နိုင်ငံတကာသတင်းတို (ဇူလိုင် ၇၊ ၂၀၁၅)

ဇူလိုင် ၇၊ ၂၀၁၅
M-Media

ယီမင်တွင် အရပ်သားသေဆုံးမှု ၁၅၀၀ ကျော်ပြီ
………………………….
ယီမင်နိုင်ငံအတွင်း တိုက်ခိုက်မှုများကြောင့် မတ်လ ၂၇ ရက်နေ့မှစ၍ သေဆုံးသူ အရပ်သားအရေအတွက်မှာ ၁၅၀၀ ကျော်လာခဲ့ပြီး ဒဏ်ရာရသူမှာ ၃၆၀၀ ကျော်ရှိပြီဟု ကုလသမဂ္ဂ လူ့အခွင့်အရေးဆိုင်ရာ မဟာမင်းကြီးမှ ယနေ့တွင် ထုတ်ပြန်သော ကြေညာချက်တွင်
ဖော်ပြထားသည်။ ပြီးခဲ့သည့်နှစ် စက်တင်ဘာတွင် ဟူသီသူပုန်များက မြို့တော်ဆန်နာကို သိမ်းပိုက်ခဲ့ပြီးနောက်ပိုင်း နိုင်ငံအတွင်း ပဋိပက္ခများ ဖြစ်ပွားခဲ့ကာ ပြီးခဲ့သည် မတ်လတွင် ဆော်ဒီက ဟူသီသူပုန်များအား ဗုံးကြဲမှုကို စတင်လုပ်ဆောင်ခဲ့သည်။

အီရန် နျူသဘောတူညီချက် မနက်ဖြန်တွင် ရနိုင်ဖွယ်ရှိ
………………………………..
အီရန်နှင့် အင်အားကြီး ၆ နိုင်ငံတို့ ဆွေးနွေးနေသော နျူအရေးမှာ ဇူလိုင် ၈ ရက်မနက်ထက် နောက်မကျဘဲ သဘောတူညီချက်ရရှိမည်ဟု အီရန်ရှိ ထိပ်တန်းရင်းမြစ်တစ်ခုက TASS သတင်းဌာနသို့ ပြောကြားခဲ့သည်။ သဘောတူညီချက်အတွက် နောက်ဆုံးရက်မှာ ယနေ့တွင်ဖြစ်ပြီး ကုလမှ အီရန်အား တိုက်ချင်းပစ်ဒုံးကျည် ရောင်းဝယ်ခြင်း ပိတ်ဆို့ထားမှုအတွက် အချေအတင်
ဆွေးနွေးနေကြသည်။ အမေရိကန်အစိုးရကမူ ဆွေးနွေးမှုကို ဇူလိုင်လ ၁၀ ရက်နေ့အထိ ထပ်တိုးသွားမည်ဟု ကြေညာခဲ့သည်။

ဂရိဘဏ်များတွင် ငွေကုန်တော့မည်
…………………………..
ကြွေးရှင်နိုင်ငံများ၏ အဆိုပြုချက်ကို ကန့်ကွက်ခဲ့သည့် ဂရိနိုင်ငံရှိ ဘဏ်များတွင် ငွေသားများ ကုန်တော့မည်ဟု ၀န်ကြီးချုပ် တီစီပရက်စ်က ယနေ့တွင် ပြောကြားခဲ့သည်။ ၀န်ကြီးချုပ်မှာ နိုင်ငံအား အကြွေးမှကယ်တင်ရေး အဆိုပြုချက်အသစ်ကို ကိုင်ဆောင်ကာ ယနေ့တွင်
ဥရောပခေါင်းဆောင်များနှင့် တွေ့ဆုံခဲ့သော်လည်း ဥရောပနိုင်ငံများက တီစီပရ်စ်အား ပြင်းပြင်းထန်ထန် သတိပေးခဲ့သည်။ ဥရောပဇုန် တာဝန်ရှိသူတစ်ဦးကမူ မည်သည့် အဆိုပြုချက်ကိုမှ ယနေ့တွင် လက်မခံခဲ့ဟု ပြောကြားခဲ့သည်။

လက်ဝှေ့ကျော်မေ၀ယ်သာ ၀ယ်သာဝိတ်ချန်ပီယံဘွဲ့ ရုပ်သိမ်းခံရ
…………………………………….
WBO သို့ ပေးရန်ရှိသည့် ဒဏ်ကြေး ဒေါ်လာ ၂ သိန်းကို နောက်ဆုံးရက်ဖြစ်သော သောကြာနေ့တွင် ပေးအပ်ခြင်းမရှိသောကြောင့် ပက်ကွီအိုအားနိုင်ကာ ရရှိထားသည့် မေ၀ယ်သာ၏ ကမ္ဘာ့ဝယ်သာဝိတ်ချန်ပီယံဘွဲ့ကို WBO က ရုပ်သိမ်းလိုက်သည်။ မတူညီသော ၀ိတ်တန်းများတွင် တစ်ချိန်တည်း ချန်ပီယံဘွဲ့များကို ရယူထားခြင်း မရှိရဟူသော လက်ဝှေ့လောက၏ စည်းမျဉ်းအရ
မစ်ဒယ်ဝိတ်ချန်ပီယံဖြစ်ထားသည့် မေ၀ယ်သာမှာ ထိုကဲ့သို့ ဒဏ်ရိုက်ခံရခြင်းဖြစ်သည်။

Ref: News Agencies