နိုင်ငံတကာ သတင်းတို (ဇူလိုင် ၂၊ ၂၀၁၅)

ဇူလိုင် ၂၊ ၂၀၁၅
M-Media

ဖိလစ်ပိုင်တွင် ခရီးသည်တင်သင်္ဘောမှောက်၊ ၃၀ ကျော်သေဆုံး
……………………………….
ဖိလစ်ပိုင်နိုင်ငံအလယ်ပိုင်းတွင် လူ ၂၀၀ နီးပါး တင်ဆောင်သွားသည့် သင်္ဘောတစ်စင်းမှာ ကြီးမားသော လှိုင်းဒဏ်ကြောင့် ယနေ့တွင် နစ်မြုပ်သွားခဲ့ပြီး အနည်းဆုံး ၃၆ ဦးသေဆုံးခဲ့သည်ဟု တာဝန်ရှိသူများက ပြောကြားခဲ့သည်။ သို့သော်လည်း အများစုမှာ အသက်ရှင်ခဲ့ပြီး
ကမ်းခြေစောင့်တပ်ဖွဲ့မှ တာဝန်ရှိသူ တစ်ဦးကမူ ၁၂၇ ဦး အသက်ရှင်ခဲ့ကာ ၂၆ ဦးမှာ ပျောက်ဆုံးနေဆဲဖြစ်သည်ဟု ဆိုသည်။ ကျွန်းပေါင်း ၇၁၀၀ ရှိသည့် ဖိလစ်ပိုင်နိုင်ငံတွင် နှစ်စဉ် သင်္ဘောများတိမ်းမှောက်မှုကြောင့် ရာပေါင်းများစွာ သေဆုံးလေ့ရှိသည်။

အီရတ်မြောက်ပိုင်းရှိ IS များအပေါ် စစ်တပ်အသာရနေ
……………………………..
အီရတ်နိုင်ငံမြောက်ပိုင်း ဘိုင်ဂျီမြို့၏ ဧရိယာအများစုမှ IS တပ်များကို အီရတ်စစ်တပ်က ရှင်းလင်းဖယ်ရှားနိုင်ခဲ့ပြီး အနီးအနားရှိ ရေနံသန့်စင်စက်ရုံမှ IS တပ်ဖွဲ့များကိုလည်း မကြာမီ မောင်းထုတ်နိုင်တော့မည်ဟု ရှီအိုက် ပြည်သူ့စစ်တပ်ဖွဲ့မှ ပြောရေးဆိုခွင့်ရှိသူတစ်ဦးက ယနေ့တွင် ပြောကြားခဲ့သည်။ ဘိုင်ဂျီမြို့အား အီရတ်စစ်တပ်မှ ထိန်းချုပ်နိုင်ခဲ့ပါက IS များ သိမ်းပိုက်ထားသော မူဆိုးလ်မြို့ကို ထိုးစစ်ဆင်ရန် အခွင့်သာမည်ဖြစ်သည်။

BBC မှ အလုပ်အကိုင် ၁၀၀၀ လျှော့ချမည်
…………………………………..
လိုင်စင်ကြေးရရှိမှု ဘက်ဂျက်တွင် ပေါင် သန်း ၁၅၀ ခန့် ကွာဟနေသောကြောင့် ဌာနအတွင်း အလုပ်အကိုင် ၁၀၀၀ ခန့်ကို လျှော့ချမည်ဟု BBC မှ အထွေထွေဒါရိုက်တာ တိုနီဟောလ်က ယနေ့တွင် ပြောကြားလိုက်သည်။ ထိုသို့ လျှော့ချမှုမှ ပေါင် သန်း ၅၀ ခန့် ထွက်လာမည်ဖြစ်ပြီး နောက်ထပ် လျှော့ချမှုများကိုလည်း ပြုလုပ်သွားမည်ဟု ဟောလ်က ထည့်သွင်းပြောကြားခဲ့သည်။
ထိုကဲ့သို့ ဘက်ဂျက်ကွာဟချက်မှာ တိုက်ရိုက်ထုတ်လွှင်သည့် ရုပ်သံလိုင်းကို မကြည့်ဟုပြောကာ လိုင်စင်ကြေးမပေးသည့် အိမ်များ တိုးလာခြင်းကြောင့်ဖြစ်သည်ဟု ဆိုသည်။

ဗာတီကန်တွင် ပါလက်စတိုင်သံရုံးဖွင့်မည်
……………………………….
လာမည့်နွေရာသီအကုန်တွင် ဗာတီကန်၌ ပါလက်စတိုင်းသံရုံးဖွင့်ရန် စီစဉ်နေသည်ဟု ပါလက်စတိုင်း နိုင်ငံခြားရေးဝန်ကြီး ရီယဒ်မာလီကီက ယနေ့တွင်ပြောကြားခဲ့သည်။ ဗာတီကန်မှာ ပါလက်စတိုင်းအား ပြီးခဲ့သည့်လက လွတ်လပ်သော အချုပ်အခြာအာဏာပိုင် နိုင်ငံအဖြစ် အသိအမှတ်ပြုခဲ့သည်။

Ref: News Agencies