ဂါဇာတွင် လူ့အခွင့်အရေးချိုးဖောက်သူများ တာဝန်ခံရေး ကုလ လူ့အခွင့်အရေးကောင်စီ ထောက်ခံ

ဇူလိုင် ၄၊ ၂၀၁၅
M-Media

– အရပ်သားအများစုအပါအ၀င် ပါလက်စတိုင်းပြည်သူ ၂၂၀၀ ကျော် သေဆုံးခဲ့ပြီး အစ္စရေးဘက်မှ ၇၃ ဦး သေဆုံးခဲ့သည့် ပြီးခဲ့သည့်နှစ် ဂါဇာတိုက်ခိုက်မှုအတွင်း လူ့အခွင့်အရေးဆိုင်ရာ ချိုးဖောက်မှုများအတွက် တာဝန်ခံမှုများရှိစေရန် တိုက်တွန်းမှုများကို ထောက်ခံသော
ဆုံးဖြတ်ချက်တစ်ခုကို ကုလသမဂ္ဂ လူ့အခွင့်အရေးကောင်စီက ယမန်နေ့တွင် ချမှတ်လိုက်သည်။

လူ့အခွင့်အရေးကောင်စီ၏ ထိုဆုံးဖြတ်ချက်မှာ ဥပဒေကြောင်းအရ သက်ရောက်မှုရှိမည် မဟုတ်သော်လည်း နိုင်ငံတကာ ရာဇ၀တ်ခုံရုံးတွင် စစ်ရာဇ၀တ်မှုဆိုင်ရာ တရားစွဲဆိုမှုများ ပြုလုပ်ရေး ဖိအားဖြစ်လာစေမည် ဖြစ်သည်။

အစ္စရေးကမူ ထိုဆုံးဖြတ်ချက်ကို ရှုတ်ချခဲ့ပြီး တစ်ဖက်သတ်ဆုံးဖြတ်ချက်ဖြစ်ကာ ဖြစ်နိုင်ချေရှိသော မှားယွင်းမှုများအတွက် ကိုယ်ပိုင်စုံစမ်းစစ်ဆေးမှုများ ပြုလုပ်ခြင်းကို လစ်လျူရှုခြင်းဖြစ်သည်ဟု ဆိုသည်။

ကောင်စီ၏ အဖွဲ့ဝင် ၄၇ နိုင်ငံတွင် ၄၁ နိုင်ငံမှာ အဆိုပါဆုံးဖြတ်ချက်ကို ထောက်ခံမဲ ပေးခဲ့ပြီး ဂါဇာအား ရက် ၅၀ ကြာ တိုက်ခိုက်မှုတွင် အစ္စရေးနှင့် ပါလက်စတိုင်းလက်နက်ကိုင် နှစ်ဖက်စလုံး ဆိုးဝါးသည့် စစ်ရာဇ၀တ်မှုများကို ကျူးလွန်ကောင်းကျူးလွန်နိုင်သည်ဟု ကောက်ချက်ချထားသော ကုလ၏ မကြာသေးမီက အစီရင်ခံစာကို ထောက်ပြခဲ့သည်။

၅ နိုင်ငံကမူ ထိုဆုံးဖြတ်ချက်အတွက် ကြားနေခဲ့ပြီး အမေရိကန်တစ်နိုင်ငံတည်းကသာ ကန့်ကွက်ခဲ့ကာ အစ္စရေးအပေါ် ဘက်လိုက်ခြင်းဖြစ်သည်ဟု ဆိုသည်။

ဥရောပနိုင်ငံများမှာ ဆုံးဖြတ်ချက်ကို ထောက်ခံခဲ့သော်လည်း ဂါဇာအား ထိန်းချုပ်ထားသော ဟားမက်စ်အဖွဲ့က အစ္စရေး၏ အရပ်ဘက်ဒေသများသို့ ဒုံးကျည်များ ပစ်လွှတ်မှုအတွက် ရှင်းရှင်းလင်းလင်း ဖော်ပြမှုမရှိခြင်းကို စိတ်ပျက်မိသည်ဟု ပြောကြားခဲ့သည်။

ဂါဇာအား အစ္စရေး၏ တိုက်ခိုက်မှုအတွင်း အရပ်သားအများစုအပါအ၀င် လူပေါင်း ၂၂၀၀ ကျော် သေဆုံးခဲ့ပြီး၊ အစ္စရေးဘက်က စစ်သား ၆၇ ဦး အပါအ၀င် ၇၃ ဦး သေဆုံးခဲ့သည်။

လူ့အခွင့်အရေးကောင်စီ၏ ယခုဆုံးဖြတ်ချက်တွင် လူ့အခွင့်အရေးချိုးဖောက်မှုများအတွက် တာဝန်ရှိသူအားလုံးကို အရေးယူရမည်ဖြစ်ပြီး၊ စစ်လျော်ကြေးအပါအ၀င် ထိခိုက်ခံစားရသူအားလုံးကို ထိရောက်သည့် ကုစားမှုများ ပြုလုပ်ပေးရမည်ဟုလည်း အခိုင်အမာ ဖော်ပြထားသည်။

Ref: Aljazeera