ဂရိချွေတာရေးအစီအစဉ်အတွက် ထောက်ခံသူများနှင့် ကန့်ကွက်သူများ အပြိုင်အဆိုင်ဖြစ်နေ

ဇူလိုင် ၄၊ ၂၀၁၅
M-Media

– နိုင်ငံတကာ အကြွေးရှင်များက အဆိုပြုသော ချွေတာရေးအစီအစဉ်အား ပြည်သူ့ဆန္ဒခံယူပွဲတွင် ထောက်ခံမဲနှင့် ကန့်ကွက်မဲပေးကြရန် မဲဆွယ်ချီတက်မှုများကို ဂရိပြည်သူများက အပြိုင်အဆိုင် ပြုလုပ်ခဲ့ကြသည်ဟု သိရသည်။

ဂရိနိုင်ငံက ရင်ဆိုင်နေရသည့် အကြွေးပြဿနာအား ဖြေရှင်းပေးရန်အတွက် အကြွေးရှင်များက ငွေကြေးကူညီထောက်ပံ့မှုများ ပြုလုပ်ရန် ကမ်းလှမ်းထားပြီး အပြန်အလှန်အားဖြင့် ဂရိနိုင်ငံကလည်း အကြွေးရှင်များ အဆိုပြုသည့် ချွေတာရေးအစီအစဉ်များကို လက်ခံရမည်ဖြစ်သည်။

သို့သော်လည်း ၀န်ကြီးချုပ် အလက်ဇစ် တီစီပရက်စ်ကမူ ထိုအဆိုပြုချက်အား ပြည်သူဆန္ဒခံယူမည်ဟု ပြန်လည်တုံ့ပြန်ခဲ့ပြီး မနက်ဖြတ်တွင်ပြုလုပ်မည့် ပြည်သူ့ဆန္ဒခံယူပွဲတွင် ကန့်ကွက်မဲပေးကြရန် ၎င်းကိုယ်တိုင်က အကြံပြုထားသည်။

ထိုသို့ ကန့်ကွက်ခြင်းအားဖြင့် ဂရိနိုင်ငံမှ တင်ရှိနေသော အကြွေး ကန်ဒေါ်လာ ၃၅၅ ဘီလီယံအတွက် ပိုမိုစီမံခန့်ခွဲနိုင်မည့် အချက်အလက်များပါဝင်သော သဘောတူညီချက်အသစ်တစ်ခုကို ဥရောပကော်မရှင်၊ ဥရောပဗဟိုဘဏ်၊ နိုင်ငံတကာ ငွေကြေးရန်ပုံငွေအဖွဲ့တို့နှင့် ရရှိရေးအတွက် ပိုမိုခိုင်မာသည့် ဆွေးနွေးညှိနှိုင်းမှု အခြေအနေသို့ မိမိအား ရောက်ရှိစေမည်ဟုလည်း ၀န်ကြီးချုပ် ပြောကြားခဲ့သည်။

သို့သော်လည်း အတိုက်အခံအဖွဲ့များနှင့် ဥရောပတာဝန်ရှိသူများကမူ အဆိုပါအဆိုပြုချက်ကို လက်မခံပါက ဂရိနိုင်ငံမှာ ဥရောပဇုန်မှ ထွက်ခွာရမည်ဖြစ်ပြီး နိုင်ငံ၏ အနာဂတ်အတွက် ပိုမိုဆိုးရွားသွားမည်ဟု ပြောဆိုထားသည်။

ကန့်ကွက်မဲပေးရန် ချီတက်ဆန္ဒပြမှုတွင်း ၀န်ကြီးချုပ် တီစီပရက်စ်က ပြောကြားရာတွင် ဂရိအား ဒီမိုကရေစီရိုးရာမှ ဝေးကွာစေချင်သူများ၏ လက်အတွင်း မိမိတို့နိုင်ငံမှာ ဥရောပကို စွန့်ခွာသွားမည်မဟုတ်ကြောင်း၊ မိမိတို့ဘက်တွင် တရားမျှမှုရှိနေပြီး မိမိတို့ အနိုင်ရမည်ဖြစ်ကြောင်း ပြောကြားခဲ့ကာ ကြောက်ဒူးတုန်သူများ၏ ဆော်သြမှုများကို လစ်လျူရှုရန်နှင့် ဆန္ဒခံယူပွဲတွင်
မည်သည့်ရလဒ်ထွက်သည်ဖြစ်စေ စုစုစည်းစည်းရှိကြရန် ဂရိပြည်သူများအား တိုက်တွန်းခဲ့သည်။

အတိုက်အခံပါတီ နယူးဒီမိုကရေစီမှ ခေါင်းဆောင်ဖြစ်သူ အန်တိုနစ် ဆာမာရက်စ်ကမူ ၀န်ကြီးချုပ်၏ မှတ်ချက်များကို တုံ့ပြန်ခဲ့ပြီး တီစီပရက်စ်မှာ လိမ်လည်မှုကို ဇွတ်တိုးနေကြောင်း၊ ၎င်း၏ ဆီရီဇာပါတီမှာ အမြဲတမ်း နိုင်ငံအား ဥရောပမှ ထွက်စေချင်ကြောင်း ပြောကြားခဲ့သည်။

Ref: Aljazeera