မလေးရှားရှိ ဘေးချင်းကပ် ဗလီနှင့် ခရစ်ယာန် ဘုရားကျောင်းတို့ စုပေါင်း ၀ါဖြေပွဲ ကျင်းပ

ဇူလိုင် ၆၊ ၂၀၁၅
M-Media

– လူ့အဖွဲ့အစည်းအတွင်း နားလည်မှုများကို မြှင့်တင်သည့်အနေဖြင့် မလေးရှား အရှေ့မြောက်ပိုင်း ဆာရာဝပ်ပြည်နယ် မီရီမြို့တွင် ခရစ်ယာန်ဘုရားကျောင်းတစ်ခုနှင့် ဗလီဝတ်ကျောင်းတော်တစ်ခုတို့ ပူးပေါင်း၍ အစ်ဖ်သာရ်ဝါဖြေပွဲကို ပြုလုပ်ခဲ့ကြပြီး နိုင်ငံအတွင်းရှိ ဘာသာရေးလူ့အဖွဲ့အစည်းများ ငြိမ်းချမ်းစွာ အတူယှဉ်တွဲနေထိုင်မှုကို ပြသခဲ့ကြသည်။

“ဘာသာရေးနဲ့ လူမျိုးရေးဆိုင်ရာ ဒီလို နားလည်လက်ခံမှုကို ခံစားရတာဟာ တန်ဖိုးမဖြတ်နိုင်ပါဘူး” ဟု ပြည်နယ်လွှတ်တော်အမတ်တစ်ဦးဖြစ်သည် ဒါတွတ် လီက The Strait Times သို့ ဇူလိုင်လ ၄ ရက်နေ့တွင် ပြောကြားခဲ့သည်။

လီမှာ မီရီမြို့တွင် ဘေးချင်းကပ်လျက်တည်ရှိသော ဗလီဝတ်ကျောင်းတော်နှင့် ခရစ်ယာန်ဘရားကျောင်းတို့မှ ရမ်ဇာန်ဥပုသ်လကို ဂုဏ်ပြုသည့်အနေဖြင့် ပူးပေါင်းကျင်းပသည့် စုပေါင်းဝါဖြေပွဲကို ရည်ညွှန်း၍ ပြောကြားခဲ့ခြင်းဖြစ်သည်။

သောကြာနေ့က ကျင်းပပြုလုပ်ခဲ့သည့် အဆိုပါ စုပေါင်းဝါဖြေပွဲသို့ အင်ဂလိကန်၊ ကက်သလစ်၊ ဘော်နီယို ဧ၀ံဂေလိနှင့် မက်သဒစ် စသည့် ခရစ်ယာန်အသင်းတော်ပေါင်းစုံမှ တာဝန်ရှိသူများ၊ ပြည်သူများနှင့် မွတ်စလင်များ တက်ရောက်ခဲ့ကြသည်။

လူတောင်ဘဇားဒေသတွင် ရှိနေကြသည့် အန်နအီမ်း ဗလီဝတ်ကျောင်းတော်နှင့် Good Shepherd ဘုရားကျောင်းတို့မှာ မီတာ ၁၀၀ သာ ကွာဝေးပြီး ခရစ်ယာန်တို့၏ တနင်္ဂနွေ ၀တ်ပြုကိုးကွယ်သည့်အချိန်နှင့် မွတ်စလင်တို့၏ သောကြာနေ့ ၀တ်ပြုမှု အချိန်များတွင် လာရောက်သူများအတွက် တစ်ဖက်နှင့်တစ်ဖက် ကားပါကင်များကို မျှဝေသုံးစွဲကြသည်။

“ကားပါကင်တွေ မျှဝေသုံးစွဲတာ၊ ပွဲတွေ အတူတူလုပ်ကြတာဟာ ကျွန်တော်တို့ရဲ့ ဘ၀တည်ဆောက်မှုနည်းလမ်း ဖြစ်လာခဲ့ပါပြီ။ ကျွန်တော်တို့အတွက်တော့ မွတ်စလင်နဲ့ ခရစ်ယာန်တွေဟာ မိသားစုကြီး တစ်ခုပါပဲ” ဟု ရှေ့ဆောင်အီမာမ်တစ်ပါးဖြစ်သူ မိုဟာမက် ဇူလ်ကီဖလီ မိုဟာမက် အဒ်နန်က ပြောကြားခဲ့သည်။

အဆိုပါ စုပေါင်းဝါဖြေပွဲသို့ တက်ရောက်လာကြသူများမှာ ကိတ်မုန့်များ၊ သစ်သီးဝလံများကို အပြန်အလှန် မျှဝေခဲ့ကြပြီး နောက်ပိုင်းတွင် ဗလီဝတ်ကျောင်းတော် ပရ၀ုဏ်အတွင်းသို့ ၀င်ရောက်ကာ စုပေါင်း ၀ါဖြေခဲ့ကြသည်။

“ဒီဒေသက ဒီလို အပြန်အလှန် နားလည်လက်ခံမှုဟာ သဘာဝအတိုင်း ဖြစ်လာတာပါ” ဟု သင်းအုပ်ဆရာ ဒေါ်နဲလ် ဂျူတီက ပြောကြားခဲ့သည်။

မလေးရှားနိုင်ငံ၏ ၂၆ သန်းသော လူဦးရေတွင် ၆၀ ရာခိုင်နှုန်းခန့်မှာ အစ္စလာဘာသာဝင်များ ဖြစ်ပြီး၊ ခရစ်ယာန်ဘာသာဝင်များမှာ ၉.၁ ရာခိုင်နှုန်းရှိသည်။ ဗုဒ္ဓဘာသာဝင်မှာ ၁၉.၂ ရာခိုင်နှုန်း၊ ဟိန္ဒူ ၆.၃ ရာခိုင်နှုန်းနှင့် အခြားသော တရုတ်ရိုးရာ ဘာသာတရားများစွာလည်း ရှိနေသည်။

Ref: Onislam