ယီမင်ကလေးငယ်များ၏ အခြေအနေ အလွန်အမင်း ဆိုးဝါးနေ

ဇူလိုင် ၂၊ ၂၀၁၅
M-Media

– ပြည်တွင်းစစ်ဖြစ်ပွားနေသော ယီမင်ရှိ ကလေးငယ်များတွင် ရုပ်ပိုင်းဆိုင်ရာနှင့် စိတ်ပိုင်းဆိုင်ရာ ထိခိုက်ခံစားရမှုများမှာ မကြံစဖူး မြင့်တက်လာခဲ့ပြီး ကျန်းမာရေးစနစ်ကလည်း စစ်ပွဲကြောင့် ပျက်ဆီးနေသည်ဟု အကူအညီပေးရေးအဖွဲ့များက ပြောကြားလိုက်သည်။

ထိုသို့ ထိခိုက်ခံစားရမှုများမှာ နေ့စဉ် တိုးတက်လျက်ရှိနေပြီး ကလေးငယ်ရာပေါင်းများစွာမှာလည်း သတ်ဖြတ်ခြင်းခံခဲ့ရကာ ကျန်းမာရေးစနစ် ယိုယွင်းနေသောကြောင့် သန်းပေါင်းများစွာမှာ အလွယ်တကူ ကာကွယ်တားဆီးနိုင်သည့် ရောဂါများ၏ ခြိမ်းခြောက်မှုကို ခံနေသည်ဟု ဆိုသည်။

ဟူသီသူပုန်များနှင့် အဝေးရောက် ယီမင်အစိုးရတို့အကြား ပဋိ့ပက္ခများ အရှိန်မြင့်လာသည့် ရလဒ်အဖြစ် ပြီးခဲ့သည့် မတ်လကတည်းက ကလေးငယ် အနည်းဆုံး ၂၇၉ ဦး သေဆုံးခဲ့ရပြီး ဒဏ်ရာရရှိသူမှာ ၄၀၂ ဦး ရှိနေသည်ဟု ကုလသမဂ္ဂ ကလေးများ ရန်ပုံငွေအဖွဲ့၏ မှတ်တမ်းများအရ သိရသည်။

နိုင်ငံအတွင်း လူသားချင်းစာနာထောက်ထားမှုဆိုင်ရာ ဆိုးရွားသော ကပ်ဘေးလည်း ရှိနေပြီး ကျန်းမာရေးလုပ်သားများမှာ ကလေးငယ်များ၏ စိတ်ပိုင်းဆိုင်ရာ ထိခိုက်ခံစားရမှုများကို အာရုံစိုက်နေရသောကြောင့် ရုပ်ပိုင်းဆိုင်ရာ ထိခိုက်မှုများအား ပြုစုကုသပေးရန်မှာ စိန်ခေါ်မှု ဖြစ်နေသည်။

“အသက်ရှင်နေထိုင်ဖို့ သူတို့မှာ အကာအကွယ်ရှိတဲ့ ပတ်ဝန်းကျင်မျိုး မရှိပါဘူး။ သူတို့ ကြောက်ရွံ့နေကြတယ်။ တကယ့်ကို မလုံခြုံဘူးလို့လည်း ခံစားနေရပါတယ်” ဟု Save the Children ၏ အကြံပေးဖြစ်ပြီး ယီမင်မီဒီယာမန်နေဂျာဖြစ်သူ ဖာတီမာ အလ် အဂျဲလ်က ပြောကြားခဲ့သည်။

ယီမင်ကလေးငယ်များ ရင်ဆိုင်နေရသည့် စိတ်ပိုင်းဆိုင်ရာ အမာရွတ်များမှာ ထာဝရပျက်ဆီးခြင်းသို့ ဦးတည်သွားနိုင်ပြီး ယီမင်ရှိ ဆေးဘက်ဆိုင်ရာ ၀န်ထမ်းများမှာလည်း ၎င်းတို့၏ ရုပ်ပိုင်းဆိုင်ရာ ဒဏ်ရာများကိုပင် ဂရုစိုက်ကုသရန် မလွယ်ကူသေးပေ။

“ကလေးငယ်တွေကို ကာကွယ်ဆေးတောင် ထိုးပေးလို့မရပါဘူး။ ဘာ့ကြောင့်လည်းဆိုတော့ အဲဒီကာကွယ်ဆေးတွေကို အအေးခန်းထဲမှာထားပြီး၊ ဖြန့်ဝေပေးဖို့ ကျန်းမာရေးစင်တာတွေမှာ လျှပ်စစ် ဒါမှမဟုတ် လောင်စာဆီ လုံလုံလောက်လောက် မရှိတော့လို့ပါ။ ပြီးတော့ ကာကွယ်ဆေးထိုးဖို့အတွက် ခေါ်လာဖို့ မိဘတွေက တိုက်ခိုက်မှုတွေကို အရမ်း ကြောက်နေတာကြောင့်လည်း ဖြစ်ပါတယ်” ဟု ယူနီဆက်ဖ်မှ ဒေါက်တာ ပီတာ ဆာလာမာက ပြောကြားခဲ့သည်။

ထို့ပြင် ထိုရလဒ်များက ကာကွယ်၍ရနိုင်သော ၀က်သက်၊ နမိုးနီးယားတို့ကဲ့သို့ ရောဂါများဖြင့် ကလေးငယ်များ သေဆုံးခြင်းကို ဖြစ်စေသည်ဟု ၎င်းက ထည့်သွင်းပြောကြားခဲ့သည်။

စစ်ပွဲများကြောင့် ဆိပ်ကမ်းအားလုံးနီးပါး ပိတ်ထားသည့်အတွက် ယီမင်နိုင်ငံသို့ လူသားချင်းစာနာထောက်ထားမှုဆိုင်ရာ အကူအညီများ ပေးပို့ရန်မှာလည်း အကူအညီပေးရေး အေဂျင်စီများအတွက် အလွန်ပင် ခက်ခဲနေသည်။

နိုင်ငံအတွင်း အစာရေစာ ရှားပါးပြတ်လတ်ခြင်းသို့ ရောက်ရှိတော့မည်ဟု ကုလ၏ သတိပေးမှုနှင့်အတူ ယီမင်နိုင်ငံအတွင်း အဟာရချို့တဲ့မှုနှုန်းမှာလည်း အလွန်အမင်း မြင့်တက်လာနေသည်။ ယူနီဆက်ဖ်ကမူ အသက် ၅ နှစ်အောက် ကလေးငယ် ၁.၂ သန်းမှာ လာမည့် ၁၂ လတာ ကာလအတွင်း အဟာရချို့တဲ့မှု အလယ်အလတ်အဆင့်သုို့ ရောက်ရှိတော့မည်ဟု ပြောကြားခဲ့သည်။

Ref: Aljazeera