မဟာပညာရှိ ဂျာရစ်နှင့် အမေးအဖြေ (၆)

ဇွန် ၂၀ ၊ ၂၀၁၅
M-Media

မေး။    ။ ဦးဦးရေ ၂၀၁၅ ရွေးကောက်ပွဲကြီးလဲ နီးလာပြီနော်။ မြန်မာနိုင်ငံမသန်စွမ်းသူများထဲကမှ အရည်အချင်းရှိ သူတွေရှိနေတာမို့ ရွေးကောက်ပွဲကို ဝင်ရောက် ယှဉ်ပြိုင်နိုင်တယ်လို့ ကြားရတယ်။ အဲဒါတကယ်ပဲလား ဦးဂျာရစ်ရယ်။
မီးငယ်လေး (တွံတေး)

ဖြေ။    ။ မှန်တာပေါ့ မီးငယ်လေးရယ်။ နိုင်ငံရဲ့ခေါင်းဆောင်ကောင်း တစ်ဦးဆိုတာ နိုင်ငံရေးအသိပညာ၊ အတတ်ပညာတွေပြည့်ဝနေဖို့ရယ်၊ ကိုယ့်ကျိုးကိုမကြည့်၊ အများပြည်သူ အကျိုးကိုကြည့်နိုင်တဲ့ ခေါင်းဆောင် အရည်အချင်းတွေပြည့်ဝနေမယ် ဆိုရင် ဝင်ရောက် ရွေးချယ်ခံသင့်ပါတယ်။ မသန်စွမ်းသူတွေမှာလဲ မသန်ပေမယ့် အစွမ်းအစတွေ များစွာရှိကြပါတယ်။

မေး။    ။ ဘုရားကျောင်းကန်၊ စေတီ၊ ပုထိုးနဲ့ ယဉ်ကျေးမှု အမွေအနှစ်တွေကို လေ့လာကြည့်ရှုဖို့ စီစဉ်ထားတဲ့ နေရာတွေ အတော်များများမှာ ရေအိမ်တွေ သန့်ရှင်းမှု မရှိတာကြောင့် နိုင်ငံခြားသား ဧည့်သည်တွေရဲ့နှာခေါင်းရှုံ့တာခံရတယ်ကွာ။ အဲဒီလိုကိစ္စတွေ မဖြစ်သင့်ဘူးထင်တယ်။ နိုင်ငံတော်ရဲ့ဂုဏ်သိက္ခာ ထိခိုက်တာပေါ့ကွာ။
အဘထူး (ကံမ)
ဖြေ။    ။ ဟုတ်ပေသပေါ့ အဘရယ်။ မြန်မာတို့ရဲ့အထွတ်အမြတ် အထင်ကရနေရာတွေမှာ ကျန်းမာရေးအတွက် အဓိက လိုအပ်တဲ့ ရေအိမ်တွေ လုံလောက်အောင်ထားရှိ မပေးနိုင်တာရယ်၊ သန့်ရှင်းမှုအတွက် ဝန်ဆောင်မှု အားနည်းတာတွေကို သာသနာရေးရာ ဒု-ဝန်ကြီး ဒေါက်တာမောင်မောင်ဌေးက ဇွန်လ (၅) ရက်နေ့ကကျင်းပသည့် အစည်းအဝေးမှာ ပြောကြားတယ်လို့ သိရပါတယ်။ သာသနာရေးရာ ဝန်ကြီးဌာနအနေနဲ့တော့ သက်ဆိုင်ရာ ဂေါပကအဖွဲ့တွေကို တွန်းအားပေး ဆောင်ရွက်မယ်လို့လည်း ဆိုပါတယ်။ အဘရေ စိတ်အေးအေးလေးထား နည်းနည်းလေးမှ စိတ်မပူနဲ့ ပူနဲ့နော်ဗျ။

မေး။    ။ ဦးဂျာရစ်ရေ ဗကသကျောင်းသူ မပိုပိုက “ဒီကိစ္စမှာကျွန်မတို့က မတရားလုပ်တာ မဟုတ်ဘူး။ မတရားခံရတာ၊ အဲဒီအတွက်ကြောင့် ဒူးထောက်ပြီး အာမခံလျောက်မှာ မဟုတ်ဘူး” လို့ ရဲရဲရင့်ရင့်ပြောသွားတာ ဂုဏ်ယူစရာပဲနော်။
မီးချစ် (ရေကြည်)
ဖြေ။    ။ ဒါပေါ့ကွယ်။ သူရဲကောင်းဆိုတာ လက်ရုံးရည်ထက် နှလုံးရည်က ပိုအရေးကြီးတယ်။ ဖြူဖြူကျော်သိန်းဆိုတဲ့ ဟိုသီချင်းလိုပေါ့။ “ပတ္တမြားမှန်ရင် ဘယ်နွံမှာနှစ်မလဲ မညစ်ဘူးဟေ့” ဆိုပဲ ဆိုပဲ၊ မျိူးချစ်စိတ်ဆိုတာ ကိုယ့်အမျိုးကိုကိုယ်ချစ်ဖို့ မဟုတ်ဘူး။ တိုင်းပြည်နဲ့ လူမျိုးကိုချစ်ဖို့။