အစ္စလာမ်ဘာသာရေးဆိုင်ရာ မေးမြန်းနိုင်မည့် အခမဲ့ဖုန်းလိုင်းတစ်ခုကို စင်ကာပူစီစဉ်ပေး

ဇူလိုင် ၁၊ ၂၀၁၅
M-Media

– အစ္စလာမ်ဘာသာဝင်များ ဘာသာရေးဆိုင်ရာ အကြောင်းအရာများကို မေးမြန်းနိုင်မည့် အခမဲ့ဖုန်းလိုင်းတစ်ခုကို စင်ကာပူအစိုးရက စီစဉ်ပေးခဲ့ပြီး များသောအားဖြင့် အစွန်းရောက်များက အလွဲသုံးစားလုပ်နေသော ဘာသာရေးဆိုင်ရာ အကြောင်းချင်းရာများကို ရှင်းရှင်းလင်းလင်း သိရှိစေရေး ဆောင်ရွက်မှုအဖြစ် ချီးကျူးခြင်း ခံခဲ့ရသည်။

“လူတွေကို အစွန်းရောက်ခြင်းကနေ ကျွန်တော်တို့ ကယ်တင်ချင်ပါတယ်။ မကြာခင်က ဖမ်းဆီးထားတဲ့ အသက် ၁၇ နှစ်အရွယ်လိုမျိုး လူငယ်လေးတွေဟာ အွန်လိုင်းမှာ အစွန်းရောက်ဆိုင်ရာ လွှမ်းမိုးဖို့အတွက် အားနည်းသူတွေ ဖြစ်ကောင်းဖြစ်နိုင်ပါတယ်” ဟု
ခဒီဂျဟ် ဗလီဝတ်ကျောင်းတော်၌ ယမန်နေ့က ၀ါဖြေချိန်မတိုင်မီ ပြုလုပ်သော အခမ်းအနားတွင် ဒုတိယ၀န်ကြီးချုပ် တီယို ချီ ဟီယန်းက ပြောကြားခဲ့သည်။

အဆိုပါဖုန်းလိုင်းကို ဘာသာရေးပြန်လည်ထူထောင်ရေးအဖွဲ့ PRG က ဆောင်ရွက်ပေးခြင်းဖြစ်ပြီး အစွန်းရောက်ဝါဒနှင့်ပတ်သက်သည့် သတင်းအချက်အလက်များကို ရှာဖွေသိရှိလိုသူများကို ပစ်မှတ်ထား ဆောင်ရွက်ခြင်းဖြစ်သည်။

အဆိုပါဖုန်းလိုင်းမှာ အစွန်းရောက်အုပ်စုများ အလွဲသုံးစားလုပ်သည့် ဘာသာရေးဆိုင်ရာ အကြောင်းအရာများကို ရှင်းလင်းဖြေရှင်းပေးခြင်းအပြင် အစွန်းရောက်များ၏ သိမ်းသွင်းခြင်း ခံလိုက်ရပြီဟု သံသယရှိသော မိသာစုဝင်များ၊ သူငယ်ချင်းများနှင့် စပ်လျဉ်း၍ မည်ကဲ့သို့ ဆောင်ရွက်ရမည်ဆိုသည်ကို ပြည်သူများအား အကြံဥာဏ်ပေးသွားမည်ဖြစ်သည်။

PRG အဖွဲ့မှ ဒုတိယဥက္ကဌဖြစ်သူ မိုဟာမက်အလီက ထိုဖုန်းလိုင်းမှာ လူငယ်များ မှားယွင်းသောရင်းမြစ်များမှ ဘာသာရေးဆိုင်ရာ သတင်းအချက်အလက်များကို ရယူခြင်းအား တားဆီးပေးနိုင်မည်ဖြစ်ပြီး သံသယများကို ချေဖျက်ပေးနိုင်မည်ဟု ဆိုသည်။

ဇူလိုင် ၁ ရက် (ယနေ့တွင်) စတင်အသုံးပြုနိုင်မည့် အဆိုပါ ဖုန်းလိုင်းနံပါတ်မှာ 1800-774-7747 ဖြစ်ပြီး တနင်္လာနေ့မှ သောကြာနေ့အတွင်း နံနက် ၉ နာရီမှ ညနေ ၅ နာရီအထိ ခေါ်ဆိုမေးမြန်းနိုင်မည်ဖြစ်ကာ ထိုအချိန်မတိုင်မီ မေးမြန်းသူများအနေဖြင့် မက်ဆေ့ခ်ျ ချန်ထားနိုင်မည်ဖြစ်သည်။ ထို့ပြင် ထိုဖုန်းလိုင်းအတွက် Facebook စာမျက်နှာကိုလည်း ထားရှိပေးသွားမည်ဖြစ်သည်။

စင်ကာပူနိုင်ငံ၏ လူဦးရေတွင် အစ္စလာမ်ဘာသာကို သက်ဝင်ယုံကြည်သူများမှာ ၁၄ ရာခိုင်နှုန်းမှ ၁၅ ရာခိုင်နှုန်းဝန်ကျင် ရှိနေသည်။

Ref: Onislam