတာ၊ ခြိမ်းခြောက်တာနဲ့ ထောင်ချတာတွေကို မှီခိုနေတုန်းပါပဲ” ဟု အရှေ့တောင်အာရှ သုတေသနဒါရိုက်တာဖြစ်သူ ရူပါ့တ် အက်ဘော့၏ ပြောကြားမှုကို အစီရင်ခံစာတွင် ရေးသားထားသည်။

ပြန်ကြားရေးဝန်ကြီးဖြစ်ပြီး သမ္မတ၏ ပြောရေးဆိုခွင့်ရှိသူ ဦးရဲထွဋ်က Amnesty ၏ ဝေဖန်မှုကို ငြင်းဆန်ခဲ့သည်။

“နိုင်ငံတကာအဖွဲ့အစည်းတွေကထုတ်တဲ့ ဒီလိုအစီရင်ခံစာမျိုးကို ကျွန်တော်တို့က များသောအားဖြင့် အာရုံမစိုက်ပါဘူး။ဘာ့ကြောင့်လည်းဆိုတော့ သူတို့က လွတ်လပ်စွာဖော်ပြမှု တစ်ခုတည်းကိုပဲ အသားပေးလို့ပါ” ဟု ၎င်းက ပြောကြားခဲ့သည်။

ထိုပြင် မြန်မာနိုင်ငံမှာ ဒီမိုကရေစီအသွင်ပြောင်းမှုကို လုပ်ဆောင်နေဆဲ ဖြစ်သည့်အတွက်ကြောင့် လွတ်လပ်မှုမှာ တိုင်းပြည်၏ နုနယ်သည့် လူမှုရေးနှင့် နိုင်ငံရေးအကြောင်းအရာများ၊ တာဝန်ခံမှုနှင့် မီဒီယာကျင့်ဝတ် လိုက်နာမှုများအပေါ် အခြေခံသည်ဟု ဦးရဲထွဋ်က ထည့်သွင်းပြောကြားခဲ့သည်။

Amnesty မှာ အဆိုပါ အစီရင်ခံစာတွင် ရာဇ၀တ်မှုစွဲချက်နှင့် မပြတ်မသားဖြစ်နေသော ဥပဒေများဖြင့် ၂၀၁၄ ခုနှစ်အတွင်း ထောင်ဒဏ် ၂ နှစ်မှ ၇ နှစ် ချမှတ်ခံခဲ့ရသော ဂျာနယ်လစ်အနည်းဆုံး ၁၀ ဦး ကိစ္စ၊ စစ်တပ်၏ ထိန်းသိမ်းထားမှုအတွင်း အသတ်ခံခဲ့ရသော ဂျာနစ်လစ်တစ်ဦး၏ ကိစ္စတို့ကိုလည်း ထည့်သွင်းဖော်ပြခဲ့သည်။

ထို့ပြင် အာဏာပိုင်များနေဖြင့် မီဒီယာများအား အချိန်ကြာမြင့်ပြီး ငွေကုန်ကြေးကျများသော တရားဥပဒေဆိုင်ရာ လုပ်ငန်းစဉ်များသို့ ဆွဲခေါ်ခြင်း၊ သို့မဟုတ် မီဒီယာတစ်ခုလုံး ပိတ်ပစ်ရသည့်အထိ ဖြစ်ပွားအောင် အကြောင်းအရာတစ်ခုအတွက် ထိုမီဒီယာမှ လူအများအပြားကို တရားဆွဲဆိုကာ စုပေါင်း အပြစ်ပေးခြင်းတို့ကို ဆောင်ရွက်သည်ဟုလည်း အဆိုပါ အစီရင်ခံစာတွင် ဖော်ပြထားသည်။

Ref: AP