မလေးရှားရှိ မွတ်စလင်မဟုတ်သူများ ရမ်ဇာန်၏ ပျော်ရွှင်မှုများကို မျှဝေ

ဇွန် ၂၃၊ ၂၀၁၅
M-Media

– ဘာသာတရား ကွဲပြားခြားနားမှုကို ဘေးဖယ်ကာ ရမ်ဇာန်ဥပုသ်လ၏ အနှစ်သာရကို အားပေးလျက် မလေးရှားရှိ အစ္စလာမ်ဘာသာဝင်မဟုတ်သူများမှာ ရမ်ဇာန်အတွင်း မွတ်စလင်တို့၏ အစ်ဖ်သာရ် (၀ါဖြေပွဲ) တွင် ပါဝင်လိုသည့် ဆန္ဒများနှင့် ပျော်ရွှင်မှုများကို ဖော်ပြကြသည်။

“ဟင်းလျာအများအပြားကို တွေ့ရတာဟာ ဥပုသ်လမှာပါပဲ။ အထူးသဖြင့် အမြဲတမ်းပြင်ဆင်လေ့မရှိတဲ့ ဟင်းလျာတွေပေါ့။ ဒါမျိုးတွေကို (အရင်လတွေမှာ) နေ့တိုင်း စားလို့မရတာကြောင့် ဒီအစားအသောက်တွေအားလုံးကို မြည်းစမ်းကြည့်ဖို့ ကျွန်တော် စိတ်လှုပ်ရှားပါတယ်” ဟု အသက် ၂၉ နှစ်အရွယ် ဂျီအန် ယိုရာ မာဟင်က Bernama သတင်းအေဂျင်စီသို့ ယမန်နေ့တွင် ပြောကြားခဲ့သည်။

အစ္စလာမ့်ပြက္ခဒိန်တွင် အမြင့်မြတ်ဆုံးလဖြစ်သည့် ရမ်ဇာန်ဥပုသ်လမှာ မလေးရှားတွင် ဇွန်လ ၁၈ ရက်နေ့က စတင်ခဲ့သည်။

ရမ်ဇာန်ဥပုသ်လတွင် ကျန်းမာရေးချို့တဲ့သူများ၊ ခရီးသွားသူများမှလွဲ၍ အစ္စလာမ်ဘာသာဝင် အမျိုးသား၊ အမျိုးသမီးတိုင်း ဥပုသ်သီလဆောက်တည်ရန်မှာ မလုပ်မနေရ တာဝန်ဖြစ်သည်။

မလေးရှားတွင် အစ္စလာမ်ဘာသာဝင်မဟုတ်သူများမှာ ဟိုတယ်များ၊ စားသောက်ဆိုင်များတွင် ၀ါဖြေပွဲများတွင် ပါဝင်ခြင်းဖြင့် အစ္စလာမ်သာသာဝင်များနှင့် နီးကပ်ခွင့်ရရှိလေသည်။

“ရမ်ဇာန်မှာ ကျွန်မ ဥပုသ်မစောင့်ပါဘူး။ ဒါပေမယ့် ကျွန်မရဲ့ မွတ်စလင်လုပ်ဖော်ကိုင်ဖက်တွေနဲ့အတူ ၀ါဖြေရတာကိုတော့ နှစ်သက်ပါတယ်” ဟု အသက် ၂၄ နှစ်အရွယ် ရေချယ် ဘက်စ်နာယာကီက ပြောကြားခဲ့သည်။

ထို့ပြင် ရမ်ဇာန်ညဈေးရှိ ဆိုင်များ၌ ရောင်းချသည့် tuhau နှင့် jeruk bambangan စသည့် အစားအသောက်များက သူမကြိုက်နှစ်သက်သည့် အစားအစာများထဲတွင် ပါဝင်သည်ဟု ၎င်းက ထပ်လောင်းပြောကြားခဲ့သည်။

အသက် ၃၄ နှစ်အရွယ် ရှိပြီဖြစ်သည့် စတီဗင်လွီကလည်း တူညီသော သဘောထားကို ဖွင့်ဟခဲ့သည်။

“အစားသောက်တွေကို ကျွန်တော်နှစ်သက်ပါတယ်။ များသောအားဖြင့် ဥပုသ်လမှာပေါ့။ အစားအသောက်အားလုံးကို စားမှာပါ” ဟု ၎င်းက ပြောကြားခဲ့သည်။

ရမ်ဇာန်လမြတ်မှာ ၀တ်ပြုဆုတောင်းမှုများကို များမြောင်စွာ လုပ်ဆောင်ရသည့် လလည်းဖြစ်ပြီး မွတ်စလင်များက အလ္လာဟ်အရှင်မြတ်နှင့် ပိုမိုနီးကပ်စေရန် ၀တ်ပြုဆုတောင်းမှုများကို အချိန်ပေး၍ ပိုမိုလုပ်ဆောင်ကြသည်။

ပုံမှန် တစ်နေ့ငါးကြိမ် ၀တ်ပြုမှုအပြင် မွတ်စလင်များမှာ ညဥ့်ဦးယံဝတ်ပြုမှုပြီးနောက် အထူးဝတ်ပြုမှုဖြစ်သည့် သာရာဝီဆွလားသ်ကိုလည်း ယခုလတစ်လလုံး ၀တ်ပြုဆောက်တည်ကြသည်။

ထို့ပြင် မွတ်စလင်အများစုမှာ ယခုလတွင် ကုရ်အာန်ကျမ်းတော်မြတ် တစ်အုပ်လုံးကိုသော် လည်းကောင်း၊ အများစုကိုသော် လည်းကောင်း ရွတ်ဖတ်သရဇ္ဈာယ်လေ့ ရှိကြသည်။

မလေးရှားနိုင်ငံ၏ ၂၆ သန်းသော လူဦးရေတွင် ၆၀ ရာခိုင်နှုန်းမှာ အစ္စလာမ်ဘာသာကို သက်ဝင်ယုံကြည်ကြသူများဖြစ်ပြီး ခရစ်ယာန်ဘာသာဝင်မှာ ၉.၁ ရာခိုင်နှုန်းရှိသည်။

ဗုဒ္ဓဘာသာဝင်များမှာ ၁၉.၂ ရာခိုင်နှုန်းရှိပြီး၊ ဟိန္ဒိူကမူ ၆.၃ ရာခိုင်နှုန်းရှိကာ တရုတ်းရိုးရာ နတ်ကိုးကွယ်မှုများလည်း အများအပြား ရှိနေသည်။

Ref: Onislam