တစ်ချိန်က မိမိမှာ အလွန်ညှက်သည်ဟု အပြောခံရဖူးကြောင်း ရော်နယ်ဒို ဖွင့်ဟ

ဇူလိုင် ၆၊ ၂၀၁၅
M-Media

– တစ်ချိန်တွင် ယခုကဲ့သို့ နာမည်ကြီးကစားသမားဖြစ်လာရန်အတွက် မိမိမှာ အလွန်ညှက်သည်ဟု ဆယ်ကျော်သက်ဘ၀က အပြောခံခဲ့ရကြောင်း ရီးယဲလ်တိုက်စစ်မှူး ရော်နယ်ဒိုက ပြောကြားလိုက်သည်။

မန်ယူသို့ စတင်ရောက်ရှိသည့်အချိန်က ပိန်ပိန်ပါးပါးနှင့် ဆယ်ကျော်သက် တောင်ပံကစားသမားအဖြစ် နာမည်ကျော်ခဲ့ပြီး ရီးယဲလ်သို့ ၂၀၀၉ ခုနှစ် မပြောင်းရွှေ့ခင်အချိန်တွင် ရော်နယ်ဒိုမှာ ခန္ဓာကိုယ်ဖွံ့ဖြိုးအောင် ဆောင်ရွက်နိုင်ခဲ့သည်။

ယနေ့အချိန်တွင် ရော်နယ်ဒိုမှာ ၎င်း၏ ခန္ဓာကိုယ်အချိုးအဆစ်ကြောင့် ထင်ရှားပြီး အသက် ၃၀ အရွယ်ရှိ ၎င်းက မိမိမှာ ထိုကဲ့သို့ ရရှိအောင် ဂျင်မ်တွင် နာရီပေါင်းများစွာ အချိန်ပို လေ့ကျင့်ခဲ့ရသည်ဟု ဆိုသည်။

“ကြိုးစားခဲ့ရတာပါ။ နေ့တိုင်းပါပဲ။ ဒါ့ကြောင့်လည်း ကျွန်တော် ထိပ်တန်းအဆင့်မှာ နှစ်ပေါင်းများစွာကြာ ရှိခဲ့တာဖြစ်ပါတယ်။ ဒါဟာ တိုက်ဆိုင်မှု မဟုတ်ပါဘူး။ ကျွန်တော်ဟာ ကွင်းပြင်ပမှာ အလုပ်တွေ ထပ်လုပ်ခဲ့ရပါတယ်။ ကျွန်တော် ငယ်ငယ်တုန်းကဆိုရင် လူတွေက
“ခရစ္စတီယာနို။ မင်းဟာ တော်တော်လေး ပါရမီရှိတဲ့ ကစားသမားပါ။ ဒါပေမယ့် အရမ်းညှက်နေတယ်” လို့ ကျွန်တော့်ကို ပြောကြပါတယ်” ဟု ရော်နယ်ဒိုက ပရိုမိုးရှင်း ဗီဒီယိုတွင် ပြောကြားခဲ့သည်။

ထို့ကြောင့် မိမိ၏ စိတ်အား ခန္ဓာကိုယ်ဖွံ့ဖြိုးရေးတွင် နှစ်မြှုပ်ခဲ့ပြီး ဂျင်မ်တွင် ပြင်းပြင်းထန်ထန် ကြိုးစားခဲ့သည်ဟု ၎င်းက ဆိုသည်။

“အားကစားသမားဖြစ်ရခြင်းဆိုတာ အဓိပ္ပါယ် တော်တော်လေးရှိပါတယ်။ ဒီသေးသေးကွေးကွေး အချက်လေးက ထူးခြားမှုအကြီးကြီးကို ဖြစ်စေပါတယ်။ ဒါ့ကြောင့် ဒီလိုမျိုးလုပ်ဖို့ အရေးကြီးပြီး ကျွန်တော့်အတွက်တော့ တော်တော်ကောင်းခဲ့ပါတယ်။ ဒါ့ကြောင့်လည်း ကျွန်တော်ဟာ နှစ်တော်တော်များများ အမြဲတမ်း ပုံစံကောင်းမှာ ရှိနေခဲ့တာပေါ့”

ရော်နယ်ဒိုမှာ ပြီးခဲ့သည့်ရာသီက ရီးယဲလ်မက်ဒရစ်အတွက် ပြိုင်ပွဲအားလုံးတွင် ၅၄ ပွဲကစားပြီး စုစုပေါင်း ၆၁ ဂိုးသွင်းနိုင်ခဲ့ကာ တစ်ဦးချင်းစီတွင် အကောင်းဆုံး စံချိန်လည်းဖြစ်သည်။

Ref: Goal