နေးမာမရှိမှ ဘရာဇီးလ်ပိုကောင်းလာဟု ဖာမီနိုပြော

ဇွန် ၂၄၊ ၂၀၁၅
M-Media

– အားထားရသည့်တိုက်စစ်မှူး နေးမာ မပါဝင်သော်လည်း မိမိတို့အသင်းမှာ ပိုကောင်းလာသည်ဟု ဘရာဇီးလ်တိုက်စစ်မှူး ဖာမီနိုက ပြောကြားလိုက်သည်။

နေးမာမှာ အုပ်စုဒုတိယပွဲ ကိုလံဘီယာအား ရှုံးနိမ့်ခဲသည့်ပွဲတွင် ပွဲအပြီးအပြုအမူကြောင့် ၄ ပွဲပယ်ပြစ်ဒဏ် ချမှတ်ခံခဲ့ရသည်။ သို့သော်လည်း ဘရာဇီးလ်အသင်းမှာ အုပ်စုနောက်ဆုံးပွဲတွင် ဗင်နီဇွဲလားအား အနိုင်ရရှိခဲ့ပြီး အုပ်စုဗိုလ်ဖြင့် ကွာတားဖိုင်နယ်သို့ တက်ရောက်သွားခဲ့ကာ ပါရာဂွေးနှင့် တွေ့ဆုံရမည်ဖြစ်သည်။

ဖာမီနိုကမူ မိမိတို့အသင်းမှာ နေးမာမပါဝင်သော်လည်း ပိုပြီး တိုးတက်လာသည်ဟု ဆိုသည်။

“သူပွဲပယ်ခံရပြီး၊ ပါဝင်ခွင့်မရတော့တဲ့အတွက်ကြောင့် ကျွန်တော်တို့ တကယ် စိတ်မကောင်းဖြစ်ရပါတယ်။ ဒါပေမယ့် ဘရာဇီးလ်အသင်းဟာ ပိုပိုကောင်းလာပြီး ကိုပါအမေရိကမှာ အောင်မြင်မှုတွေ ရရှိနိုင်မှာပါ။ ရှုံးထွက်ပွဲတွေကတော့ အဓိကပွဲတွေ ဖြစ်ပါလိမ့်မယ်။ လွယ်တော့လွယ်မှာမဟုတ်ပါဘူး။ တောင်အမေရိက အသင်းအားလုံးဟာ ပြင်းပြင်းထန်ထန်
ကြိုးစားနေကြပါတယ်။ ဒါပေမယ့် ကျွန်တော်တို့ရဲ့လူစာရင်းကတော့ တောင့်တင်းပြီးရင်း တောင့်တင်းနေတာပါပဲ” ဟု ဖာမီနိုက သတင်းထောက်များအား ပြောကြားခဲ့သည်။

ဗင်နီဇွဲလားနှင့်ပွဲ၌ နေးမာ၏နေရာတွင် ရော်ဘင်ဟိုက ၀င်ရောက်ကစားခဲ့ပြီး ဖာမီနိုကမူ ရော်ဘင်ဟို ရှိနေခြင်းက ကြီးမားသည့် တွန်းအားဖြစ်သည်ဟုဆိုသည်။

“ရော်ဘင်ဟိုက ကျွန်တော်တို့အားလုံးအတွက် စံနမူနာပါပဲ။ ပြီးတော့ ကျွန်တော်တို့ကိုလည်း တော်တော်လေး အကူအညီ ဖြစ်စေပါတယ်။ သူကစားပုံကောင်းခဲ့ပြီး ပါရာဂွေးနဲ့ပွဲမှာလည်း သိပ်ကွာမှာတော့မဟုတ်ပါဘူး။ ဒါပေမယ့် ဒါဟာ ရှုံးထွက်ပွဲဆိုတာ ကျွန်တော်တို့သိပြီး ကျွန်တော်တို့ နိုင်ရပါမယ်”

ဟော့ဖန်ဟိန်းအသင်းတွင် ကစားနေသည့် ဖာမီနိုမှာ ပရီးမီးယားလိဂ်ကလပ် လီဗာပူးလ်အသင်း၏ စိတ်ဝင်စားခြင်းကို ခံနေရပြီး ၎င်းကမူ လက်ရှိအချိန်တွင် ကိုပါအမေရိကကိုသာ အာရုံစိုက်ထားသည်ဟုဆိုသည်။

Ref: Goal