အစ္စရေး၏ စစ်ရာဇ၀တ်မှု ကျူးလွန်မှုဖိုင်ကို ICC သို့ ပါလက်စတိုင်း တင်သွင်း

ဇွန် ၂၆၊ ၂၀၁၅
M-Media

– အစ္စရေးက စစ်ရာဇ၀တ်မှုကျူးလွန်မှုများနှင့်ပတ်သက်၍ စစ်တမ်းပြုထားသည့် ပထမဆုံး ဖိုင်တွဲတစ်ခုကို ပါလက်စတိုင်းက နိုင်ငံတကာရာဇ၀တ်ခုံရုံး ICC သို့ ယမန်နေ့တွင် တင်သွင်းခဲ့ပြီး ပြီးခဲ့သည့်နှစ် ဂါဇာကမ်းမြှောင်အား တိုက်ခိုက်မှုအတွင်း အစ္စရေး၏ ကျူးလွန်မှုများအတွက် ICC ၏ စုံစမ်းမှုကို တိုးမြှင့်ရန် ကမ်းလှမ်းမှုလည်း ဖြစ်ခဲ့သည်။

ICC ၏ တရားသူကြီးချုပ် ဖာတူ ဘန်ဆူဒါနှင့် တွေဆုံပြီးနောက် ပါလက်စတိုင်းနိုင်ငံခြားရေးဝန်ကြီး ရီအက်ဒ် မာလီကီက မိမိမှာ ဂါဇာတိုက်ခိုက်မှု၊ ပါလက်စတိုင်းပိုင် နယ်မြေများတွင် အစ္စရေးက တရားမ၀င်အိမ်ရာများ တည်ဆောက်မှုနှင့် အစ္စရေးက ဖမ်းဆီးထားသော ပါလက်စတိုင်းအကျဉ်းသားများအား ငြှင်းပန်းနှိပ်စက်မှုတို့နှင့် ပတ်သက်သော ဖိုင်တွဲတစ်ခုကို ဘန်ဆူဒါအား ပေးအပ်ခဲ့သည်ဟု ပြောကြားခဲ့သည်။

“နိုင်ငံတကာ လုပ်ထုံးလုပ်နည်းတွေရဲ့ ယုံကြည်စိတ်ချရမှုအတွက် ပါလက်စတိုင်းက စမ်းသပ်မှုတစ်ခုပါ။ ပြီးတော့ ကမ္ဘာကြီးက ကျရှုံးလို့မရတဲ့ စမ်းသပ်မှုလည်း ဖြစ်ပါတယ်။ ပါလက်စတိုင်းက တရားမျှတမှုကို တောင်းဆိုဖို့ ဆုံးဖြတ်ခဲ့တာပါ။ လက်စားချေဖို့ မဟုတ်ပါဘူး” ဟု မာလီကီက ပြောကြားခဲ့သည်။

ထိုကဲ့သို့ တင်သွင်းခြင်းကြောင့် အစ္စရေးမှာ ICC ၏ စုံစမ်းစစ်ဆေးမှုများတွင် ပူးပေါင်းမလား၊ သို့မဟုတ် ပူးပေါင်းဆောင်ရွက်ရန် ငြင်းပယ်မလားဆိုသည်ကို ဝေခွဲရ ခက်စေမည်ဖြစ်သည်။

နယ်သာလန်အခြေစိုက် ICC မှာ ဂါဇာတိုက်ခိုက်မှုတွင် ပါလက်စတိုင်းလက်နက်ကိုင်အုပ်စုနှင့် အစ္စရေးတို့မှာ စစ်ရာဇ၀တ်မှု ကျူးလွန်မှုများ ရှိခဲ့သည်ဆိုသည်နှင့် ပတ်သက်၍ ဆန်းစစ်မှုများ ပြုလုပ်နေသော်လည်း အစ္စရေးထံမှ အချက်အလက်များ တောင်းယူ၍ မရခဲ့ပေ။

ယမန်နေ့က တင်သွင်းသည့် ပါလက်စတိုင်းတို့၏ အဆိုပါဖိုင်မှ အချက်အလက်များကို အများပြည်သူသို့ ထုတ်ပြန်ခြင်း မပြုခဲ့သော်လည်း ထိုဖိုင်တွင် အစ္စရေး၏ တရာမ၀င်အိမ်ရာများ ဆောက်လုပ်ခြင်းနှင့် နိုင်ငံတကာဥပဒေအား ချိုးဖောက်သည်ဟု အဘယ်ကြောင့် ပါလက်စတိုင်းတို့က ရှုမြင်ရခြင်းဆိုသည့် အကြောင်းအရာများပါဝင်သည်ဟု သိရသည်။

အစ္စရေးမှာ ICC ၏ အဖွဲ့ဝင်နိုင်ငံမဟုတ်ဘဲ ICC ၏ လုပ်ပိုင်ခွင့်ကိုလည်း ငြင်းဆိုသည့်နိုင်ငံဖြစ်သည်။

ပြီးခဲ့သည့်နှစ် ဂါဇာအား တိုက်ခိုက်မှုတွင် ၎င်းတို့စစ်တပ်မှ စစ်ရာဇ၀တ်မှု ကျူးလွန်ခဲ့သည်ဟူသော ပြောဆိုမှုများကို အစ္စရေးက ငြင်းဆိုထားပြီး၊ အစ္စရေးဘက်ကို ဒုံးကျည်များပစ်ခဲ့သည့် ဟားမက်စ်ကိုသာ အပြစ်တင်ခဲ့သည်။

ထိုတိုက်ခိုက်မှုတွင် ကလေးငယ်နှင့် အမျိုးသမီးများအပါအ၀င် ပါလက်စတိုင်းပြည်သူ ၂၂၀၀ ကျော် သေဆုံးခဲ့သည်။

အစ္စရေးနိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူကမူ ပါလက်စတိုင်း၏ ထိုကဲ့သို့ တင်သွင်းခြင်းမှာ ICC အား ထောင်ချောက်ဆင်ရန် ကြိုးစားမှုသာဖြစ်သည်ဟု ပြောကြားခဲ့ပြီး တရားသူကြီးများအနေဖြင့် ထိုထောင်ချောက်ထဲသို့ ကျရောက်မည်မဟုတ်ဟု မျှော်လင့်ကြောင်း
ပြောကြားခဲ့သည်။

Ref: Aljazeera