ပါလက်စတိုင်းတို့၏ အမှတ်အသား ကာတွန်းရုပ်ပုံကို ဂျာမနီက တံဆိပ်ခေါင်းတွင် ရိုက်နှိပ်ဖြန့်ချီ

ဇွန် ၁၈၊ ၂၀၁၅
M-Media

– ၁၉၇၀ ပြည့်နှစ်များက ပါလက်စတိုင်း၏ အမှတ်သညာနှင့် ခုခံကာကွယ်ရေးလှုပ်ရှားမှုများ၏ ထင်ရှားသည့်အမှတ်သားဖြစ်ခဲ့သော Handala ကာတွန်းရုပ်ပုံအား ဂျာမနီက တံဆိပ်ခေါင်းများတွင် ရိုက်နှိပ်ကာ ထုတ်ဝေဖြန့်ချီလိုက်သည်ဟု သိသည်။

အစ္စရေး၏ တိုက်ခိုက်မှုကြောင့် မိဘမဲ့ဖြစ်သွားသော ကလေးငယ်တစ်ဦး၏ ပုံကို ရေးဆွဲထားသည့် အဆိုပါကာတွန်းမှာ ပါလက်စတိုင်း နာမည်ကြီးကာတွန်းဆရာ နာဂျီ အလ်-အလီ၏ လက်ရာဖြစ်ပြီး ပါလက်စတိုင်းပြည်သူများ၏ မနှစ်မြို့စရာကောင်းသည့် အခြေအနေများနှင့်ပတ်သက်၍ ကမ္ဘာကြီးက သတိမူမိစေရန် ဂျာမနီစာတိုက်ကြီး Deutsche post က တံဆိပ်ခေါင်းအဖြစ် ရိုက်နှိပ် ထုတ်ဝေခဲ့ခြင်းဖြစ်သည်။

တံဆိပ်ခေါင်းရောင်းချမှုမှ ရရှိသည့် အကျိုးအမြတ်ငွေများဖြင့် ဂျာမနီအစိုးရက ပါလက်စတိုင်း ဘီအစ်ဆာဟိုရ်မြို့ရှိ ဆေးရုံတစ်ရုံတွင် ကိရိယာတန်ဆာပလာများ တပ်ဆင်ပေးသွားမည်ဟု ပါလက်စတိုင်း ရုပ်သံ Paltoday.tv က အင်္ဂါနေ့တွင် ဖော်ပြခဲ့သည်။

Handala မှာ အသက် ၁၀ နှစ်အရွယ် ပါလက်စတိုင်းကလေးငယ်ကို အသွင်ယူရေးဆွဲထားခြင်းဖြစ်ပြီး လက်နှစ်ဖက်ကို နောက်ပစ်၍ ကျောပေးရပ်နေသည့် ပုံစံဖြစ်သည်။ အဆိုပါပုံစံမှာ ပါလက်စတိုင်းများအပေါ် အစ္စရေး၏ ရက်စက်ကြမ်းကြုတ်မှုများကို ဆန့်ကျင်သည့် သတင်းစကားပေးသော အမှတ်အသားလည်းဖြစ်သည်။

“Handala ဟာ အသက် ၁၀ နှစ်ပဲ ရှိအုံးမှာပါ။ အဲဒီနောက်မှာ သူကြီးလာမှာပါ။ သဘာဝတရားရဲ့ နိယာမတွေက သူ့ကို ပျော်ရွှင်အောင် မလုပ်နိုင်ပါဘူး။ သူဟာ ထူးခြားပါတယ်။ အမိမြေ ပြန်ရတဲ့အခါ အရာရာတိုင်းဟာ ပုံမှန်ပြန်ဖြစ်လာပါလိမ့်မယ်” ဟု Handala ၏ တရားဝင်ဝဘ်ဆိုက်တွင် လွှင့်တင်ထားသော ကာတွန်းဆရာအလီ၏ ကြေညာချက်တွင် ဖော်ပြထားသည်။

Handala ကာတွန်းရုပ်ကလေးမှာ စုတ်ပြဲနေသော အင်္ကျီကို ၀တ်ဆင်ထားပြီး ခြေထောက်တွင်လည်း ဖိနပ်မပါ ဗလာဖြစ်နေကာ ဆင်းရဲချို့တဲ့ကြသည့် ပါလက်စတိုင်း ဒုက္ခသည်ကလေးငယ်များနှင့် တစ်သားတည်းရှိနေကြာင်း ပြသခြင်းလည်း ဖြစ်သည်။

ဂျာမနီ ဆေးဘက်ဆိုင်ရာ ပရဟိတအဖွဲ့တစ်ခုမှ ကိုယ်စားလှယ်အဖွဲ့မှာ ဘီအစ် ဆာဟိုရ်ရှိ ပစ္စည်းကိရိယာ ဆိုးဆိုးဝါးဝါး ချို့တဲ့နေသော Ahmad Maslamani ဆေးရုံသို့ သွားရောက်လည်ပတ်ပြီးနောက်ပိုင်း ထိုကဲ့သို့ လှုပ်ရှားမှုပြုလုပ်ရန် ဆုံးဖြတ်ခဲ့ခြင်းဖြစ်သည်။

သွားရောက်လည်ပတ်စဉ်အတွင်း အလီ၏ အဆိုပါကာတွန်းအား ဆေးရုံ၏နံရံတွင် ရေးဆွဲထားသည်ကို တွေ့ရှိခဲ့ရပြီးနောက် ကိုယ်စားလှယ်အဖွဲ့မှာ စိတ်ဝင်စားခဲ့ပြီး ပြင်သစ်သို့ ပြန်လည်ရောက်ရှိသည့်အခါတွင် ပါလက်စတိုင်းတို့၏ ဒုက္ခများကို ဂျာမနီ၏ စာတိုက်စနစ်မှတစ်ဆင့် အသိပေးရန် စီစဉ်ခဲ့ခြင်းဖြစ်သည်။

Ahmad Maslamani ဆေးရုံမှ တာဝန်ရှိသူတစ်ဦးကမူ ဂျာမနီ၏ ထိုဆောင်ရွက်ချက်ကို ချီးကျူးခဲ့ပြီး ဆေးရုံတွင် ဆေးဝါးများနှင့် ပစ္စည်းကိရိယာများ လိုအပ်နေဆဲဟု ထည့်သွင်းပြောကြားခဲ့သည်။

Handala ကာတွန်းကို ရေးဆွဲခဲ့သည့် အလီမှာ အစ္စရေးနှင့် ဆော်ဒီတို့ကို ပြင်းပြင်းထန်ထန် ဝေဖန်သူဖြစ်ပြီး ၁၉၈၇ ခုနှစ်တွင် လန်ဒန်၌ လုပ်ကြံခြင်း ခံခဲ့ရသည်။

Ref: PressTV