ကလပ်နှင့် နိုင်ငံအတွက် ဂိုးအများဆုံးသွင်းသူ ရူနီဖြစ်ချင်

ဇွန် ၂၆၊ ၂၀၁၅
M-Media

– ဘောလုံးလောကမှ အနားမယူခင်အချိန်အတွင်း မန်ယူနှင့် အင်္ဂလန်အသင်းတို့၏ ဂိုးအများဆုံးသွင်းသူ ဖြစ်ချင်သည်ဟု မန်ယူတိုက်စစ်မှူး ၀ိန်းရူနီက ပြောကြားလိုက်သည်။

အသက် ၂၉ နှစ်အရွယ် ရှိပြီဖြစ်သည့် ရူနီမှာ ပြီးခဲ့သည့် ဇွန်လ ၁၄ ရက်နေ့ စလိုဗေးနီးယားနှင့်ပွဲတွင် တစ်ဂိုးသွင်းယူနိုင်ပြီး ထိုဂိုးမှာ အင်္ဂလန်အသင်းအတွက် ၎င်း၏ ၄၈ ဂိုးမြောက်ဖြစ်ကာ ဂိုးအများဆုံးသွင်းထားသည့် ဘော်ဘီချာလ်တန်ကို လိုက်မီရန် ၁ ဂိုးသာ လိုတော့သည်။

မန်ယူတွင်လည်း ဘော်ဘီချာလ်တန်မှာ စုစုပေါင်းသွင်းဂိုး ၂၄၉ ဂိုးဖြင့် အသင်းသမိုင်းတစ်လျှောက် ဂိုးသွင်းအများဆုံးအဖြစ် စံချိန်တင်ထားနိုင်ပြီး ပြီးခဲ့သည့်ရာသီက ၁၄ ဂိုးသွင်းယူနိုင်ခဲ့သည့် ရူနီမှာ ဂိုးပေါင်း ၂၃၀ ရှိနေပြီဖြစ်သည်။

ရူနီကမူ ကစားသမားဘ၀မှ အနားမယူခင်အချိန်အတွင်း အဆိုပါ စံချိန်များကို ချိုးဖျက်ရန် စိတ်အားထက်သန်နေသည်။

“ကျွန်တော့်ရဲ့ တစ်ကိုယ်ရေသွင်းဂိုးတွေဟာ ကလပ်အသင်းနဲ့ နိုင်ငံအသင်းတွေအတွက် ကျွန်တော့်ရဲ့ အကာင်းဆုံး စွမ်းရည်ကို ပြဖို့ပါပဲ။ ပြီးတော့ ကျွန်တော်ဖြစ်နိုင်တဲ့ အကောင်းဆုံး အသင်းခေါင်းဆောင်အဖြစ် သေချာစေဖို့ပါပဲ။ ကျွန်တော့်ရဲ့ စံချိန်စံညွှန်းတွေကို တတ်နိုင်သလောက် ခပ်မြင့်မြင့်မှာပဲ ထားပါတယ်။ ဒါဟာ မပြောင်းလဲပါဘူး။ မန်ယူနဲ့ အင်္ဂလန် နှစ်သင်းစလုံးကို လာမယ့်နှစ်မှာ ဖလားတွေရအောင် ကျွန်တော် ကူညီချင်ပါတယ်။ ဒီလိုလုပ်ဖို့ အခွင့်အရေး ရပါလိမ့်မယ်” ဟု ၎င်း၏ တရားဝင် ၀ဘ်ဆိုက်တွင် ရူနီက ပြောကြားခဲ့သည်။

ထို့ပြင် မိမိနေဖြင့် ကလပ်အသင်းနှင့် နိုင်ငံအသင်းတို့အတွက် သမိုင်းတစ်လျှောက် ဂိုးအများဆုံးသွင်းသူ ဖြစ်လာစေရန် ရည်မှန်းချက် စိတ်ထဲတွင် တစ်ချိန်လုံးရှိကြောင်း၊ သို့သော်လည်း မိမိ၏ အဓိကဦးစားပေးမှာ ကလပ်နှင့် နိုင်ငံအသင်းတို့အား ကူညီရန်ဖြစ်ကြောင်း ၎င်းက ထပ်လောင်းပြောကြားခဲ့သည်။

Ref: Goal