ကမ္ဘာ့ဒုက္ခသည်ပြဿနာ အတွက် နိုင်ငံတကာ အသိုင်းအ၀ိုင်းကို ဂျိုလီဝေဖန်

ဇွန် ၂၁၊ ၂၀၁၅
M-Media

– ကမ္ဘာတစ်ဝှမ်း တစ်ရှိန်ထိုး ထိုးတက်လာသည့် ဒုက္ခသည်ပြဿနာကို ဟောလီးဝုဒ်မင်းသမီး အိန်ဂျလီနာဂျိုလီက ‘လူသားများ၏ ထိခိုက်ခံစားမှု ပေါက်ကွဲထွက်လာခြင်း’ ဟု ကင်ပွန်းတပ်ခဲ့ပြီး နိုင်ငံတကာအသိုင်းအ၀ိုင်းက ထိုပြဿနာကို ရင်ဆိုင်ရန် ငြင်းဆန်မှုက ယခုကဲ့သို့ ကြီးထွားလာရခြင်းဖြစ်သည်ဟု ပြစ်တင်ဝေဖန်ခဲ့သည်။

ကုလသမဂ္ဂ၏ ဒုက္ခသည်များဆိုင်ရာ အထူးသံတမန်ဖြစ်သူ ဂျိုလီမှာ စစ်ပွဲများကြောင့် အိုးအိမ်စွန့်ခွာ ထွက်ပြေးလာခဲ့ရသည့် ဆီးရီးယားနှင့် အီရတ်မှ ဒုက္ခသည်များ ခိုလှုံရာ တူရကီနိုင်ငံ အရှေ့တောင်ပိုင်းရှိ ဒုက္ခသည်စခန်းသို့ ကမ္ဘာ့ဒုက္ခသည်များနေ့ဖြစ်သော ယမန်နေ့က
သွားရောက်ခဲ့ပြီးနောက် ပြုလုပ်ခဲ့သော သတင်းစာရှင်းလင်းပွဲတွင် ယခုကဲ့သို့ပြောကြားခဲ့ခြင်းဖြစ်သည်။

ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးမှ ပြီးခဲ့သည့်သီတင်းပတ်က ထုတ်ပြန်ခဲ့သော အစီရင်ခံစာတွင် ကမ္ဘာတစ်ဝှမ်း ဒုက္ခသည်အရေအတွက်မှာ ၅၉.၅သန်း ရှိလာခဲ့ပြီး သမိုင်းတစ်လျှောက် အမြင့်ဆုံးသို့ ရောက်ရှိလာခဲ့သည်ဟု ဖော်ပြခဲ့သည်။

“လူသားတွေရဲ့ ထိခိုက်ခံစားရမှုနဲ့ အိုးအိမ်စွန့်ခွာထွက်ပြေးရမှုဟာ ဘယ်တုန်းကမှ မမြင်ခဲ့ရတဲ့အဆင့်အထိ ပေါက်ကွဲထွက်လာပါတယ်။ သာဓကတစ်ခု ထုတ်ပြဖို့တောင် ခက်ခဲပါတယ်။ နိုင်ငံတကာအသိုင်းအ၀ိုင်းတစ်ခုအနေနဲ့ ကျွန်မတို့ဟာ ဒုက္ခသည်တွေစီးဆင်းလာမှုရဲ့
ရင်းမြစ်အကြောင်းတရားတွေကို ပြတ်ပြတ်သားသား ဖြေရှင်းရပါတော့မယ်” ဟု အိန်ဂျလီနာဂျိုလီက ပြောကြားခဲ့သည်။

ဂျိုလီနှင့် ကုလသမဂ္ဂ ဒုက္ခသည်မျာဆိုင်ရာ မဟာမင်းကြီး အန်တိုနီယို ဂူတာရက်စ်တို့မှာ တူရကီသမ္မတ တိုင်ယစ် အာဒိုဂန်နှင့်လည်း တူရကီနယ်စပ်မြို့ မစ်ဒ်ယက်တွင် တွေ့ဆုံခဲ့ပြီး၊ ထိုမြို့အနီးရှိ ဒုက္ခသည်စခန်းတွင် ပြလုပ်ခဲ့သည့် ရမ်ဇာန်စုပေါင်းဝါဖြေပွဲကို တက်ရောက်ခဲ့ကာ ဒုက္ခသည်များကိုလည်း သွားရောက်ကြည့်ရှုခဲ့သည်။

တူရကီရှိ ဒုက္ခသည်စခန်းများသို့ ဂျိုလီ သွားရောက်ကြည့်ရှုမှာ ဆီးရီးယားစစ်ပွဲစတင်သည့် ၂၀၁၁ ခုနှစ်နောက်ပိုင်း တတိယအကြိမ်မြောက်လည်း ဖြစ်သည်။

တူရကီမှာ ဆီးရီးယားမှ စစ်ကြောင့် ထွက်ပြေးလာရသည့် ယာဇီဒီများ၊ ရိုဇိုအက်စတာဘာသာဝင်များ၊ ခရစ်ယာန်နှင့် အစ္စလာမ်ဘာသာဝင်များအပါအ၀င် စုစုပေါင်း ဒုက္ခသည် ၁.၈ သန်းကို လက်ခံထားရသည်။

Ref: Reuters