ဘာကာအား ဘောလုံးလောက၏ အမှတ်သညာဖြစ်ချင်သည်ဟု ဥက္ကဌ ဘာတိုမြူပြော

ဇူလိုင် ၁၊ ၂၀၁၅
M-Media

– မိမိအနေဖြင့် ဘာစီလိုနာအသင်းအား ကမ္ဘာ့ဘောလုံးလောကတွင် အလွှမ်းမိုးနိုင်ဆုံး အသင်းအဖြစ် မြင်ချင်ပြီး အားကစားလောကတွင် အမှတ်သညာတစ်ခုအနေဖြင့်လည်း တွေ့ချင်သည်ဟု အသင်းဥက္ကဌ ဘာတိုမြူက ပြောကြားလိုက်သည်။

ဘာစီလိုနာမှာ ဘောလုံးလောကတွင် ထိပ်တန်းအသင်းများထဲမှ တစ်သင်းဖြစ်ပြီး ၆ နှစ်အတွင်း ဒုတိယအကြိမ်မြောက်အဖြစ် ယမန်နှစ် ဖလား ၃ လုံးရရှိခဲ့မှုက ၎င်းတို့၏ အခြေအနေကို ထိပ်ဆုံးသို့ ထပ်မံ တွန်းပို့ပေးခဲ့သည်။

ဥက္ကဌဟောင်း ဆန်ဒရိုရိုဆဲလ်၏နေရာကို ဆက်ခံခဲ့ပြီး ဇူလိုင်လ ၁၈ ရက်နေ့တွင် ပြုလုပ်မည့် ဥက္ကဌ ရွေးကောက်ပွဲတွင်လည်း ပါဝင်ယှဉ်ပြိုင်ရန် ရှိနေသည့် ဘာတိုမြူကမူ မိမိစိတ်ကူးမှာ ဘာစီလိုနာအသင်းအား Apple၊ NASA နှင့် Facebook တို့ကဲ့သို့ နယ်ပယ်တစ်ခု၏ အမှတ်သညာအဖြစ် မြင်ရရေးဖြစ်သည်ဟု ဆိုသည်။

“၂၀၂၁ လောက်ကျရင် ကျွန်တော်တို့ဟာ ဘာစီလိုနာအသင်းကို ကွန်ပျူတာလောကမှာ Apple၊ အာကာသလောကမှာ NASA၊ ဆိုရှယ်မီဒီယာမှာ Facebook နာမည်ကြီးသလိုမျိုး ဖြစ်စေချင်ပါတယ်။ ၂၁ ရာစုရဲ့ ဘာစီလိုနာအသင်းဟာ လူမှုစံနမူနာ၊ ယှဉ်ပြိုင်မှု၊ အားကစားနဲ့ Espai Barca ပရောဂျက်မှာ ဆောက်လုပ်မယ့် အဆောက်အဦးအသစ်တွေအပေါ်မှာ အခြေခံပါလိမ့်မယ်” ဟု ဘာတိုမြူက ၎င်း၏ မဲဆွယ်မိန့်ခွန်းတွင် ပြောကြားခဲ့သည်။

“ကမ္ဘာပေါ်မှာ ကျွန်တော်တို့ရဲ့ ခေါင်းဆောင်မှုကို ခိုင်မာစေဖို့၊ ၂၀၂၁ မှာ ဆက်လက်ဦးဆောင်နိုင်ဖို့၊ ပြီးတော့ ကမ္ဘာပေါ်မှာ ထူးခြားတဲ့ အမှတ်တံဆိပ်တစ်ခုအဖြစ် ရှိဖို့ စီမံခန့်ခွဲမှု ပုံစံ ကျွန်တော်တို့မှာရှိပါတယ်။ ရည်ရွယ်ချက်က ၂၀၂၁ မှာ ကမ္ဘာကြီးဟာ ဘာကာနဲ့အတူ ဘောလုံးလောကကို ပတ်သက်လာဖို့ပါပဲ”

ဘာတိုမြူ၏ ပြိုင်ဘက်မှာ ဘဏ္ဍာရေးကိုင်တွယ်မှု ကျွမ်းကျင်သည့် ဥက္ကဌဟောင်း လာပေါ်တာဖြစ်ပြီး ၎င်း၏လက်ထက်တွင်လည်း ဘာစီလိုနာမှာ ဖလား ၃ လုံးကို ပထမဆုံး ရရှိခဲ့သည်။

ဘာတိုမြူက မိမိတို့မှာ ကစားသမားများ၊ နည်းပြများအား အားပေးထောက်ပံ့ရန် အခြေခံတစ်ခုကို ဖန်တီးချင်ပြီး အမျိုးသမီးအားကစားတွင်လည်း တိုးမြှင့်မှုများ ပြုလုပ်မည်ဖြစ်ကာကာ ထိုနယ်ပယ်တွင်လည်း ခေါင်းဆောင်သူ ဖြစ်ချင်သည်ဟု ထည့်သွင်းပြောကြားခဲ့သည်။

Ref: Goal