ဆိုင်းနိုင်းကျွန်းဆွယ်တွင် အီဂျစ်စစ်တပ်နှင့် လက်နက်ကိုင်များ တိုက်ပွဲဖြစ်

ဇူလိုင် ၂၊ ၂၀၁၅
M-Media

– ဆိုင်းနိုင်းကျွန်းဆွယ်မြောက်ပိုင်းတွင် ယမန်နေ့က ဖြစ်ပွားခဲ့သော တိုက်ခိုက်မှုများအတွင်း လက်နက်ကိုင် ၁၀၀ ကျော်နှင့် စစ်သား ၁၇ ဦး သေဆုံးခဲ့သည်ဟု အီဂျစ်စစ်တပ်က ပြောကြားလိုက်ပြီး ထိုက်တိုက်ခိုက်မှုမှာ နှစ်များစွာအတွင်း အဆိုးဝါးဆုံး တိုက်ခိုက်မှုလည်းဖြစ်သည်။

လုံခြုံရေးတပ်ဖွဲ့များရှိရာ နေရာ ၁၅ ခုကို တိုက်ခိုက်ရေးသမားများက တိုက်ခိုက်ခဲ့ခြင်းဖြစ်ပြီး IS အား သစ္စာခံသည့်အဖွဲ့က ထိုတိုက်ခိုက်မှုများကို ၎င်းတို့ လုပ်ခဲ့သည်ဟု တာဝန်ယူခဲ့သည်။

အချို့သော လုံခြုံရေးဆိုင်ရာ ရင်းမြစ်များကမူ စစ်သားနှင့် ရဲတပ်ဖွဲ့ဝင်များ သေဆုံးမှုမှာ တရားဝင်ထုတ်ပြန်မှုထက် ပိုများမည်ဟု ဆိုသည်။

အီဂျစ်စစ်တပ်နှင့် တိုက်ခိုက်ရေးသမားများကြား တစ်ရက်တာ ကြာမြင့်ခဲ့သော အဆိုပါ တိုက်ခိုက်မှုများတွင် F16 တိုက်လေယာဉ်များ အပါချီရဟတ်ယာဉ်များကို စစ်တပ်က အသုံးပြုခဲ့ပြီး ကျွန်းဆွယ်အတွင်း အကြမ်းဖက်အဖွဲ့များ စုစည်းမှုအားလုံး ရှင်းလင်းသွားသည်အထိ စစ်ဆင်ရေးများ ဆက်လက်ပြုလုပ်သွားမည်ဟုလည်း ပြောကြားခဲ့သည်။

စစ်ဘက်ဆိုင်ရာ ပြောရေးဆိုခွင့်ရှိသူ မိုဟာမက် ဆာနီးရ်က နိုင်ငံပိုင်ရုပ်သံသို့ ပြောကြားရာတွင် ဗုဒ္ဓဟူးနေ့ ညပိုင်းက ဆိုင်းနိုင်းကျွန်းဆွယ် မြောက်ပိုင်းကို ၁၀၀ ရာခိုင်နှုန်း ထိန်းချုပ်နိုင်ခဲ့ပြီဟု ဆိုသည်။

သမ္မတမော်စီကို စစ်တပ်အကြီးအကဲ အဘ်ဒဲလ် ဖာတာ အလ်စီစီက ဖြုတ်ချခဲ့သည့် ၂၀၁၃ ခုနှစ်နောက်ပိုင်း ဆိုင်းနိုင်းကျွန်းဆွယ်ရှိ လက်နက်ကိုင်များမှာ တိုက်ခိုက်မှုများကို တိုးမြှင့်လုပ်ဆောင်ခဲ့သည်။

Ref: Aljazeera