အောင်မြင်မှု၏တွန်းအားက မေတ္တာတရားဖြစ်သည်ဟု ဂွါဒီယိုလာဆို

ဇွန် ၂၄၊ ၂၀၁၅
M-Media

– မိမိအား အောင်မြင်မှုဆီသို့ မောင်းနှင်သည့်အရာမှာ ဆုဖလားများ ဆွတ်ခူးခွင့် မဟုတ်ဘဲ ကစားသမားများနှင့် ပရိတ်သတ်များအား ချစ်မြတ်နိုးခြင်းပင်ဖြစ်သည်ဟု ဘိုင်ယန်မြူးနစ်နည်းပြ ဂွာဒီယိုလာက ပြောကြားခဲ့သည်။

အသက် ၄၄ နှစ်အရွယ်ရှိ ဘာစီလိုနာနည်းပြဟောင်း ဂွါဒီယိုလာမှာ ချန်ပီယံလိဂ်ဖလားကို ၂ ကြိမ်တိုင်တိုင် ရရှိထားပြီး ၎င်း၏ ပထဆုံးနည်းပြဘ၀ ၆ နှစ်အတွင်းမှာပင် အမှတ်ပေးဖလား ၅ ကြိမ် ဆွတ်ခူးထားနိုင်သည်။

သို့သော်လည်း ၎င်း၏ ခေါင်းဆောင်မှုကို ဖော်ထုတ်ရာတွင် ဂွါဒီယိုလာက မိမိနှင့် အလုပ်တွဲလုပ်သူများ၏ ချစ်ခြင်မေတ္တာကို ရရှိအောင်သာ ဆောင်ရွက်ပြီး ဆုဖလားများအနောက်ကို မလိုက်ဟု ပြောကြားခဲ့သည်။

“ကျွန်တော့်ဘ၀မှာ ပြီးတော့ ကျွန်တော့်အလုပ်ကနေ ကျွန်တော်ဘာလိုချင်လဲဆိုတာ ခင်ဗျားသိချင်တယ်ဆိုရင် ချစ်ခြင်းမေတ္တာကိုပဲ ကျွန်တော်လိုချင်တာပါ။ ဘာမှ ထပ်ပြီး မရှာပါဘူး။ ဒါပဲ ကျွန်တော်လိုချင်တာပါ။ ဒါဟာ ခံစားမှုပါ။ တကယ်ပါ။ ကျွန်တော်ဟာ ဆုဖလားတွေကို မရှာဖွေပါဘူး” ဟု ဂွါဒီယိုလာက ပြောကြားခဲ့သည်။

ထို့ပြင် တစ်ခါတစ်ရံတွင် ကစားသမားတစ်ဦးအတွက် ခံစားချက်ကို ဖော်ပြရသည်မှာ ခက်ခဲ့ပြီး အထူးသဖြင့် အသင်းမှထွက်ခွာသွားသည့်အချိန်တွင် ဖြစ်သည်ဟု ဆိုသည်။

“ကစားသမားကို အသင်းကနေ လက်လွှတ်ပြီဆိုရင် သူတို့က ကျွန်တော်ဟာ သူတို့ကို မကြိုက်လို့ဆိုပြီး စိတ်ခုကြပါတယ်။ ဒါဟာ သူတို့ကို မနှစ်သက်လို့ မဟုတ်ဘဲ နည်းစနစ်ပိုင်းဆိုင်ရာ အကြောင်းအရင်းတွေအတွက် ချရတဲ့ဆုံးဖြတ်ချက်ဆိုပြီး သူတို့ မတွေးကြပါဘူး”

ကစားသမားတစ်ဦးအား ဂရုတစ်စိုက်ရှိခြင်းအားဖြင့် ၎င်း၏ စွမ်းဆောင်ရည်ကို တိုးတက်စေနိုင်ကြောင်းကို ၎င်းကြုံတွေ့ခဲ့ရသည့် ထိပ်တန်းကစားသမားတစ်ဦးအကြောင်း ဥပမာပေးကာ ဂွာဒီယိုလာက ပြောပြခဲ့သည်။

“သူနဲ့အတူ ကျွန်တော် ကော်ဖီဆိုင်ကိုသွားပြီး ကျွန်တော်တို့ ဘ၀အကြောင်း ပြောကြပါတယ်။ ဘောလုံးအကြောင်းမဟုတ်ပါဘူး။ နောက်ပွဲမှာ သူဟာ အသင်းရတဲ့ ဂိုး ၄ ဂိုးထဲက ၂ ဂိုးကို သွင်းယူနိုင်ခဲ့ပါတယ်။ တစ်ခုခုထူးခြားမှုကို သူ ခံစားခဲ့ရတယ်။ ဘာ့ကြောင့်လည်းဆိုတော့ သူဟာ မေတ္တာတရားကို ခံစားခဲ့ရလို့ပဲပေါ့”

Ref: Goal