အကြွေးပြဿနာကြောင့် ဘဏ်များကို ဂရိအစိုးရ ယာယီပိတ်ပစ်

ဇွန် ၂၉၊ ၂၀၁၅
M-Media

– ဂရိအတွက် အရေးပေါ်ရန်ပုံငွေ ထပ်ဆောင်းမပေးတော့ဟု ဥရောပဗဟိုဘဏ် ECB က ပြောကြားခဲ့ပြီးနောက်ပိုင်း နိုင်ငံအတွင်းရှိ ဘဏ်များအားလုံးကို ယာယီပိတ်ထားလိုက်ပြီဟု ဂရိဝန်ကြီးချုပ် အလက်ဇစ် တီစီပရက်စ်က ပြောကြားလိုက်သည်။

ယမန်နေ့က ရုပ်မြင်သံကြားမှ ပြောကြားသည့်မိန့်ခွန်းတွင် တီစီပရက်စ်က အစိုးရအနေဖြင့် အကြွးကိစ္စအတွက် မရေမရာဖြစ်နေသည့် နောက်ဆုံးရက်မတိုင်ခင် ငွေကြေးပမာဏ ထိန်းချုပ်မှုကို စတင်ဆောင်ရွက်သွားမည်ဟု ဆိုသည်။

ဂရိမှာ နိုင်ငံတကာ ငွေကြေးရန်ပုံငွေအဖွဲ့သို့ အင်္ဂါနေ့နောက်ဆုံးထား၍ အကြွေး ၁.၈ ဘီလီယံပေးရန် လိုအပ်နေပြီး ထိုသို့မပေးပါက ဘဏ္ဍာရေးအန္တရာယ်နှင့် ရင်ဆိုင်ရဖွယ် ရှိနေသည်။ ဂရိကမူ အကြွေးပေးရမည့် နောက်ဆုံးရက်ကို တိုးမြှင့်ပေးရန် တောင်းဆိုခဲ့သော်လည်း ဥရောပဇုန်ရှိ ဘဏ္ဍာရေးဝန်ကြီးများက ပယ်ချခဲ့သည်။

နိုင်ငံတကာကြွေးရှင်များမှ ကမ်းလှမ်းသော အကြွေးပြဿနာကယ်တင်ရေး အဆိုပြုချက်အတွက် လူထုဆန္ဒခံယူရန် စီစဉ်ထားသည့်ရက်၏ နောက်တစ်နေ့ ဇူလိုင် ၆ ရက်နေ့အထိ ဘဏ်များကို ပိတ်ထားရန် ဂရိအစိုးရ တာဝန်ရှိသူများက ယမန်နေ့တွင် အတည်ပြုခဲ့သည်။

သို့သော်လည်း ATM စက်များကိုမူ တနင်္လာနေ့ နေ့လည်ပိုင်းတွင် ပြန်ဖွင့်မည်ဟု ဆိုပြီး လူတစ်ဦးလျှင် တစ်နေ့တာ ငွေထုတ်ယူမှုကို ၆၀ ယူရိုအထိသာ ကန့်သတ်ခွင့်ပြုမည်ဖြစ်သည်။

သို့သော်လည်း နိုင်ငံအတွင်း နေထိုင်သည့် နိုင်ငံခြားသားများနှင့် နိုင်ငံရပ်ခြား ခရက်ဒစ်ကဒ်များကို ကိုင်ဆောင်ထားသူများမှာ ဘဏ်တွင် ငွေထုတ်မှုကန့်သတ်ချက် သက်ရောက်မည်မဟုတ်ဟု ဂရိအစိုးရက ကြေညာချက်တွင် ဖော်ပြထားသည်။

ဂရိနိုင်ငံ၏ စတော့အိတ်ချိန်းမှာလည်း တနင်္လာနေ့အထိ ပိတ်ထားမည်ဖြစ်သည်။ ဂရိအနေဖြင့် အကြွေးမပေးနိုင်ပါက ယူရိုဇုန်မှ ထွက်ရမည်ဖြစ်သည်။

Ref: Aljazeera