တောင်ကယ်ရိုလိုင်းနားတွင် ကွန်ဖက်ဒရိတ်အလံ ဖြုတ်ချသူ အဖမ်းခံရ

ဇွန် ၂၈၊ ၂၀၁၅
M-Media

– အမေရိကန်ပြည်ထောင်စု တောင်ကယ်ရိုလိုင်းနားပြည်နယ် လွှတ်တော်မှ ကွန်ဖက်ဒရိတ်အလံအား ဖြုတ်ချခဲ့သူနှစ်ဦးကို ရဲတပ်ဖွဲ့က ယမန်နေ့တွင် ဖမ်းဆီးထိန်းသိမ်းလိုက်သည်ဟု သိရသည်။

အလံအား ဖြုတ်ချသူမှာ မြောက်ကယ်ရိုလိုင်းနားပြည်နယ် ချာလော့တီမြို့မှ ဘရီး နယူးဆမ်းဆိုသူ အမျိုးသမီးဖြစ်ပြီး ယမန်နေ့နံနက် အာရုံတက်ချိန်က ပြည်နယ်လွှတ်တော်ရှိ ပေ ၃၀ ကျော်ရှည်သော အလံတိုင်မှ ကွန်ဖက်ဒရိတ်အလံကို ဖြုတ်ချခဲ့ခြင်းဖြစ်သည်။

အလံတိုင် ခြံဝင်းထဲသို့ ၀င်ရောက်ရာတွင် ၎င်းနှင့်အတူ အမျိုးသားတစ်ဦးလည်း ပါဝင်ပြီး ရဲတပ်ဖွဲ့ တားဆီးခဲ့သော်လည်း လိုက်နာခဲ့ခြင်းမရှိဘဲ အလံအား တက်ရောက်ဖြုတ်ချခဲ့ခြင်းဖြစ်သည်။

ပြည်နယ်ဥပဒေဖြင် ကာကွယ်မှုပေးထားသော အဆိုပါ ကွန်ဖက်ဒရိတ်အလံကို နောက်ပိုင်းတွင် တာဝန်ရှိသူများက ပြန်လည်လွှင့်တင်ခဲ့ပြီး အလံဖြုတ်ခဲ့သည့် အမျိုးသမီးနှင့် ၎င်း၏အဖော် နှစ်ဦးစလုံးကို ဖမ်းဆီးထားသည်။

တောင်ကယ်ရိုလိုင်းနားပြည်နယ် ချာလ်စတန်မြို့ရှိ လူမည်းခရစ်ယာန်ဘုရားကျောင်းတွင် လူဖြူသေနတ်သမားက သေနတ်ဖြင့် ပစ်ခတ်မှုကြောင့် လူမည်း ၉ ဦး သေဆုံးခဲ့ပြီးနောက် ခွဲထွက်ရေးသဘောထား၊ လူမျိုးရေးခွဲခြားမှု သဘောထားများ ပါဝင်ပြီး ပြည်တွင်းစစ်အတွင်း အသုံးပြုခဲ့သော အဆိုပါ ကွန်ဖက်ဒရိတ်အလံကို တောင်ပိုင်းပြည်နယ်များမှ ဖယ်ရှားရန် တိုက်တွန်းမှုများ ရှိလာခဲ့သည်။

သို့သော်လည်း မဖယ်ရှားချင်သူများလည်း ရှိနေပြီး အဆိုပါ ကွန်ဖက်ဒရိတ်အလံအား ထောက်ခံသူများမှာ စနေနေ့ ညပိုင်းတွင် ချီတက်ဆန္ဒပြရန် အစီအစဉ်ရှိနေသည်။

Ref: Aljazeera