ယီမင်အကျဉ်းထောင်တစ်ခုမှ အကျဉ်းသား ၁၂၀၀ ခန့် လွတ်မြောက်

ဇူလိုင် ၁၊ ၂၀၁၅
M-Media

– ယီမင်နိုင်ငံအလယ်ပိုင်းရှိ အကျဉ်းထောင်တစ်ခုတွင် ယမန်နေ့က ရုန်းရင်းဆန်ခတ်မှုများ ဖြစ်ပွားခဲ့ပြီး အလ်ကိုင်းဒါနှင့် ဆက်နွယ်သည်ဟု သံသယရှိသူများအပါအ၀င် အကျဉ်းသား ၁၂၀၀ ၀န်းကျင်ခန့် လွတ်မြောက်သွားသည်ဟု အာဏာပိုင်များက ပြောကြားလိုက်သည်။

ထိုအဖြစ်အပျက်မှာ မကြာမီနှစ်များအတွင်းက ဖြစ်ပွားခဲ့သည့် ထောင်ဖောက်ပြေးမှုများတွင် အကြီးမားဆုံးဖြစ်ရပ်ဖြစ်ပြီး ပြည်တွင်းစစ်ဖြစ်ပွားနေသာ ယီမင်တွင် အခြေအနေ ပိုမိုဆိုးရွားစေမည့် လက္ခဏာလည်းဖြစ်သည်။

“အလ်ကိုင်းဒါးထောက်ခံသူ အုပ်စုတွေက ဒီနေ့မှာ တာအစ်ဇ်မြို့မှာရှိတဲ့ ဗဟိုအကျဉ်းထောင်ကို တိုက်ခိုက်ခဲ့ပြီး အန္တရာယ်ရှိတဲ့အကျဉ်းသား ၁၂၀၀ လောက် လွတ်မြောက်သွားပါတယ်” ဟု လုံခြုံရေးတာဝန်ရှိသူများ၏ ပြောကြားမှုကို ကိုးကား၍ နိုင်ငံပိုင် Saba သတင်းအေဂျင်စီက ဖော်ပြခဲ့သည်။

ဒေသတွင်း အခြားတာဝန်ရှိသူတစ်ဦးကမူ လွတ်မြောက်သွားသူများမှာ အလ်ကိုင်းဒါးနှင့် ဆက်နွယ်သည်ဟု သံယရှိသူများ ဖြစ်သော်လည်း မြို့တွင်း ပြည်သူ့စစ်အုပ်စုများအကြား တိုက်ခိုက်မှုများတွင် ထွက်ပြေးလွတ်မြောက်သွားခြင်းဖြစ်သည်ဟု ဆိုသည်။

ဟူသီသူပုန်များမှာ တာအစ်ဇ်မြို့ထဲသို့ မတ်လအတွင်းက ၀င်ရောက်ထိန်းချုပ်ခဲ့သည်။ ယခုအချိန်တွင် ဟူသီသူပုန်များနှင့်အတူ ၎င်းတို့၏ မဟာမိတ်ဖြစ်သော ဖြုတ်ချခံသမ္မတဟောင်း ဆာလေဟ်ကို သစ္စာခံသည့် စစ်တပ်များ မြို့တွင်း၌ ရှိနေသည်။

ထို့အဖွဲ့များနှင့် ပေါ်ပြူလာကော်မတီဟုခေါ်သည့် ပြည်သူ့စစ်များမှာ တာအစ်ဇ်မြို့တွင် တိုက်ခိုက်မှုများ ဖြစ်နေပြီး ပြည်သူ့စစ်များက အရေးသာနေစဉ် ဆာလေဟ်၏ တပ်များက ထောင်တံခါးကို ဖွင့်ပေးလိုက်ခြင်းဖြစ်သည်ဟု လုံခြုံရေတာဝန်ရှိသူတစ်ဦးက ပြောကြားခဲ့သည်။

“ဗဟိုအကျဉ်းထောင်နားမှာ တိုက်ပွဲကြီးကြီးမားမားဖြစ်ခဲ့ပြီး ပေါ်ပြူလာကော်မတီက အဲဒီဧရိယာကို ကပ်လာပြီး သိမ်းလိုက်ပါတယ်။ ဒါပေမယ့် ဆာလေဟ်ရဲ့ တပ်တွေက ထောင်တံခါးကို ဖွင့်ပေးခဲ့ပါတယ်”

ပြီးခဲ့သည့် ဧပြီလကလည်း နိုင်ငံအရှေ့ပိုင်း မူကာလာမြို့တွင် စစ်တပ်များ ရုတ်တရက် ဆုတ်ခွာပြီးနောက်ပိုင်း အလ်ကိုင်းဒါးစစ်သွေးကြွအဖွဲ့တစ်ခုမှာ ထောင်တွင်းမှ လွတ်မြောက်သွားခဲ့သည်။

Ref: Reuters