အစ္စရေးရှိ ခရစ်ယာန်ဘုရားကျောင်းကို ဂျူးလူရမ်းကားများ မီးရှို့

ဇွန် ၁၉၊ ၂၀၁၅
M-Media

“မှားယွင်းသော ရုပ်ထုကိုးကွယ်မှုများကို ဖျက်ဆီးပစ်ရမည်” ဟု ဟီဘရူးဘာသာစကားဖြင့် ဘုရားကျောင်းနံရံတွင် ရေးသားထားစဉ်

– ယေရူခရစ် တန်ခိုးပြရာနေရာဟု ခရစ်ယာန်ဘာသာဝင်များက ယုံကြည်ကြသော အစ္စရေးတောင်ပိုင်း နေရာတစ်ခုတွင် အမှတ်အသားပြု၍ ဆောက်လုပ်ထားသည့် ခရစ်ယာန်ဘုရားကျောင်းကို လူရမ်းကားတစ်စုက ယမန်နေ့တွင် မီးရှို့ခဲ့ကြပြီး ရဲတပ်ဖွဲ့က
အမုန်းတရားကြောင့် ဖြစ်ပေါ်သည့် ရာဇ၀တ်မှုအဖြစ် စုံစမ်းမှုများ ပြုလုပ်နေသည်။

Church of the Multiplication of the Loaves and the Fishes အမည်ရသည့် ဘုရားကျောင်းဖြစ်ပြီး ထိုနေရာတွင် ပေါင်မုန့်ငါးလုံး၊ ငါးနှစ်ကောင်ဖြင့် လူပေါင်း ၅၀၀၀ ကို ကျွေးမွေးနိုင်ရန် ယေရှုခရစ်က တန်ခိုးဖြင့် ပြောင်းလဲပေးခဲ့သည်ဟု ခရစ်ယာန်ကျမ်းစာများ၌ ဖော်ပြထားသည်။

ဂျူးလူရမ်းကားများ၏ မီးရှို့မှုကြောင့် ဘုရားကျောင်း၏ စတိုခန်းနှင့် ရုံးခန်းအချို့မှာ ဆိုးဝါးစွာ ပျက်ဆီးခဲ့ရပြီး ၀တ်ပြုဆုတောင်းသည့် အခန်းတစ်ခုမှာလည်း အနည်းငယ် ပျက်ဆီးခဲ့သည်။ သို့သော်လည်း ရှေးဟောင်းအနုပညာလက်ရာများနှင့် အဓိက အထွဋ်အမြတ်ထားရာ နေရာတို့မှာ ထိခိုက်ခဲ့ခြင်း မရှိချေ။

မီးရှို့မှုအတွက် ထိုနေရာအနီးတစ်ဝိုက်တွင် နေထိုင်သည့် အရွယ်မရောက်သေးသော ဂျူးလူငယ် ၁၆ ဦးကို ရဲတပ်ဖွဲ့က ခေါ်ယူမေးမြန်းခဲ့ပြီး နောက်ပိုင်းတွင် ပြန်လွှတ်ပေးခဲ့သည်။

အစ္စရေးရဲတပ်ဖွဲ့မှ ပြောရေးဆိုခွင့်ရှိသူ မစ်ကီ ရိုဆန်ဖဲလ်ဒ်ကမူ အဆိုပါမီးရှို့မှုမှာ ယခင်က ဘုန်းကြီးကျောင်းများ၊ ဘုရားကျောင်းများ၊ ဗလီများနှင့် သုဿန်များကို ပစ်မှတ်ထားဖျက်ဆီးကြသည့် ဂျူးအစွန်းရောက်များ၏ လုပ်ရပ်များနှင့် ဆင်တူနေသည်ဟု ပြောကြားခဲ့သည်။ထိုဘုရားကျောင်း၏ နံရံ၌လည်း “မှားယွင်းသော ရုပ်ထုကိုးကွယ်မှုများကို ဖျက်ဆီးပစ်ရမည်” ဟု အဓိပ္ပါယ်ရသည့် ဂျူးဆုတောင်းစာမှ စာကြောင်းတစ်ကြောင်းကို လူရမ်းကာများက ဟီဘရူးဘာသာစကားဖြင့် ဂရပ်ဖစ်တီ ရေးသားခဲ့သည်။

ပါလက်စတိုင်းပိုင် အနောက်ဘက်ကမ်းတွင် အစ္စရေးက ကျူးကျော်ဆောက်လုပ်သည့် တရားမ၀င် ဂျူးအခြေချအိမ်ရာများအား ပါလက်စတိုင်းများနှင့် အစ္စရေးအာဏာပိုင်များက ကန့်ကွက်မှုအတွက် ဂျူးအစွန်းရောက်များက ခရစ်ယာန်ဘုရားကျောင်းများနှင့် ဗလီများကို ထိုကဲ့သို့ တိုက်ခိုက်မှုများ စတင်ပြုလုပ်ခဲ့ခြင်းဖြစ်ပြီး ယခုအချိန်တွင် အစ္စရေးနိုင်ငံတစ်ဝှမ်း ပြန့်နှံခဲ့ပြီ ဖြစ်သည်။

ထိုကဲ့သို့ အမုန်းတရားကို အခြေခံသော တိုက်ခိုက်မှုများကို အကြမ်းဖက်ဝါဒအဖြစ် သတ်မှတ်ရန်အတွက် အစ္စရေးတွင် ဆွေးနွေးငြင်းခုံမှုများလည်း ရှိနေသည်။

“ဒီဘုရားကျောင်းကို တုန်လှုပ်ဖွယ် မီးရှို့မှုဟာ ကျွန်တော်တို့အားလုံးကို နာကျင်စေပါတယ်” ဟု အစ္စရေးဝန်ကြီးချုပ် နေတန်ယာဟုက ပြောကြားခဲ့ပြီး စက်ဆုပ်ဖွယ်ကောင်းသည့် အဆိုပါ လုပ်ရပ်အတွက် တာဝန်ရှိသူကို တရားဥပဒေရှေ့မှောက်သို့ ခေါ်ဆောင်လာမည်ဟု ယမန်နေ့တွင် ကတိပြုခဲ့သည်။

Ref: Washingtonpost