ဂါဇာသို့သွားရောက်သည့် တက်ကြွလှုပ်ရှားသူများ၏ သင်္ဘောကို အစ္စရေးဖမ်းဆီး

ဇွန် ၂၉၊ ၂၀၁၅
M-Media

– ဂါဇာအား ရေကြောင်းပိတ်ဆို့ထားမှုကို ဖယ်ရှားရန်နှင့် ဂါဇာပြည်သူများနှင့်အတူ စည်းလုံးညီညွတ်မှုကို ပြသရန် သွားရောက်သည့် သင်္ဘောအုပ်စုကို အစ္စရေးအာဏာပိုင်များက ဖမ်းဆီးလိုက်သည်ဟု သိရသည်။

အစ္စရေးစစ်တပ်မှ ယနေ့တွင် ထုတ်ပြန်သော ကြေညာချက်တွင် ထိုသင်္ဘောငယ်အုပ်စုမှ Marianne သင်္ဘောကို အင်အားသုံးခြင်းမရှိဘဲ အစ္စရေးရှိ အက်ရ်ှဒေါ့ဒ်မြို့သို့ လမ်းကြောင်းပြောင်းခိုင်းခဲ့သည်ဟု ဖော်ပြခဲ့သည်။

အစ္စရေးစစ်တပ်မှ ပြောရေးဆိုခွင့်ရှိသူ အဗီချေး အက်ဒရေးကမူ ထိုကဲ့သို့ ဖမ်းဆီးခေါ်ဆောင်သွားရခြင်းမှာ ၎င်းတို့က အစ္စရေးရေတပ်၏ သတိပေးချက်ကို နားမထောင်သောကြောင့် ဆောင်ရွက်ရခြင်းဖြစ်ပြီး မည်သူ့ကိုမှ နာကျင်ခြင်းမရှိဘဲ လျင်လျင်မြန်မြန်
ဆောင်ရွက်ခဲ့သည်ဟု ဆိုသည်။

အဆိုပါသင်္ဘောငယ်အုပ်စုမှ ပြောရေးဆိုခွင့်ရှိသူ ပက်ထရို့စ် စတာဂူကမူ ယနေ့နံနက် ဒေသစံတော်ချိန် နံနက် ၂ နာရီခန့်က စစ်သင်္ဘော ၃ စီး ရောက်လာသည့်အချိန်တွင် Marianne သင်္ဘောနှင့် အဆက်အသွယ်ပြတ်တောက်သွားသည်ဟု ပြောကြားခဲ့သည်။

“ကျွန်တော်တို့ သိထားတာကတော့ အစ္စရေးရေတပ်ဟာ ဂါဇာကမ်းခြေနဲ့ ရေမိုင် ၁၀၀ လောက်အကွာမှာ Marianne သင်္ဘောကို တိုက်ခိုက်တယ် ဆိုတာပါပဲ။ စစ်သင်္ဘော ၃ စီးလာနေတာကို မြင်ရပြီး စစ်တပ်ပဲဖြစ်မယ်လို့ သူတို့(သင်္ဘောပေါ်မှာရှိသူတွေ) က ပြောခဲ့ပါတယ်။ အစ္စရေးအစိုးရနဲ့ စစ်တပ်ဟာ နိုင်ငံတော်ပင်လယ်ဓားပြပုံစံမျိုး ထပ်လုပ်ပြီး ကျွန်တော်တို့ သင်္ဘောကို နိုင်ငံတကာရေပိုင်နက်မှာ တိုက်ခိုက်ခဲ့တာပါပဲ” ဟု စတာဂူက ထည့်သွင်းပြောကြားခဲ့သည်။

အစ္စရေးဝန်ကြီးချုပ် နေတန်ယာဟုက သင်္ဘောပေါ်တွင်ပါလာသည့် ခရီးသည်များအား ထိန်းသိမ်းရန် စစ်တပ်ကို အမိန့်ပေးခဲ့သည်။

အဆိုပါသင်္ဘောမှာ Freedom Flotilla III ဟု အမည်ရသည့် သင်္ဘောငယ် ၄ စီးအုပ်စုမှ တစ်စီးဖြစ်ပြီး အာရပ်အစ္စရေး လွှတ်တော်အမတ် ဘေဆယ် ဂါတာ့စ်၊ တူနီးရှား သမ္မတဟောင်း မွန်ဆက်ဖ် မာဇူကီနှင့် အနည်းဆုံး ဥရောပအမတ်တစ်ဦး အပါအ၀င် ပါလက်စတိုင်းအရေး တက်ကြွလှုပ်ရှားသူများကို တင်ဆောင်သွားသည့် သင်္ဘောလည်းဖြစ်သည်။

၂၀၁၀ ခုနှစ်ကလည်း ဂါဇာပြည်သူများအား လူသားချင်းစာနာထောက်ထားမှုဆိုင်ရာ အကူအညီများပေးရန် သွားရောက်ခဲ့သည့် သင်္ဘောငယ်အုပ်စုမှ တူရကီသင်္ဘော Mavi Marmara ကို အစ္စရေးကွန်မန်ဒိုများက မနက်စောစောတွင် ၀င်ရောက်စီးနင်း ပစ်ခတ်ခဲ့ပြီး တူရကီ တက်ကြွလှုပ်ရှားသူ ၁၀ ဦး သေဆုံးခဲ့သည်။

နောက်ပိုင်းတွင် ထိုကဲ့သို့ အကူအညီပေးရေးလှုပ်ရှားမှုများကို ပြုလုပ်ခဲ့သော်လည်း မအောင်မြင်ခဲ့ပေ။

Ref: Aljazeera